2 Lëk 21:12 - JAM DE NHIALIC 2011

¹² Go tiët Elija Jeɣoram tuöc awerek, go gɔ̈ɔ̈r an, “Bɛ̈nydït, Nhialic de kuaar Debid, acï yïn maan në biäk kën yïn kueer piɛth wään de wuur melik Jeɣocapat kuany yic, ayï kueer de kuaar melik Atha.

2 Lëk 21:12 ပူးပေါင်းရင်းမြစ်များ

1 Mel 15:11

Atha acï këpiɛth looi në Bɛ̈nydït nɔm, kë cït kë cï kuɛɛrë Debid looi.

1 Mel 17:1

Go tiët cɔl Elija raan ë Ticibe në Giliyad lɛ̈k melik Aɣap an, “Alɛ̈k yïn në rin ke Bɛ̈nydït, Nhialic pïïr de Yithriɛl ya luööi, an abï ciën deŋ ku cïn thäc në ee runke yiic agut të bän e lueel.”

1 Mel 22:43

Acït Atha wun wään nu ë yenɔm, acï këpiɛth looi ë Bɛ̈nydït nɔm, ku akën ɣään ye yiëth lam thïn riɔ̈ɔ̈k, kɔc aa ke ŋoot ke ke ye miɔ̈c ku wal ŋïr lɔ gam ëtɛ̈ɛ̈n.

2 Mel 2:1

Na ɣɔn, ke kööl bïï ë Bɛ̈nydït Elija jat nhial në kɔɔr bɔ̈. Go Elija lɔ kekë Elica lek Gilgal,

2 Mel 2:11

Na wën, aa ŋootkï, ke ke cath, ke ke jam, go abël ë mac thel ë jöŋgöör ke mac tuöl ë thiäu, ku tek keyiic, go Elija lɔ paannhial në kɔɔr.

2 Lëk 14:1

Go Abija thou, gokï tɔ̈ɔ̈u ë rɛ̈ŋ ke bäny yiic në Pänydït de Debid yic. Ago Atha wënde lɔ në nyinde yic ke ye melik. Go piny dɛ mät në run kathiëër.

Jeremia 36:2

“Nöm awerek ku gäärë yic kë cä lɛ̈k yïn ëbɛ̈n ë biäk de Juda ku Yithriɛl ku juöör kedhie. Gɔ̈ɔ̈r këriëëc ëbɛ̈n kë cä lɛ̈k yïn gɔl ë kööl wään bän kɔn jam wo yïn, wään ye Jothia melik agut cï ënɔɔnë.

Jeremia 36:23

Ku të wën cï Jeɣudi aber kadiäk ku ŋuan kueen, go melik ke tɛɛm wei ë lem koor, ku cuɛt ke mɛɛc. Aa ye jɔ looi aya arëk bï awerek thök ë dɛ̈p ëbɛ̈n.

Danyel 5:5

Ee tëthiinë go ciin ë raan tïc ku jɔ gäär guɔ gɔl në päny de ɣön ë melik cï piiny kɔ̈u, të wën riɛɛu ë mɛ̈c ke alath aläl. Ku melik acï ciin tïŋ të wën gɛ̈ɛ̈r en.