2 Lëk 15:2 - JAM DE NHIALIC 2011

² go jäl le yök kekë melik Atha. Go lɛ̈k en an, “Piɛŋkï kë luɛɛl yïn melik Atha, ku wek kɔc ke Juda ku Benjamin! Bɛ̈nydït abï täu kekë week cït man täu wek në Yen. Na kaarkï, ka bäk yök, ku na wɛlkï wenïïm wei ka abï week nyääŋ piny.

2 Lëk 15:2 ပူးပေါင်းရင်းမြစ်များ

1 Mel 11:25

Redhon aaye raan dek ater kekë Yithriɛl, në akööl ɣɔn pïïr ë Tholomon ëbɛ̈n.

1 Mel 18:18

Go Elija pɔ̈k nɔm en, an, “Acie yɛn ë non Yithriɛl, ee yïn wekë baai de wuur. Wek ë lööŋ ke Bɛ̈nydït pɔ̈l ku lamkï yiëth ke Baal.

2 Mel 21:14

Yɛn bï kɔc cï döŋ apïr thiäi piny, ku tääu ke në kɔc ke aterden cin, ke ke bï yɔŋ në kɔc ke aterden.

1 Lëk 28:9

Ku yïn Tholomon wëndï, ye Nhialic de wuur ŋic, ku ye luööi në yïpiɔ̈u ëbɛ̈n, ku në piɔ̈n awai. Në biäk ye Bɛ̈nydït kɔc kɔɔr piɔ̈ɔ̈th kedhie, ku ŋic guiɛɛr ëbɛ̈n ku täk ëbɛ̈n. Na lɔ lɔ kɔɔr abä yök ke nu në yïlɔ̈ɔ̈m, ku na lɔ lɔ rɛɛc, abï yïn cuɔp wei aɣet athɛɛr.

2 Lëk 11:12

ku kööt ku tɔɔŋ aya. Ku jɔ dhiën ke Juda ku Benjamin aa muk në ee kueerë.

2 Lëk 12:5

Go tiët Cemaya lɔ tëde Reɣobowam ku wɛ̈ɛ̈t meliik ke Juda cï kenïïm lɔ kut Jeruthalem në biäk de Cicak meliŋ de Rip. Ago lɛ̈k keek an, “Kë lueel Bɛ̈nydït kï an: ‘Wek cï A nyääŋ piny, ku ënɔɔnë wek bä keek nyääŋ në Cicak ciin.’”

2 Lëk 13:12

Nhialic guöpde ee yen ee Bɛ̈nydïïtda, ku bänykɛn ke kake Nhialic atɔ̈ukï ee tënë ke ke muk kɛŋ, acïk röt coc bïk kɛŋ kooth, ku ciɛɛlkï wook tɔŋ buk piɔ̈t në week. Kɔc ke Yithriɛl piɛŋkï apiɛth, duökï piɔ̈t ë Bɛ̈nydït, Nhialiny de kuarkun! Wek cïï duëër kɔn tiam!”

2 Lëk 13:4

Na wën ke tɔŋ ë räm në piny ë kuur de Eparaim yic. Go melik Abija lɔ nhial në kuur de Dhemaraim nɔm, ku cɔɔl Jerobowam kekë kɔc ke Yithriɛl ë röl dït, lueel an, “Piɛŋkï kë lɛ̈k week!” Go lueel an,

2 Lëk 15:15

Kɔc ke Juda acïk piɔ̈ɔ̈th bɛ̈n miɛt arëët në biäk cï kek ee gutguutë looi ë piɔ̈ɔ̈thken ëbɛ̈n. Acïk piɔ̈ɔ̈th lɔyum ë läm de Bɛ̈nydït, ago keek gam ku gëm keek mät në ɣään kedhie.

2 Lëk 15:4

Ku na de nuɛɛn cï ke yök, ke ke jɔ röt pɔ̈k Bɛ̈nydït, Nhialic de Yithriɛl. Ayek kɔɔr ku yökkï.

2 Lëk 20:15

Go Jaɣadhiel lueel an, “Yïn melik ku wek ke kɔc ke Juda ku Jeruthalem, acïï Bɛ̈nydït lueel nɔn cä wek piɔ̈ɔ̈th bï jiɛth, ku cäkï riɔ̈c bäk lɔ rɔ̈m në ee rem dïïtë. Tɔŋ ee këde Nhialic, acie këdun.

2 Lëk 20:17

Wek cïï ee tɔŋë bï thɔ̈ɔ̈r. Nyuöckï ë ɣäänkun yiic ku tiëtkï, wek bï Bɛ̈nydït tïŋ ke gëm week tiëm. Wek kɔc ke Juda ku kɔc ke Jeruthalem, duökï piɔ̈ɔ̈th cɔ̈m ku duökï riɔ̈c. Lakï tɔŋ, ku Bɛ̈nydït abï tɔ̈u kekë week!”

2 Lëk 20:20

Na ɣɔn amiäk adurduur në kööldäŋë, go kɔc lɔ biic në jɔ̈ɔ̈r thiääk kekë Tekowa. Na wën aa jɔkï lɔ biic, go melik Jeɣocapat keek jääm në ee wëlkë an, “Kɔc ke Juda ku Jeruthalem! Tääukï aŋäthdun në Bɛ̈nydït Nhialinydun guöp, yen abä wek kɔ̈ɔ̈c aril. Gamkï kë cïï tïtke lɛ̈k week, ku wek bï tiam.”

2 Lëk 24:20

Na wën ke wëi ke Nhialic ë ke bɔ̈ në Dhekaria guöp, wën ë Jeɣoyada bɛ̈ny de kake Nhialic. Go lɔ kɔ̈ɔ̈c ë kɔc nïïm nhial ku cööt ë röldït an, “Bɛ̈nydït Nhialic ee lop, an eeŋö rɛɛc wek lööŋkï ku bɛ̈ɛ̈ikï riääk ë we gup! Acäk nyääŋ piny, ku acï week nyääŋ piny aya!”

2 Lëk 26:5

Ɣɔn pïïr ë Dhekaria raandɛn ee ye wɛ̈ɛ̈t, Yudhia aaye Bɛ̈nydït riëëu, ago Nhialic thieei.

2 Lëk 32:8

Ku riɛl tɔ̈u ke yen e riɛl ë raan tei, ku wok de Bɛ̈nydït Nhialinyda abï wok kony ku bï tɔŋ thɔ̈ɔ̈r ë yen.” Go kɔc kepiɔ̈ɔ̈th riit në wɛ̈l ke Ɣedhekia melikden.

2 Lëk 33:11

Go Bɛ̈nydït rem de tɔŋ de Athiriya tɔ yïn tɔŋ Juda. Agokï Manatha peec, ku gɔnkï alɔbithɔ de maläŋ ë yeguöp, ku rekkï në joth, ku leerkï Babilon.

2 Lëk 33:12

Na wën aa cï gum arëët, go rɔt kuɔɔr piny ku puk rɔt Bɛ̈nydït Nhialicde, ku lim bïï yen kony.

2 Lëk 34:3

Na ɣɔn cï Jothia run aa bɛ̈t ke ye melik, ku ŋoot ke ye meth aya, ke gɔl läm de Nhialic de kuɛɛrë melik Debid. Na ɣɔn aa cï run wan kaŋuan, ke riäk ɣään ye yiëth lam, ku riëëk kïn de yanh tik Acera, ku lɔ yiëth kɔ̈k ëbɛ̈n.

Edhr 8:22

Yɛn aaye guöp riɔ̈ɔ̈c në luɔi bän Melik thiëëc në rem de tɔŋ ku kɔc ke jöŋgöör bï wok tiit kueer në cäthda yic në biäk de kɔc ke ater duëër wook gëk, aa cuk lëk Melik an, Nhialic atɔ̈u ke kɔc ee Ye kɔɔr, ku agönhde ee tɔ̈u kekë kɔc cïï Yen ee piŋ thok.

Diɛt 34:4

Yɛn cï Bɛ̈nydït lɔ̈ŋ, ago këdï bɛ̈ɛ̈r, ku kony ɛn në kën ee ya riääc ëbɛ̈n.

Diɛt 53:2

Nhialic ee kɔc woi piny paannhial, bïï tïŋ na de raan pel, na de raan ee ye lam.

Yith 45:19

Yɛn kën kɔn jam ke Ya thiaan, ku mɔ̈k këdiën kaar bä looi ke thiaan. Yɛn kën kɔc ke Yithriɛl thiëëc bïk A kɔɔr të cïn yic kɔc. Yɛn ee Bɛ̈nydït, ku Yɛn jam në yic, Yɛn ee yic tɔ ŋic.”

Yith 51:1

Aye Bɛ̈nydït lueel an, “Piɛŋkï këdï, wek kɔc kɔɔr kuɔɔny, wek kɔc ee luääk kɔɔr tëde yɛn. Takï wenïïm në kuur ë bä wek thïn, të wään wëc ë week bei thïn.

Yith 7:13

Go Yithaya bɛ̈ɛ̈r an, “Piɛŋkï ënɔɔnë wek kuat ë melik Debid. Arac aläl tëde week bäk kɔc tɔ bäp piɔ̈ɔ̈th, ku kaarkï bäk Nhialic tɔ bäp piɔ̈u aya?

Jeremia 2:17

Yithriɛl, yïn cï ee kënë yiɛ̈në rɔt! Yïn cï ya nyääŋ piny, Yɛn Bɛ̈nydït Nhialicdu, ku ee Yɛn ë ciɛɛth yïn në pïïrdu yic ëbɛ̈n.

Amoth 5:14

Pälkï luɔi de kërac, ku yak këpiɛth giit në luɔi, ke wek bï pïïr. Yen abïï Bɛ̈nydït Nhialic Awärjäŋ jɔ tɔ̈u ke week cït man ya wek en lueel.

Dhek 1:3

ku ënɔɔnë, alɛ̈k ë Bɛ̈nydït de rɛm week an, “Puɔ̈kkï röt ɛn, ku yɛn bï rɔt pɔ̈k week.

Kuɛ̈n 14:42

Duökï lɔ, Bɛ̈nydït acïï tɔ̈u ke week. Kɔc ka ater abïk week lɔ tiaam.

Kuɛ̈n 14:43

Të la wek rɔ̈m në kɔc ke Amalek, ku kɔc ke Kanaan, abïk week nɔ̈k tɔɔŋ wedhie, Bɛ̈nydït acïï bï tɔ̈u ke week, në biäk cä wek jaai ke cäkkï kuany cök.

Math 13:9

Raan de yïth ee yen ke piŋ, ke piŋ.

Nyöŋ 20:1

Go Mothe lueel an, “Të la wek biic, lak thɔ̈ɔ̈r në kɔc ke aterdun, ku lak abëël ke tɔŋ tïŋ, jöŋgöör ku remdïït de tɔŋ wär week në juëc, duökï riɔ̈c në keek, Bɛ̈nydït Nhialicdun Raan wään luäk week në Rip, abï tɔ̈u ke week.

Nyöŋ 31:17

Ku në ee köölë yɛn bï gɔ̈th wokë keek, ku päl keek. Yɛn bï ya nyin thiaan në keek ku abä keek riɔ̈ɔ̈r nyïïn në karɛc ku nuɛɛn juëc abïk keek yök. Ku në ee köölë abïk aa lop, an, “Karɛc cï wok yökë cie luöi cïï Nhialicda be tɔ̈u kekë wook?

Nyöŋ 4:29

Ku ëtɛ̈ɛ̈n, wek bï Bɛ̈nydït Nhialicdun kɔɔr, ku na lak lɔ kɔɔr në piɔ̈ɔ̈thkun ëbɛ̈n abäk yök.

Ɣeberuu 10:38

Kɔckiën cï tɔ ye kɔc piɛthpiɔ̈ɔ̈th në gäm, abïk pïïr në gäm. Ku kɔc lɔ dɔk ciëën Yɛn cïï piɔ̈u bï miɛt wo keek.”

Ɣeberuu 12:25

Ënɔɔnë yak röt jɔ tiit ke we cïï bï jäi të jiëëm ë Nhialic week. Na kën kɔc wään piŋ rölde, ɣɔn jiëëm En keek ë Mothe thok ë piny nɔm eenë poth taitai! Yak tak duɛ̈ɛ̈rkï poth të rɛɛc wek Yecu raan jiëëm week paannhial!

Jakop 4:8

Yak röt cuöt Nhialic, ke bï rɔt aa cuöt week. Wakkï wecin abïk piath, we kɔc ee kërac looi, ku takï wepiɔ̈ɔ̈th agɔk, wek kɔc ee piɔ̈ɔ̈th rou.

Jocua 22:31

Go Pineɣath wën de Eleyadhar, bɛ̈ny de kake Nhialic lueel an, “Acuk jɔ ŋic ënɔɔnë luɔi tɔ̈u ë Bɛ̈nydït ke wook, ku në luɔi kɛ̈n wek jamde dhoŋ kɔ̈u. Ku Bɛ̈nydït acïï Yithriɛl bï bɛ luɔi kë tuc.”

Jocua 24:20

Të la wek Bɛ̈nydït puɔ̈l, ku lamkï yiëth, Bɛ̈nydït abï we luöi këtuc. Të la wek En wööc piɔ̈u, abï we riɔ̈ɔ̈k na cakaa nɔn piɛth En ke week.”

Nyuuth 2:11

Raan de yïc, ke piŋ kë lëkë Wëidït ɣööt ke Nhialic. Raan ee tiam acïï thon ee yic rou bï nɔ̈k.

Nyuuth 2:17

Raan de yïc, ke piŋ ke lëkë Wëidït ɣööt ke Nhialic. Raan ee tiam, abä päl cäm ë mana cï thiaan, ku abä miɔɔc në kɔi ɣer, kɔɔi cïï rin ë piɛc cak gɔ̈ɔ̈r ë yekɔ̈u, rin cïn raan ŋic keek, ee raan cï gäm en etök.

Nyuuth 2:29

Raan de yïc, ke piŋ kë lëkë Wëidït ɣööt ke Nhialic.

Nyuuth 2:7

Raan de yïc, ke piŋ kë lëkë Wëidït ɣööt ke Nhialic. Raan ee tiam, abä päl cäm ë tim de pïïr, tim nu Paraditho de Nhialic.

Nyuuth 3:13

Raan de yïc, ke piŋ kë lëkë Wëidït ɣööt ke Nhialic.

Nyuuth 3:22

Raan de yïc, ke piŋ kë lëkë Wëidït ɣööt ke Nhialic.

Nyuuth 3:6

Raan de yïc, ke piŋ kë lëkë Wëidït ɣööt ke Nhialic.

Bäny 10:13

Ku wek cï Yɛn puɔ̈l ku lamkï yiëth kɔ̈k, ka wek cä bï bɛ luök.

Bäny 9:7

Na wën aa piŋ Jotham ee kënë, go kɛɛc nhial ë kuur ë Geridhim nɔm, ku yöök keek an, “Piɛŋkï kë luɛɛl, wek kɔc ke Cekem, ago Nhialic kë luɛlkï piŋ!

1 Tham 12:14

Käŋ ëbɛ̈n abïk cath apiɛth tëde week të la wek Bɛ̈nydït Nhialic riëëu, ku riëëukï lööŋke, ku na lak kuany cök ë melikdun ëtök.

1 Tham 12:15

Ku na cäkï röl de Bɛ̈nydït lɔ piŋ, ku lak lööŋke dhɔ̈ŋ yiic, abï piɔ̈u rɔc kekë week në melikdun.