2 Lëk 19:4 - JAM DE NHIALIC 2011

⁴ Acakaa nɔn rëër ë Jeɣocapat në Jeruthalem, aaye dap keny ke lɔ të tɔ̈u kɔc thïn, gɔl ë Biirceba të lɔ wöuwic leer piny ë kuur de Eparaim, të lɔ rut, në biäk bïï yen kɔc cɔɔl bïk Bɛ̈nydït gam, Nhialic de kuarken.

2 Lëk 19:4 ပူးပေါင်းရင်းမြစ်များ

Cäk 21:14

Ago Abraɣam rɔt jɔt ɣɔn amiäk aduduur, ku gëm Ɣajer kacaam, ku athep ë pïïu athiäŋ ke pïïu. Kɛ̈k ë yekët, ku tɛ̈ɛ̈u meth ë yekɔ̈u, ku cieec ke wei. Go jɔ lɔ tɔ̈u në jɔ̈ɔ̈r ë Biirceba yic.

Cäk 21:33

Ago Abraɣam tiim cɔl tamarith com në Biirceba, ku lɛ̈ŋ Bɛ̈nydït ëtɛ̈ɛ̈n, Nhialic tɔ̈u athɛɛr.

Malakai 4:6

Abï mïth bɛ̈n määt në wärken, ku mɛ̈ɛ̈t wärken ë mïth në mïthken. Na cie yen, pinydun abä bɛ̈n riɔ̈ɔ̈k në aciɛɛn.

Math 25:16

Na wën, ke raan wën cï gäm aguum kadhïc, ke lɔ, go käŋ ɣɔɔc në keek, ago aguum kadhïc ke wëu kɔ̈k yök ayadäŋ ë ɣööcic.

Luk 1:17

Ku abï kɔn lɔ ë yenɔm tueŋ, ke cath ke Wëi ke Elija ku riɛlde, le wärken ë mïth wɛ̈l piɔ̈ɔ̈th mïthken, ku puk kɔc piɔ̈ɔ̈th kɔc reec gäm, bïk pɛlënɔm yök pɛlënɔm ë kɔc piɛthpiɔ̈ɔ̈th, ago kɔc tɔ guik röt kɔc cï röt coc në këde Bɛ̈nydït.”

Jocua 17:15

Go Jocua bɛ̈ɛ̈r an, “Na cäk juëc, ku cïï piny ë kuur de Eparaim we be lɛɛr, ke we lɔ në roor ë kɔc ke Peridh yic kekë roor de Repaim, lak yiëpkï röt piny ëtɛ̈ɛ̈n, piny rɛ̈ɛ̈r wek thïn.”

Bäny 19:1

Në aköölkë Yithriɛl aa cïn nɔm bɛ̈ny, ku ade raan ë Lebai ë rɛ̈ɛ̈r piny ë kuur de Eparaim kɔ̈u. Na wën, ke nöm tik në Bethleɣem de Juda bïï aa tiiŋ mɔ̈th.

Bäny 20:1

Go kɔc ke Yithriɛl kedhie gɔl ë Dan leer Biirceba, ku dɔm piny de Giliyad ëbɛ̈n. Gokï kenïïm mat ke ke ya akutnɔm dïït tök ë Bɛ̈nydït nɔm ë Midhpa.