2 Lëk 20:15 - JAM DE NHIALIC 2011

¹⁵ Go Jaɣadhiel lueel an, “Yïn melik ku wek ke kɔc ke Juda ku Jeruthalem, acïï Bɛ̈nydït lueel nɔn cä wek piɔ̈ɔ̈th bï jiɛth, ku cäkï riɔ̈c bäk lɔ rɔ̈m në ee rem dïïtë. Tɔŋ ee këde Nhialic, acie këdun.

2 Lëk 20:15 ပူးပေါင်းရင်းမြစ်များ

1 Mel 20:13

Na wën ke tiët ë lɔ tëde Aɣap melik de Yithriɛl ku lueel, an, “Acï Bɛ̈nydït lueel an duökï riɔ̈c në remdïït de tɔŋ bɔ̈yë, abä ke tääu në yïcin ee köölë, yen abä wek e ŋic nɔn ee Yɛn Bɛ̈nydït.”

2 Lëk 20:16

Miäk aköl lak makkï keek të le kek bɛ̈n në kueer de Dhidh. Abäk keek yök në wak këc, të lɔ aköl amiäk thiääk kekë jɔ̈ɔ̈r de Jeruel.

Neɣe 4:14

Acï tïŋ nɔn riɔ̈ɔ̈c ë kɔc, aguɔ lɛ̈k keek në bänyken, ku bäny ke luɔi, an, “Duökï riɔ̈c në kɔc ke aterda, yak we nïïm tak në Bɛ̈nydït, luɔi dïït En, ku ye këde riɔ̈ɔ̈c, ku thärkï tɔŋ në biäk de kɔc ke wundun, ku mïthkun, ku diäärkun ayï ɣöötkun.”

Wɛ̈ɛ̈t 9:11

Ku yɛn cï rɔt puk guɔ këdäŋ tïŋ ë piny nɔm, acie raan ŋic kat yen ee tiam aköölnyïïn, acie jööt kek ee tɔŋ tiaam aköölnyïïn, acie kɔc pelnïïm kek ee këcam yök aköölnyïïn, acie kɔc tiëër nïïm kek ee kuɛth aköölnyïïn, acie kɔc ŋic käŋ kek ee miɛtëpiɔ̈u yök tëde kɔc aköölnyïïn. Piäl ë guöp ee këde raan ëbɛ̈n.

Yith 37:6

go tɔ puk ë nɔm en an, “Alëk ë Bɛ̈nydït yïn an duökï röt tɔ riëëc ë kɔc ke Athiriya në kë yek lueel an cïï week bï kony.

Nyöŋ 20:1

Go Mothe lueel an, “Të la wek biic, lak thɔ̈ɔ̈r në kɔc ke aterdun, ku lak abëël ke tɔŋ tïŋ, jöŋgöör ku remdïït de tɔŋ wär week në juëc, duökï riɔ̈c në keek, Bɛ̈nydït Nhialicdun Raan wään luäk week në Rip, abï tɔ̈u ke week.

Nyöŋ 20:4

Bɛ̈nydït Nhialicdun alɔ ke week, ku abï week tɔ tiëm.’

Nyöŋ 31:6

Tɔ rɔt ril ku tɔ rɔt ee jöt. Du riɔ̈c ku du piɔ̈u pɛ̈u wei në biäkden. Në luɔi bïï Bɛ̈nydït Nhialicdun cath kekë week, acïï week bï kɔn pɔ̈l ku cïï we nyiëëŋ wei.”

Nyöŋ 31:8

Ku Bɛ̈nydït guöp abï lɔ në wenïïm tueŋ ku abï tɔ̈u ke week, ku acïï week bï kɔn pɔ̈l ku cïï we nyiëëŋ wei. Du riɔ̈c ku du piɔ̈u jieth.

Jocua 11:6

Go Bɛ̈nydït lɛ̈k Jocua, an, “Du riɔ̈c në keek. Miäk aköl wälë, abä ke gäm Yithriɛl ke ke cï thök ë nääk kedhie. Wek bï jöŋgöörken tɔ ye ŋöl miäk, ku ɣaakkï abëëlkɛn ke tɔŋ.

Bäny 7:21

Ku kɛ̈ɛ̈ckï, ye ŋɛk kɔ̈ɔ̈c tëde ke ke cï wut tuɔɔk, go rem de Midian kat ëbɛ̈n, ku pälkï kiɛɛu, ke ke riŋ.

1 Tham 17:47

Yen abï amatnɔmë ëbɛ̈n ye jɔ ŋic ë gɔk, nɔn cïï Bɛ̈nydït abätɛ̈ɛ̈u ayï tɔɔŋ kɔɔr bïï En kɔcke kony. Tɔŋ ee këde, ka bï we gäm wook wedhie ee köölë.”