2 Lëk 15:12 - JAM DE NHIALIC 2011

¹² Agokï kuëŋ looi nɔn bïk kek Bɛ̈nydït aa lam yetök, Nhialic de kuarken, në piɔ̈ɔ̈thken ku wëiken ëbɛ̈n.

2 Lëk 15:12 ပူးပေါင်းရင်းမြစ်များ

1 Mel 8:48

Na cïk röt pɔ̈k Yïn në piɔ̈nden ëbɛ̈n, ku wëiken ëbɛ̈n, ku lɔ̈ŋkï ke ke wël kenïïm piny ɣɔn gämë kuarken, ku wëlkï kenïïm pänydït ɣɔn cï lɔc, ku wëlkï kenïïm Luaŋdïït cä yïk në rinku,

2 Mel 11:17

Go Jeɣoyada bɛ̈ny de kake Nhialic, löŋ mac ë kaam ë Bɛ̈nydït kekë melik Jowac, në luɔi bï kek aa kɔc ke Bɛ̈nydït, ku mɛckï löŋ në kaam de melik kekë kɔc.

2 Mel 23:3

Go melik kɔ̈ɔ̈c në mën lɔ̈m ku mɛc löŋ në Bɛ̈nydït nɔm, an bïï Bɛ̈nydït aa riëëu, ku döt lööŋke kekë wëëtde, ku bïï löŋic aa döt ku looi në piɔ̈nde ëbɛ̈n ku riɛlde ëbɛ̈n cït man cï ye gɔ̈ɔ̈r në awerekic. Go kɔc gutguut lueel ëbɛ̈n an bïk löŋ döt.

2 Lëk 11:16

Kɔc ke dhiëën ke Yithriɛl kɔɔr bïk Bɛ̈nydït Nhialic de Yithriɛl aa lɔ̈ŋ në piɔ̈nden ëbɛ̈n, acïk kɔc ke Lebai kuany cök lekï Jeruthalem, agokï miɔ̈c aa gäm Bɛ̈nydït, Nhialic de Kuarken.

2 Lëk 15:4

Ku na de nuɛɛn cï ke yök, ke ke jɔ röt pɔ̈k Bɛ̈nydït, Nhialic de Yithriɛl. Ayek kɔɔr ku yökkï.

2 Lëk 19:3

Ku cakaa nɔn tɔ̈u en aya, ade këpiɛth ë yïguöp. Yïn cï kïït ke yanh tik Acera ye kɔc lam nyaai, ku acï them bä këde piɔ̈n ë Bɛ̈nydït kuany yic.”

2 Lëk 23:16

Go Jeɣoyada bɛ̈ny de kake Nhialic Melik Jowac cɔɔl kekë kɔc bïk mät looi në luɔi bïï kek aa kɔc ke Bɛ̈nydït.

2 Lëk 29:10

“Acä lueel ee köölë nɔn bän löŋ mac wokë Bɛ̈nydït, Nhialic de Yithriɛl, ke cïï bï bɛ gɔ̈th ke wook.

Neɣe 10:29

wok bï mat në bänykuɔ ku luelku gutguut an buk gup dɛk aciɛɛn të le wok e dhɔ̈ŋic. An buk tɔ̈u në löŋ de Nhialicic, löŋ ɣɔn cïï Bɛ̈nydït gäm wook në kueer ë lïmde Mothe an, buk lööŋkɛn cïï lueel ëbɛ̈n döt ku ka kɔɔr röt ëbɛ̈n.

Neɣe 9:38

Në biäk de ee kënë ëbɛ̈n, wok kɔc ke Yithriɛl, wok bï löŋ mac ku gɛ̈ɛ̈rku piny, ku bänykuɔ, ku kɔc ke Lebai ku bänykuɔn ke kake Nhialic abïk thaanyic.

Jeremia 50:5

Abïk kueer lɔ Dhiɔn luɔp, ku abïk jäl ke ke wel kenïïm ë tɛ̈ɛ̈n. Abïk löŋ bï tɔ̈u athɛɛr mac në Yɛn, ku acïkï bï bɛ dhoŋ kɔ̈u.

Luɔi 24:14

Ku cöökë acä gam ë yïnɔm tei an: Läm luelkï an, ee läm mɛɛn, yen aya yɛn Nhialic de kuarkuɔ lam, ku yɛn gam ka cï gɔ̈ɔ̈r ë löŋ de Mothe yic ku tït yiic, käŋ kedhie.

2 Kor 8:5

Ku acïï cït kë ë ŋäthku tei, acïk röt kɔn gäm Bɛ̈nydït, ku gɛmkï röt wook në këde piɔ̈n ë Nhialic.

Nyöŋ 10:12

“Kɔc ke Yithriɛl ënɔɔnë piɛŋkï kë kɔɔr ë Bɛ̈nydït tëde week: Lamkï Bɛ̈nydït ku luɔikï lööŋke kedhie. Nhiaarkï ku yak luööi në piɔ̈ndun ëbɛ̈n,

Nyöŋ 29:1

Kakë ayek cök ke lööŋ cï Bɛ̈nydït lɛ̈k Mothe, bï ke mac kekë kɔc ke Yithriɛl piny de Mowap, kakë kedhie lɔ në män wään cïï Bɛ̈nydït kɔn mac ke keek në kuur de Thinai nɔm.

Nyöŋ 29:11

ku diäär, ku mïth, ku alɛi rëër në weyiic, alɛi ee tim yep ku yek pïïu yiɛ̈n week.

Nyöŋ 29:12

Wek tɔ̈u ee tënë ee köölë, bäk ee löŋ macë looi, löŋ mɛcë ë Bɛ̈nydït Nhialicdun ke week, ku wek bï ka lueel dhil gam,

Nyöŋ 4:29

Ku ëtɛ̈ɛ̈n, wek bï Bɛ̈nydït Nhialicdun kɔɔr, ku na lak lɔ kɔɔr në piɔ̈ɔ̈thkun ëbɛ̈n abäk yök.

Nyöŋ 6:5

Nhiaar Bɛ̈nydït Nhialicdu në piɔ̈ndu ëbɛ̈n, ku në wëiku ëbɛ̈n ku në riɛldu ëbɛ̈n.

Jocua 24:25

Go Jocua mät looi kekë kɔc ke Yithriɛl në Cekem ee köölë. Ku gëm keek lööŋ bï kek cath.