2 Lëk 14:4 - JAM DE NHIALIC 2011

⁴ Acï kɔc ke Juda yɔ̈ɔ̈k bïk këde Bɛ̈nydït Nhialic de kuarken aa looi, ku bïk wëëtde aa riëëu ku dötkï lööŋke kedhie.

2 Lëk 14:4 ပူးပေါင်းရင်းမြစ်များ

Cäk 18:19

Ei, në luɔi cän e lɔc nɔn bï yen mïthke yɔ̈ɔ̈k, ku yöök baaide, luɔi bï kek kueer ë Bɛ̈nydït lɔ̈ɔ̈k döt në yecök. Në luɔi bï kek kake piathëpiɔ̈u aa looi, ku loikï yith ë cieŋ. Ke Bɛ̈nydït ë bï Abraɣam yiɛ̈n kë cï thɔ̈n en.”

2 Lëk 11:16

Kɔc ke dhiëën ke Yithriɛl kɔɔr bïk Bɛ̈nydït Nhialic de Yithriɛl aa lɔ̈ŋ në piɔ̈nden ëbɛ̈n, acïk kɔc ke Lebai kuany cök lekï Jeruthalem, agokï miɔ̈c aa gäm Bɛ̈nydït, Nhialic de Kuarken.

2 Lëk 14:3

Acï yïk ke alɛi nyaai ku nyiɛɛi ɣään ke läm de yiëth, ku dhoŋ waikɛn yaath piny ayï kurken, ku yep kïït ke yanh tik Acera piny.

2 Lëk 14:5

Në biäk cï yen ɣään ke läm de yiëth nyaai në Juda yic, ku nyiɛɛi të ye wal ŋïr nyop. Go ciɛɛŋ jɔ dɛ mät në bäänyde yic.

2 Lëk 29:21

Ku akɔɔr bï miɔ̈c de kërac looi në biäk de baai de melik, ku në biäk de kɔc ke dhiën ë Juda, ku në biäk de tëɣeric, gokï miöör kadhorou nööm, ku amɛ̈l kadhorou, ku nyök bɔɔth kadhorou, ku nyök amɛ̈l kor kadhorou. Go Melik bäny ke kake Nhialic ke dhiën de Aron yɔ̈ɔ̈k, bïk läi nɔ̈k ke ke ye miɔ̈c në yïk nɔm.

2 Lëk 29:27

Go Ɣedhekia keek yɔ̈ɔ̈k bïk miɔ̈c ye nyop ëbɛ̈n gam ë yïk nɔm, na wën aa cï gɛm de miɔ̈c rɔt gɔl, go kɔc jɔ lɔ ke ke ket diɛt piɔɔnyë Bɛ̈nydït, ku gɔl kɔc ee thom gut, ku kɔc ee kɛŋ kooth luɔiden, ku jɔ kɛŋ ke dhuëëŋ gut kedhie ayadäŋ.

2 Lëk 29:30

Go Melik Ɣedhekia kekë bäny ke baai, gokï Lebai yɔ̈ɔ̈k bïk Bɛ̈nydït piɔɔny ë diɛt ɣɔn thɛɛr gɛ̈ɛ̈r ë melik Debid kekë Athap monydaai. Go kɔc kedhie ket ke ke mit piɔ̈ɔ̈th ku tukkï kemiɔl ku lɛmkï Nhialic.

2 Lëk 30:12

Ku Nhialic aa tɔ̈u ayadäŋ kekë Juda, go keek gäm piɔ̈n tök, bïk këde piɔ̈nde looi, gokï jam de melik kekë bänyke riëëu.

2 Lëk 30:19

“Bɛ̈nydït Nhialic de kuarkuɔ, në piathdu pälë ee kɔc läŋ yïn ë piɔ̈ɔ̈thken ëbɛ̈n awɛ̈ɛ̈cken, acakaa nɔn kën kek lööŋ ke tëɣeric agɔk döt.”

2 Lëk 33:16

Ku tɔ yïïŋ ye ë Bɛ̈nydït lam thïn nyɔk ë luɔi, ku gɛm miɔ̈c de mät ku miɔ̈c de thieithieei ë yenɔm. Ku yɔ̈ɔ̈k kɔc ke Juda kedhie bïk Bɛ̈nydït Nhialic de Yithriɛl aa lam.

Neɣe 13:9

Ku yɔ̈ɔ̈k kɔc bïk ɣöt bɛ̈n tɔ ɣeric, ku pukkï kake luɔi de ɣön ë Nhialic nïïm ɣöt, yï miɔ̈c ë rap, ku wal ŋïr.

Diɛt 119:10

Acä them në piɔ̈ndï ëbɛ̈n bä Yïn luöi, gël yɛn ke ya cïï lööŋku bï dhoŋ kɔ̈ɔ̈th.

Amoth 5:4

Aye Bɛ̈nydït lɛ̈k baai de Yithriɛl an, “Bä të nu Yɛn, ku yïn bï pïïr.

Jocua 24:15

Na cäkkï Bɛ̈nydït bï luööi, ke we lɔc raan bäk luööi ee köölë. Tɛk däŋ, bäk yiëth ɣɔn ye kuarkun lam piny de Yuparat lɔŋ tui kek bäk luööi, ku nɔn ee kek yiëth ke kɔc ke Amor, kɔc rɛ̈ɛ̈r wek pinyden. Na yɛn wokë baaidï, ee Bɛ̈nydït Yen abuk luööi.”

1 Tham 3:13

Ë luöi cän e lëk, an, Yɛn bï dhiëndu luöi këtuc në biäk de kërɛɛc yic, mïthke acïk röt tɔ rac, ku acïn kë cï looi në baŋden. Ku akën keek jɔ̈ɔ̈ny.