2 Lëk 15:14 - JAM DE NHIALIC 2011

¹⁴ Acïk gutguut bɛ̈n looi në röl dït në rin ke Bɛ̈nydït, nɔn bï kek löŋ cïk mac döt, ku jɔkï wou ku kothkï kɛŋ.

2 Lëk 15:14 ပူးပေါင်းရင်းမြစ်များ

2 Lëk 15:13

Raan ëbɛ̈n, raan koor ayï raan dït, moc ku nɔn ee tik, raan cïï Nhialic bï aa lam abï dhil nɔ̈k.

2 Lëk 15:15

Kɔc ke Juda acïk piɔ̈ɔ̈th bɛ̈n miɛt arëët në biäk cï kek ee gutguutë looi ë piɔ̈ɔ̈thken ëbɛ̈n. Acïk piɔ̈ɔ̈th lɔyum ë läm de Bɛ̈nydït, ago keek gam ku gëm keek mät në ɣään kedhie.

Neɣe 10:29

wok bï mat në bänykuɔ ku luelku gutguut an buk gup dɛk aciɛɛn të le wok e dhɔ̈ŋic. An buk tɔ̈u në löŋ de Nhialicic, löŋ ɣɔn cïï Bɛ̈nydït gäm wook në kueer ë lïmde Mothe an, buk lööŋkɛn cïï lueel ëbɛ̈n döt ku ka kɔɔr röt ëbɛ̈n.

Neɣe 5:13

Ku bɛ̈ɛ̈i lupɔ ë cï duööt ë ya yic bei, ku yiɛ̈ɛ̈ric luɛɛl an, “Yen tän bï Nhialic raan ëbɛ̈n në we yiic yïïr ka, raan cïï kë cï than piny ee muk.” Ku luɛɛl an, “Nhialic abï ɣöötkun jɔt, ku këriëëcduön tɔ̈u ke week, ku nyiëëŋ we piny baaŋ.” Ago amatnɔm ëtɔ̈u ëtɛ̈ɛ̈n ëbɛ̈n lueel an, “Amiin!” Ku jɔkï Bɛ̈nydït leec ku jɔ bäny ka cïk than piny muk.

Diɛt 98:6

Kuɔthkï kɛŋ ku tuŋ, ku läŋkï Bɛ̈nydït meliŋda në awuɔɔu ë miɛtëpiɔ̈u.

Bɛ̈n 24:3

Na wën, ke Mothe ë lɔ kɔc guiëër jam kedhie, jam cï Bɛ̈nydït lueel ëbɛ̈n ayï lööŋke. Go kɔc puk nɔm kedhie an, “Këriëëc cï Bɛ̈nydït lueel ëbɛ̈n abuk looi.”

Bɛ̈n 24:7

Ku nööm awerek de löŋ cï mac, awerek cïï lööŋ ke Bɛ̈nydït gäär thïn, ku kuën kɔc në röl dït. Gokï puk nɔm an “Bɛ̈nydït abuk piŋ thok, ku loiku këriëëc cï lueel ëbɛ̈n.”

Jocua 24:24

Gokï lɛ̈k Jocua an, “Wok bï Bɛ̈nydït Nhialicda luööi, ku dötku lööŋke.”