2 Lëk 21:7 - JAM DE NHIALIC 2011

⁷ ku acïï Bɛ̈nydït kɔɔr luɔi bïï yen bääny de dhiën ë Debid riɔ̈ɔ̈k, në biäk cï yen mät looi kekë Bɛ̈nydït, ku looi gutguut nɔn bïï käu de Debid kɔc wat ë ceŋ.

2 Lëk 21:7 ပူးပေါင်းရင်းမြစ်များ

2 Tham 21:17

Go Abicai wën ë Dheruia Debid kony ku nɛ̈k raan de Pilithiin. Na wën ke kɔc ke Debid ë ke kuëëŋ ë yenɔm nɔn cïï yen bï bɛ lɔ tɔŋ ke keek ë kööl däŋ, luelkï an, “Yïn ee aŋäth de Yithriɛl, ku wok cïn piɔ̈ɔ̈th luɔi bïï ë yïn nɔ̈k.”

2 Tham 23:5

Yen luɔi bïï Nhialic käudï thieei ka, në baŋ cï yen män bï tɔ̈u athɛɛr looi kekë yɛn, amat cïï bïï bɛ dhoŋ kɔ̈u, ee gutguut cïï bïï waar. Yen kë ya kɔɔr ëbɛ̈n ka, kënë abï ya tiëmdï, ku abï Nhialic tɔ loi rɔt.

1 Mel 11:13

Ayï luɔi bän e tɔ ye melik de dhiën tök, në biäk de Debid raandiën ee Ya luööi, ku në biäk de Jeruthalem wundiën cä lɔc.”

1 Mel 11:36

ku Yɛn bï mïthke Tholomon nyäŋ dhiën tök, në biäk bï käu de Debid awundï aa bäny ë Jeruthalem ë caŋɣɔn, pänydït cä lɔc ke ye të bï Ya aa lam.

1 Mel 15:4

Ku në biäk de Debid, Bɛ̈nydït acï Abijam bɛ̈n gäm mɛwä bï lɔ̈ɔ̈k aa melik në nyinde yic në Jeruthalem, ke bï Jeruthalem gël.

2 Mel 8:19

ku Bɛ̈nydït akën gam bïï Juda riɔ̈ɔ̈k, në luɔi cïï yen e thön Debid awunde, luɔi bïï käude aa bäny aɣet athɛɛr.

2 Mel 8:24

Go Jeɣoram jɔ thou ku tɔ̈ɔ̈u ke kuarken ë Pänydït de Debid yic, ago Aɣadhia wënde lɔ në nyinde yic ke ye melik.

2 Lëk 22:11

Melik Aɣadhia ade nɔm nyanwun cɔl Jeɣoceba, cï thiaak në bɛ̈ny de kake Nhialic cɔl Jeɣoyada. Go wën töŋ de Aɣadhia thiaan, wën cɔl Jowac, go jɔt ë mïth ke melik kɔ̈kkë yiic, mïth kɔɔr bïï ke nɔ̈k, ku le thiaan kekë awut ɣön de tɔ̈c nu ë Luaŋdïtic, ku jɔ muk apiɛth. Në luɔi cï yen en muk ke thiɛɛn, acï bɛ̈n tɔ poth në Athalia cin ke kën nɔ̈k.

2 Lëk 23:3

Na wën aa cïk kenïïm kut ɣön ë Nhialic, go amatnɔm löŋ mac ëtɛ̈ɛ̈n ë Jowac wën melik. Go Jeɣoyada bɛ̈ny de kake Nhialic lɛ̈k keek an, “Kënë ee wën de Melik cï thou! Ku yen abï dhil aa melik ënɔɔnë, cït man cï Bɛ̈nydït gutguut looi luɔi yen käu de Debid kek abï aa bäny ë ceŋ.

2 Lëk 6:16

Ku ënɔɔnë Bɛ̈nydït, Nhialic de Yithriɛl, muk gutguut wään bä lɛ̈k wäär Debid an, yïn bï nɔm aa dɛ raan töŋ de dhiëndu bï lɔ̈ɔ̈k aa melik de Yithriɛl, të le kek aa kɔc ee lööŋku riëëu apiɛth cït man cï yen ye looi.

Diɛt 132:11

Yïn cï awunduön Debid luöi gutguut, gutguut cï bï dak nɔm ciëën: an, “Yɛn bï wën töŋdu tɔ ee melik, ku abï bääny muk në yïcök.

Diɛt 89:39

Yïn cï löŋduön cï mac wekë awundu dhoŋ kɔ̈u, ku dɛɛnyë gölde në dhuur nɔm.

Luk 1:69

Ku acï tuŋ de kunydewëi jat nhial në këda, Tuŋ de dhiën ë Debid awunde,

Luk 1:79

Bï aa many ë kɔc riaau kɔc rɛ̈ɛ̈r tëcol ku rëërkï atïptïïp ë thuɔɔuwic, Ago wo dak cök ë kueer ë mätic.”