2 Lëk 14:14 - JAM DE NHIALIC 2011

¹⁴ Na wën ke ke riɔ̈k pɛ̈ɛ̈nydït thiääk në Jiraar, në biäk cïï kɔc ë tɔ̈u ëtɛ̈ɛ̈n riɔ̈ɔ̈c në Bɛ̈nydït. Go rem de tɔŋ pɛ̈ɛ̈nydït tɔ̈u ëtɛ̈ɛ̈n yak yiic kedhie ku rumkï kajuëc.

2 Lëk 14:14 ပူးပေါင်းရင်းမြစ်များ

Cäk 35:5

Na wën, ajël Jakop kekë mïthke, ke Nhialic ë tɔ kɔc nu në pɛ̈ɛ̈nydït thiääk në keek dɔm ë riɔ̈ɔ̈c. Gokï ke kɛ̈n bɛ̈n kuany cök.

1 Mel 15:23

Këriëëc ëbɛ̈n cï melik Atha looi, luɔidɛn ë jööt, ku wuöt cï ke yïk, acï ke gɔ̈ɔ̈r në awerek de kathɛɛr ke meliik ke Juda yiic. Ku ɣɔn cï yen dhiɔp aaye kɔm, në këde jɔŋ cï ye dɔm cök.

2 Mel 7:16

Ago kɔc ke Thamaria lɔ biic, ku yakkï wun de Thiriya yic, go ɣööc de kilɔɔ kadiäk ke aɣar piɛth, ku kilɔɔ kadhetem ke barli aa ateŋ tök cït man cïï Bɛ̈nydït e lueel.

2 Lëk 14:15

Ku acïk pɛɛny ke kɔc ee tiit mak aya, ku rumkï thök juëc ku thɔ̈rɔ̈ɔ̈l. Na wën ke ke jɔ röt bɛ̈n pɔ̈k Jeruthalem.

2 Lëk 17:10

Na wën ke Bɛ̈nydït ë tɔ ciɛɛŋ thiɔ̈k ëtɛ̈ɛ̈n riɔ̈c, në luɔi bï kek lɔ thɔ̈ɔ̈r ë melik Jeɣocapat.

2 Lëk 20:25

Go melik Jeɣocapat kekë remdɛn de tɔŋ lɔ pec, gokï ɣɔ̈k juëc yök, ku ka piɛth kɔ̈k, ku lupɔɔ, ku lɔ kajuëc kɔ̈k aya. Gokï nïn thöl kadiäk ke ke mɛ̈ɛ̈t ka cïk peec yiic, ku käŋ aake juëc ka acïkï keek duëër lëu ë jöt kedhie.

2 Lëk 20:29

Go juöör ke piny nɔm wään cïï ye piŋ nɔn cï Bɛ̈nydït kɔc ke ater de kɔc ke Yithriɛl tiaam, gokï riɔ̈ɔ̈c arëët,

Jop 15:21

Kiɛɛu de riɔ̈ɔ̈c acie jäl në yeyïc, të ciɛk en rɔt yök ke tɔ̈u ë mätic, aye cuɛ̈ɛ̈r ee kɔc rum mak.

Diɛt 68:12

“Meliik ku remdɛn de tɔŋ akɔtkï! Diäär nu ë bɛ̈i yiic ayek ka cï peec tɛ̈k röt:

Yith 31:9

Melikden abï kat në riɔ̈ɔ̈c dït, ku bänykɛn ke tɔŋ abïk riɔ̈ɔ̈c arëët, ka abïk beerdɛn ë tɔŋ nyääŋ piny.” Acïï Bɛ̈nydït lueel, Bɛ̈nydït ye lam në Jeruthalem, ku ye manydɛn de miɔ̈c näk dëp ë Dhiɔn.

Romai 8:37

Acie yen, ku në kakë yiic kedhie wok ee jööt ee tɔŋ tiaam arëët në riɛl ë raan cï wo nhiaar.

Nyöŋ 2:25

ë kööl manë guöp yɛn bï riɔ̈ɔ̈cdït tääu në juöör ke pinynɔm piɔ̈ɔ̈th agokï aa riɔ̈ɔ̈c në week. Abïk käŋ aa piŋ në biäkdun ago keek lath ku rem keek piɔ̈ɔ̈th në këdun.

Jocua 2:24

Agokï Jocua lɔ guiëër këriëëc cïk yök ëbɛ̈n, luelkï an, “Acuk yök ë gök luɔi cïï Bɛ̈nydït wo gäm piny ëbɛ̈n. Kɔc nu ëtɛ̈ɛ̈n kedhie, ariɔ̈ckï aläl në wook.”

Jocua 5:1

Na wën, ke piŋ ë meliik ke Amor në wɛ̈ɛ̈r de Jordan kɔ̈u baŋ të lɔ aköl athɛ̈i, ku piŋ ë meliik ke Kanaan kedhie, në Wɛ̈ɛ̈rdïït ɣer kɔ̈u ëbɛ̈n nɔn cïï Bɛ̈nydït wɛ̈ɛ̈r de Jordan tɔ dëu, abï kɔc ke Yithriɛl tem të ril. Agokï riɔ̈ɔ̈c aläl, ku pɛ̈lkï röt wei në biäk de kɔc ke Yithriɛl.

Bäny 14:19

Na wën ke Wëi ke Bɛ̈nydït ë ke bɔ̈ ë yeguöp, ku jɔ lɔ Acekelon, le ku nɛ̈k kɔc kathiërdiäk, ku yɔɔt lupɔɔ piɛth ë kekɔ̈ɔ̈th, ku gëm lupɔɔken kɔc ë meek këdäŋ. Ku jɔ lɔ dhiënden ke cï gɔ̈th arëët,

1 Tham 14:15

Na wën ke riɔ̈ɔ̈cdït ë dɔm rem de tɔŋ ë Pilithiin ëbɛ̈n, kɔc wën ee lɔ rum, ayï kɔc wën nu wutic, arëk abï piny rɔt nieeŋ, ku dɔm riɔ̈ɔ̈c dït keek.