2 Lëk 20:6 - JAM DE NHIALIC 2011

⁶ ku lɛ̈ŋ në röldït an, “Bɛ̈nydït Nhialic de kuarkuɔ, ee yïn ee bɛ̈ny ceŋ tënhial ku mac juöör ke piny nɔm ëbɛ̈n. Yïn ril ku Yïn Wärjäŋ, ku acïn raan duëër yïn jɔ̈ɔ̈ny.

2 Lëk 20:6 ပူးပေါင်းရင်းမြစ်များ

1 Mel 8:23

Ku lɛ̈ŋ an, “Nhialic de Yithriɛl, acïn Nhialic cït Yïn paannhial ku piny. Yïn ee kë cï than piny döt ku nyuöthë nhiëërduön agɔk raan ëbɛ̈n, raan ee Yïn riëëu ku Ye kɔɔr ë piɔ̈nde ëbɛ̈n bïï këde piɔ̈ndu aa looi.

1 Mel 8:30

Ku piŋ pal ë raanduön ee Yï luööi, ku pal ë kɔckuön ke Yithriɛl, kööl bïï kek aa pal ee tënë. Ye piŋ paannhial paan ee Yïn rëër thïn, ku të cïï Yïn en piŋ, Ye kɔcku päl karɛcken.

1 Lëk 29:18

Bɛ̈nydït Nhialic de kuarkuɔ Abraɣam, ku Yithaak, ku Jakop, muk luɔiduön piɛth aɣet athɛɛr, në täŋ de kɔcku yiic, ku në kɔcku piɔ̈ɔ̈th, ku ye ke wël piɔ̈ɔ̈th Yïn.

2 Lëk 20:5

ku jɔkï kenïïm kut kedhie në pëër cï piac luöi Luaŋdït. Go Melik Jeɣocapat lɔ kɔ̈ɔ̈c në amatnɔm de Juda ku Jeruthalemic

2 Lëk 25:8

Aye tak an bïk yïn tɔ ril, ku ee Nhialic yen de nɔm riɛl bï yen raan gäm tiëm ku nɔn tɔ raan tiaam, ku abï kɔc ke aterdu tɔ tiaam week.”

2 Lëk 5:14

Go bäny ke kake Nhialic luɔi de läm tɔ kääc në biäk cïï luän de dhuëëŋ ë Bɛ̈nydït ɣön ë Nhialic thiɔ̈ɔ̈ŋic.

2 Lëk 6:14

Ku lɛ̈ŋ an, “Bɛ̈nydït Nhialic de Yithriɛl, acïn Nhialic däŋ cït Yïn paannhial ku piny. Yïn ee löŋduön cï mac we kɔcku muk ku ye keek nyuöth nhiëërduön agɔk të cï kek Yï riëëu në kepiɔ̈ɔ̈th ëbɛ̈n.

Jop 9:4

Nhialic apel nɔm ku aril, eeŋa bï mëën ke Yen, ku tiɛɛm?

Diɛt 115:3

Nhialicda anu paannhial, ee këdɛn kɔɔr looi.

Diɛt 46:11

Bɛ̈nydït de rɛm atɔ̈u ke wook, Nhialic de Jakop Yen ee tëdan ë thiaan.

Diɛt 47:2

Bɛ̈nydït, Awärjäŋ Yen abï ë riɔ̈ɔ̈c, Yen ee melik dït, bɛ̈ny mac pinynɔm ëbɛ̈n.

Diɛt 47:8

Nhialic ë nyuc në thöönydɛn ɣeric nɔm, ee Yen ee bɛ̈ny de juöör.

Diɛt 54:1

Kony yɛn në riɛldu Nhialic, lony yɛn në riɛldu.

Diɛt 62:11

Acä piŋ ke lueel ë Nhialic nɔn ye riɛl këde Nhialic Yetök,

Bɛ̈n 3:6

Ee Yɛn Nhialic de kuarkun, Nhialic de Abraɣam kekë Yithaak ku Jakop.” Go Mothe riɔ̈ɔ̈c luɔi bï yen Nhialic woi, go yenyin kum.

Yith 14:27

Bɛ̈nydït de rɛm acï dhel ë yepiɔ̈u bï ee kënë looi, acï ye kök jat nhial ke kɔɔr bï këtuc looi, ku acïn raan duëër E dɔ̈m kɔ̈ɔ̈c.

Yith 66:1

Aye Bɛ̈nydït lueel an, “Të nhial yen ee thööcdï ku piny nɔm yen ee të Yɛn a cök dhɔ̈ɔ̈r. Ee ɣön yïndï, duɛ̈ɛ̈rkï yiɛ̈k ɛn, ku ye të yïndï duɛ̈ɛ̈r ɛn rëër thïn?

Jeremia 49:19

Yɛn bï bɛ̈n cït man ë köör bɔ̈ bei në tiim lɔ thïk në Jordan yɔu, ke bɔ̈ në wal tɔ̈c yiic, ku ta kɔc ke Edom tɔ kɔt ëthiäu pinyden. Ku bɛ̈ny bä lɔc abï jur jɔ ceŋ. Eeŋa duëër ë thɔ̈ɔ̈ŋ ke yɛn? Eeŋa duëër Yɛn guääk? Ee bɛ̈ny ŋa duëër teer ke Yɛn?

Danyel 4:17

Kënë ee jam de tunynhial ɣeric cï rɔt coc ke daai. Ku ënɔɔnë, tɔ ŋic ë kɔc ë pinynɔm ëbɛ̈n an Nhialic dït ade nɔm riɛl në ciɛɛŋ de kɔc ë pinynɔm kedhie nïïm. Ku aduëër keek gäm raandɛn cï lɔc. Aduëër keek gäm kɔc cïn naamden.’

Danyel 4:25

Yïn bï cuɔp wei në kɔc yiic, ku yïn bï lɔ rëër wek ë läi roor. Në run kadhorou yiic, yïn bï nyuäth ë wal cï lɛ̈i, ku yïn bï tɔ̈c biic, të bï thäc yïn thɛ̈c. Ku ëtɛ̈ɛ̈n abä gam nɔn yen Nhialic dït, yen muk ciɛɛŋ de pinynɔm ëbɛ̈n, ku aduëër ke gäm raandɛn kɔɔr ë yepiɔ̈u.

Math 6:13

Ku du wook ë lɛɛr ë themic, Ye wo luök në kërac, Ciɛɛŋ ee këdu, riɛl ee këdu, Dhuëëŋ ee këdu, aɣet athɛɛr. Amiin.

Math 6:9

Yen aa wek lɔ̈ŋ wäklë: Wääda nu paannhial, Tɔ rinku riëëuwë.

Luɔi 11:17

Ku ënɔɔnë, të cï Nhialic keek miɔɔc në miɔ̈c cït miɔ̈c cï en wo miɔɔc, wään cï wo Bɛ̈nydït Yecu Kërtho gam, ku yɛn, ya ŋa, duɛ̈ɛ̈r Nhialic pɛ̈n luɔide?”

Romai 9:19

Yïn bï a jɔ thiëëc an, “Eeŋö däŋ ŋoot en ke ye kɔc gɔ̈k? Eeŋa duëër en pɛ̈n këde piɔ̈nde?”

Nyöŋ 4:39

Ka week ŋiɛckï ee köölë, ku duökï nïïm mär, Bɛ̈nydït ee yen Nhialic nu paannhial kekë piny. Acïn Nhialic däŋ nu.

Jocua 2:11

Wok aa cïï riɔ̈ɔ̈c dɔm ɣɔn piŋ wok en, goku röt päl wei aläl në këdun. Bɛ̈nydït Nhialicdun Yen aye Nhialic de paannhial ku piny.