2 Lëk 16:9 - JAM DE NHIALIC 2011

⁹ Bɛ̈nydït ee pinynɔm caath ku woi, ke bï riɛl gäm kɔc piɛth piɔ̈ɔ̈th ee yen riëëu. Yïn cï tak cït man ë dhɔ̈n, gɔl ënɔɔnë leer tueŋ, yïn bï tɔ̈u ë tɔɔŋ yiic.

2 Lëk 16:9 ပူးပေါင်းရင်းမြစ်များ

Cäk 31:28

Na cakaa duetkï, akɛ̈n ë ke tɔ ciɛɛm thook në mïthken, ku puɔ̈t ke kueer ta ke jäl. Yïn ë kërac kuöc looi!

2 Tham 24:10

Na wën cï Debid kɔc thöl ë kuën, go jam de piɔ̈u ye nuaan, ago lɛ̈k Bɛ̈nydït an, “Yɛn cï kërac aläl looi. Yïn läŋ päl ë yɛn awänydï. Acä looi në dhɔ̈ɔ̈n.”

1 Mel 15:32

Ku aa de tɔŋ në kaam de Atha kekë Baaca melik de Yithriɛl në akööl ɣɔn muk kek bääny.

2 Mel 20:3

“Tak Yïnɔm Bɛ̈nydït në luɔi aa yan e them anandï, bä aa raan adöt, ku bä aa raan ee këde piɔ̈ndu looi, ku luɔi këpiɛth ë Yïnɔm.” Go Ɣedhekia dhiau në dhiën dït arëët.

1 Lëk 21:8

Go Debid lɛ̈k Nhialic, an, “Yɛn cï wäc arëët në kë cän ee kënë looi! Pälë yɛn awänydï. Yɛn cï kuöc luui ë ciën piɔ̈u.”

2 Lëk 15:17

Na cakaa wään kën ë Atha ɣään ke läm de yiëth riɔ̈ɔ̈k në Yithriɛl yic ëbɛ̈n, acï bɛ̈n ŋoot ke ye piɔ̈u adöt ë Bɛ̈nydït nɔm në pïïrde yic ëbɛ̈n.

2 Lëk 15:19

Ku ëtɛ̈ɛ̈n acïn tɔŋ cï bɛ̈n bɛ thɔ̈ɔ̈r agut të ɣɔn cïï runke aa thiërdiäk ku dhïc ë bääny yic.

2 Lëk 16:10

Kënë acï Atha bɛ̈n tɔ diu piɔ̈u kekë monydaai, ago tɔ dɔm ku rek. Yen ee kaamë yic yen aacï Atha kɔc kɔ̈k bɛ̈n yɔŋ ë yaaŋ rac.

2 Lëk 19:9

Go Jeɣocapat ke jääm an, “Wek bï dhil luui në riɔ̈ɔ̈c ë Bɛ̈nydït, ku bäk riëëu në piɔ̈n adöt ë këriëëc yic ëbɛ̈n.

2 Lëk 6:20

Woi ee ɣön ë Bɛ̈nydïïtë aköl ku wakɔ̈u. Yïn cï gutguut lueel nɔn yen të bï ë yïn aa lam thïn, ka piŋ lɔ̈ŋdï të wɛl ɛn yanɔm ee ɣön ë Bɛ̈nydïïtë ke ya läŋ.

Edhr 5:5

Ku nyïïn ke Nhialicden aake nu në röördït ke Judai gup, ku akënë ke bɛ̈n tɔ kääc, agut të bïï jam ɣet tëde Dariouth ku bï këdɛn cïk gɔ̈ɔ̈r kɔn lɔ puk nɔm.

Jop 28:24

në biäk Yen të le piny thar guut tïŋ, ku woi kë nu ë piny thar ëbɛ̈n.

Jop 31:4

Ku Yen ee të le yɛn thïn woi, ku ŋic kaam yan ke tëëk thïn ëbɛ̈n.

Jop 34:21

Yen ee të le raan thïn ëbɛ̈n woi.

Diɛt 113:6

ku jɔ Yenɔm guöt piny ago tënhial kekë piny tïŋ piny.

Diɛt 33:14

Ee kɔc cieŋ piny nɔm ëbɛ̈n tïŋ, ke rɛ̈ɛ̈r tëdɛn muk en bääny.

Diɛt 33:15

Ee yen aa loi piɔ̈ɔ̈thken, ku aŋic këdɛn yek looi ëbɛ̈n.

Diɛt 33:18

Tiëŋkï, nyïïn ke Bɛ̈nydït atɔ̈ukï në kɔc ee ye riëëu gup, kɔc ee nhiëërdɛn agɔk ŋɔ̈ɔ̈th.

Diɛt 34:15

Nyïïn ke Bɛ̈nydït awoikï kɔc piɛthpiɔ̈ɔ̈th, ku yïthke apiŋkï dhiënden,

Diɛt 37:37

Tak raan cïn guöp awäc, ku tïŋ raan piɛthpiɔ̈u, kɔc ee rëër ë mät abïk nïïm dɛk mïth bï lɔ̈ɔ̈k tɔ̈u në kecök,

Kɛ̈ŋ 15:3

Acïn të cïï nyin ë Bɛ̈nydït ee lɔ thïn, ee kɔc piɛth woi ku kɔc rac.

Kɛ̈ŋ 5:21

Bɛ̈nydït awoi këriëëc loi ëbɛ̈n. Awoi yïn alɔ të le yïn thïn ëbɛ̈n.

Yith 31:1

Amawoou në kɔc ee lɔ Rip lek kuɔɔny kɔɔr! Ayek rem dïït ë tɔŋ de Rip, ku jöŋgöör, ku abëël tɔŋ ŋɔ̈ɔ̈th. Ku acïkï Bɛ̈nydït ee ŋɔ̈ɔ̈th, Nhialic Ɣeric de Yithriɛl, ku cïkï kuɔɔny thiëc tëde yen.

Jeremia 16:17

Yɛn ee këriëëc loikï ëbɛ̈n woi. Acïn kë cï thiaan tëde Yɛn, karɛcken acïkï ee ban ë Yanyin.

Jeremia 32:19

Yïn ee kïït ë pɛlënɔm looi ku loi kadït, Yïn ee këriëëc looi ë raan ëbɛ̈n woi, ku aye ke thieei në kë röŋ ke luɔiden.

Jeremia 5:1

Kɔc ke Jeruthalem, katkï ke we kuany kuɛɛriic! Tiëŋkï welɔ̈m! Woikï në gupkun! Kaarkï ɣään ke ɣɔ̈ɔ̈c! Duɛ̈ɛ̈rkï raan tök yök raan ee yic looi ku ye them bï piɔ̈u adöt ke Nhialic? Na bä ye lëu ke Bɛ̈nydït abï Jeruthalem päl awänyde.

Jeremia 5:21

Daaikï apiɛth, wek kɔc dhän cie piŋ, kɔc de kenyïïn, ku acïkï ee daai, ku adekï yïth, ku acïkï ee piŋ.

Jeremia 5:3

Ee yic Bɛ̈nydït ee kɔc ee piɔ̈ɔ̈th adööt kɔɔr. Acï we luöi këtuc, ku akɛ̈nkï yök në wepiɔ̈ɔ̈th, acï we dum yiic, ku we kën wëët. Wek aake ril nïïm, ku wek cïï köör bäk röt puk në karɛckun yiic.

Dhek 4:10

Ku raan biɔn caak ciɛk ë käŋ röt ë määth, abï piɔ̈u miɛt wadäŋ, të le yen wïn ë thëm tïŋ në Dherubabel ciin.

Math 5:22

Ku wek yɔ̈ɔ̈k, an, “Raan ëbɛ̈n raan cï ɣɔ̈ric gɔ̈th kekë mɛnhkënë, ka duëër riɔ̈ɔ̈c ë guiëër bï löŋde guiir, ku raan yöök mɛnhkënë, an, Yïn piɔl piɔ̈u, aduëër riɔ̈ɔ̈c ë jäny bï ë jɔ̈ɔ̈ny ë löŋ nɔm, ku raan lueel en, an, “Yïn ee dhɔ̈n, aduëër riɔ̈ɔ̈c ë giɛna de mac.

Luk 12:20

Na wën, ke yöök ë Nhialic an, ‘Yïn dhɔ̈n! Ëlëwakɔ̈u wëiku abï ke cɔɔl tëde yïn: ku kakuön cï guik bïk guɔ aa ka ke ŋa?”’

1 Kor 15:36

Yïn piɔl piɔ̈u! Na kë cï com, yïn, acie pïïr, të ŋoot en ke kën kɔn thou.

Galatai 3:1

Wek Galatai mum nïïm oou, eeŋa cï we thuëëth, bä wek yic cuö piŋ, wek kɔc cïï Yecu Kërtho tääu ë wenïïm ëdëi, ke ye piäät ë tim cï rïïu nɔm kɔ̈u?

Ɣeberuu 4:13

Acïn kë kuöm nɔm në Nhialic nyin, awoi këriëëc ëbɛ̈n, yen ye wok En lɛ̈k yic, në luɔi ee Yen Raan bï wook luɔp.

1 Pet 3:12

Nyïïn ke Bɛ̈nydït ayek kɔc piɛthpiɔ̈ɔ̈th woi, ku yïthke ayek palden dap piŋ, ku Bɛ̈nydït ee yenyin jɔ̈t kɔc ee kërac looi.”

1 Tham 13:13

Go ë Thamwɛl lueel an, “Yïn cï këde pialëpiɔ̈u looi. Yïn kën lööŋ cïï Bɛ̈nydït Nhialicdun gäm yïn riëëu. Na ë cï keek döt aduëër yïn tääu në kɔc ke Yithriɛl nïïm wekë käudu ëbɛ̈n aɣet athɛɛr.