2 Lëk 20:1 - JAM DE NHIALIC 2011

¹ Na ɣɔn ke rem de tɔŋ de Mowap ku Ammon ku lɔ kɔc mät ë keek, kɔc ke Munit acïk wun ë Juda mak.

2 Lëk 20:1 ပူးပေါင်းရင်းမြစ်များ

1 Lëk 4:41

Në akööl ke melik ke Ɣedhekia melik de Juda, kek ee kɔc cï gɔ̈ɔ̈r rin tueŋë acïk lɔ Jiraar ku riäkkï pɛɛny ku ɣööt ke kɔc rɛ̈ɛ̈r ëtɛ̈ɛ̈n. Ku Copkï kɔc ke wut, ku nömkï wut, ku ɣɛpkï ëtɛ̈ɛ̈n ke ye paandɛn ku cïkkï be jäl thïn, në biäk cïï kek yen yök ke ee të duëër ë thökken aa nyuäth thïn.

2 Lëk 14:8

Melik Atha aa de nɔm aguum bot kadiäk 300,000 de rem de tɔŋ ë Juda muk tɔɔŋ ku kööt, ku aguum bot kaarou ku thiërbɛ̈t 280,000 de rem de tɔŋ ë Benjamin muk kööt ku dhɛ̈ŋ. Ayek röör jööt cï ŋiëc wɛ̈ɛ̈t kedhie.

2 Lëk 19:11

Ku Amaria bɛ̈ny de kake Nhialic yen abï lööŋ de kake Nhialic aa teem kedhie, ku Dhebadia wën de Yicmiɛl, bɛ̈ny de Juda yen abï löŋ de luök ke ciɛɛŋ aa teem kedhie. Ku kɔc ke Lebai abïk lööŋ ke luök aa tïŋ na cï ke thöl ë luɔi kedhie. Riɛtkï wepiɔ̈ɔ̈th ku luɔikï ee luɔiyë, ku Bɛ̈nydït abï tɔ̈u në biäk ë kɔc de nïïm yic!”

2 Lëk 19:2

Na wën ke Jeɣu wën de Ɣanani monydaai, lɔ rɔ̈m kekë melik ku lëk en an, “Ye tak ee yic bä kɔc ee karɛc looi kony, kɔɔr bä lɔ kɔ̈ɔ̈c we kɔc man Bɛ̈nydït? Kë cï looiyë acï agönh de Bɛ̈nydït bɛ̈ɛ̈i ë yïguöp.

2 Lëk 19:5

Go bäny ke luk kuany në pɛ̈ɛ̈nydït ke Juda cï gël yiic kedhie

2 Lëk 20:10

“Ënɔɔnë kɔc ke Ammon, ku Mowap, ku Edom acïk wook mak. Ayï ɣɔn bï kuarkuɔ bei ë Rip, akɛ̈n ë keek bɛ̈n pɔ̈l bïk lɔ ee pinyë, go kuarkuɔ tëëk ë kelɔ̈m ku akënë ë ke riɔ̈ɔ̈k.

2 Lëk 26:7

Go Nhialic ye kuɔny bïï Pilithiin tiaam kekë kɔc ke Arab rɛ̈ɛ̈r në Gurbaal, ku Munit.

2 Lëk 32:1

Na wën aacï kake tuöl ku cï melik Ɣedhekia Bɛ̈nydït ŋic luööi apiɛth, ke Thenakerip melik de Athiriya peec ë Juda. Go pɛ̈ɛ̈nydït tuɔɔk ku yöök remdɛn ë tɔŋ bïk kɛ̈l jäp piny.

Yith 16:6

Aye kɔc ke Juda lueel an, “Acuk piŋ luöi ye kɔc ke Mowap kenïïm ɣääc. Aŋicku nɔn ye kek kɔc aluɛth ee röt leec, ku lɛcden ee ɣɔ̈ric.”

Yith 7:1

Na ɣɔn aacï melik Aɣadh wën ë Jotham, ku ye wën ë wën Yudhia jɔ aa melik de Juda, go tɔŋ thɔ̈ɔ̈r yï Redhin melik de Thiriya, kekë Peka wën ë Remalia melik de Yithriɛl, acïk Jeruthalem mak, ku akënkï bɛ̈n lëu në pɛ̈c.

Jeremia 10:24

Bɛ̈nydït, kiɛmë kɔcku piny, ku du wo lui këtuc arëët, du lui këtuc të cï Yïn gɔ̈th, kënë aduëër aa thökda.

Jeremia 49:1

Kën ë lueel Bɛ̈nydït kï në biäk de Ammon an, “Tɔ̈u röör ke Yithriɛl tënou? Cïn raan töŋ duëër pinyden gël? Eeŋö duëër kek kɔc ee yanh cɔl Molek lam tɔ nöm piny de dhiën ë Gad ku ɣɛpkï ëtɛ̈ɛ̈n?

Nyuuth 3:19

Kɔc nhiaar ëbɛ̈n, kek aya nen ku ya ke wɛ̈ɛ̈t cït mïth: yen lëth yïn yic, ku puk yïpiɔ̈u.