2 Lëk 15:6 - JAM DE NHIALIC 2011

⁶ Jur ee jurdäŋë yɔŋ, ku pänydït ee pänydït däŋ yɔŋ, në biäk cïï Nhialic riääk ku nuɛɛn bɛ̈ɛ̈i ë kegup.

2 Lëk 15:6 ပူးပေါင်းရင်းမြစ်များ

2 Lëk 12:15

Ka cï ë Reɣobowam looi gɔl tueŋ leer ciëën, ku ka cï gɔ̈ɔ̈r ë biäk de paande, atɔ̈ukï në awerek de kathɛɛr de tiët Cemaya yic, ku awerek de kathɛɛr de Yido monydaai. Reɣobowam kekë Jerobowam aake ye cool ë thäär.

2 Lëk 13:17

Go Abija kekë remdɛn ë tɔŋ, rem de tɔŋ de Yithriɛl jɔ tiaam arëët, abïk aguum bot kadhïc 500,000 de rem de tɔŋ ril ë Yithriɛl nɔ̈k.

2 Lëk 33:11

Go Bɛ̈nydït rem de tɔŋ de Athiriya tɔ yïn tɔŋ Juda. Agokï Manatha peec, ku gɔnkï alɔbithɔ de maläŋ ë yeguöp, ku rekkï në joth, ku leerkï Babilon.

2 Lëk 36:17

Go Bɛ̈nydït melik de Babilonia bɛ̈ɛ̈i bïï keek bɛ̈n luöi tɔŋ. Go melik dhuök ke Juda nɔ̈k ɣön tɔ̈u tëdɛn ɣeric. Akën piɔ̈u kok ke kɔc, kɔc kor ayï kɔcdït, röör ku diäär, kɔc de gup juäi ku kɔc piɔl gup. Kɔc kedhie acï Nhialic keek tääu ë yeciin.

Diɛt 106:41

Acï keek päl ë riɛl juöör kuc Nhialic cin, ku jɔ kɔc ke aterden keek cieŋ.

Yith 10:6

Yɛn cï Athiriya tooc bïï jur kuc Nhialic lɔ mak, kɔc cï Ya tɔ göth. Acä tooc bïï lɔ yak ku kuël ku dum kɔc yiic cït kë cath ë dhuur nɔm kueer.”

Yith 19:2

Aye Bɛ̈nydït lueel an, “Yɛn bï tɔŋ tɔ loi rɔt ë Rip, ku ta raan kekë mänhë thäär, ku raan ke raan thiëëk kek. Pänydït kekë pänydït, ku melik de ciɛɛŋ kekë melik de ciɛɛŋë abïk bääny tɛ̈ɛ̈r.

Jeremia 25:32

Aye Bɛ̈nydït de rɛm lueel nɔn bï riääk bɛ̈n ë juöör gup ke ke kuany kecök, ku amaŋdï akut rɔt në aguuk ke piny yic.

Amoth 3:6

Të cïï kaaŋ de tɔŋ kooth, cïï kɔc ke pänydït ee päu? Duëër pänydït riääk, ke cie Bɛ̈nydït Yen ee yen bɛ̈ɛ̈i?

Ɣagai 2:22

ku puɔ̈k thööny de ciɛɛŋ piny, ku riääk riɛl de ciɛɛŋ ë juöör ëbɛ̈n. Ku puɔ̈k abëël ke tɔŋ piny, ayï kɔc ee cath thïn. Ku jöŋgöör ke tɔŋ abïk thou, ku kɔc ee cath në kekɔ̈ɔ̈th abïk röt lɔ̈ɔ̈k nɔ̈k kapäc.

Math 24:7

Jurë abï tɔŋ yiɛ̈n jurë, ku yïn ciɛɛŋë tɔŋ ciɛɛŋë, ku cɔŋdït abï nu, ayï jɔɔk ë kɔc thöl, ayï nieŋ ye piny rɔt niɛŋ, abïk nu tɛ̈ɛ̈n ku tɛ̈ɛ̈n.

Mak 13:8

Jurë abï tɔŋ yiɛ̈n jurë, ku yïn ciɛɛŋë tɔŋ ciɛɛŋë: ku piny abï rɔt niɛŋ tɛ̈ɛ̈n ku tɛ̈ɛ̈n, cɔŋdït abï aa nu, ayï kak ë kɔc tɔ diɛɛr: kakë ayek ciët kɛ̈c de tiiŋ kɔɔr dhiëth.

Bäny 2:14

Go Bɛ̈nydït piɔ̈u diu kekë kɔc ke Yithriɛl, go keek tɔ mɛk ë kɔc ee käŋ peec ku peckï keek. Acï kɔc ke aterden thiääk në keek tɔ tiam keek, ago kɔc ke Yithriɛl nïïm jɔ ciën riɛl kony kek röt.