2 Lëk 14:11 - JAM DE NHIALIC 2011

¹¹ Na wën ke melik Atha ë läŋ Bɛ̈nydït Nhialicde an, “Bɛ̈nydït, Yïn de nɔm riɛl duëër Yïn rem de tɔŋ kɔ̈c kony cït man de rem de tɔŋ ril. Kony wook ënɔɔnë, Yïn Bɛ̈nydït Nhialicda, në biäk kɛn wok röt në Yïn, ku në rinku yen abïï wok biic buk bɛ̈n thɔ̈ɔ̈r në rem dïït ë tɔŋë. Bɛ̈nydït, Yïn ee Nhialicda, acïn raan duëër ye ŋɔ̈ɔ̈th bïï Yïn tiaam.”

2 Lëk 14:11 ပူးပေါင်းရင်းမြစ်များ

1 Mel 8:44

Të cï Yïn kɔcku yɔ̈ɔ̈k bïk lɔ biic, bïk lɔ thɔ̈ɔ̈r në kɔc ka aterden, ku të cïï kek lɔ̈ŋ ke ke tɛ̈ɛ̈r kecin pänydïtduön cï lɔc, ku tɛ̈ɛ̈rkï kecin Luaŋduön cä yïk në rinku,

1 Lëk 5:20

Agokï Nhialic ŋɔ̈ɔ̈th, ku lɛ̈ŋkï bïï ke kony, go Nhialic lɔ̈ŋden piŋ, ku tɔ keek tɔ tiam kɔc ke Ɣagariit në kɔc mät ë keek.

2 Lëk 13:12

Nhialic guöpde ee yen ee Bɛ̈nydïïtda, ku bänykɛn ke kake Nhialic atɔ̈ukï ee tënë ke ke muk kɛŋ, acïk röt coc bïk kɛŋ kooth, ku ciɛɛlkï wook tɔŋ buk piɔ̈t në week. Kɔc ke Yithriɛl piɛŋkï apiɛth, duökï piɔ̈t ë Bɛ̈nydït, Nhialiny de kuarkun! Wek cïï duëër kɔn tiam!”

2 Lëk 13:14

Ago rem de tɔŋ de Juda röt tïŋ acï tuɔɔk cil. Gokï dhiau arëët ke ke cɔl Bɛ̈nydït bïï ke kony, ago bäny ke kake Nhialic kɛŋ kooth.

2 Lëk 13:15

Go rem de tɔŋ ë Juda kiɛɛu moc ëröl dït, gokï keek mak ke ke wɛt ë Abija. Go Nhialic rem de tɔŋ de Jerobowam kekë Yithriɛl tiaam,

2 Lëk 13:18

Ago kɔc ke Juda kɔc ke Yithriɛl jɔ tiaam, në biäk cïï kek röt kan ë Bɛ̈nydït, Nhialic de kuarken.

2 Lëk 14:10

Go melik Atha lɔ biic bï lɔ piɔ̈t kekë yen, ku jɔ kuut kedhie kɔ̈ɔ̈c ë ɣäänken, në Wak de Dhepatha yic të thiääk kekë Mareca.

2 Lëk 16:7

Na ɣɔn aköölkë yiic ke Ɣanani monydaai lɔ tëde melik Atha ku lueel an, “Në biäk cïï yïn rɔt kan në melik de Thiriya ku päl nɔn kɛn yïn rɔt në Bɛ̈nydït Nhialicdu, yen kën ë tɔ rem de tɔŋ ë melik de Yithriɛl bän ë yïciin ka.

2 Lëk 18:31

Na wën tïŋ kek melik Jeɣocapat, gokï lueel kedhie nɔn ee yen melik de Yithriɛl, gokï röt pɔ̈k en bïk lɔ nɔ̈k. Ago Jeɣocapat cööt ë röldït, go Bɛ̈nydït Nhialic kony, gokï kenïïm pɔ̈k tëdäŋ pei.

2 Lëk 20:12

Yïn ee Nhialicda! Luöiyë keek këtuc, wok cïn nïïm riɛl në rem dïït de tɔŋ cï wook makë nɔm. Wok kuc kë buk looi, ku wok ŋäth kuɔɔny tëde yïn.”

2 Lëk 20:32

Acï tän de wun Atha kuany yic, go kapiɛth looi ë Bɛ̈nydït nɔm,

2 Lëk 25:8

Aye tak an bïk yïn tɔ ril, ku ee Nhialic yen de nɔm riɛl bï yen raan gäm tiëm ku nɔn tɔ raan tiaam, ku abï kɔc ke aterdu tɔ tiaam week.”

2 Lëk 26:7

Go Nhialic ye kuɔny bïï Pilithiin tiaam kekë kɔc ke Arab rɛ̈ɛ̈r në Gurbaal, ku Munit.

2 Lëk 32:20

Na wën ke melik Ɣedhekia kekë tiët Yithaya wën de Amodh ë ke läŋ Nhialic në dhiëëu bï keek kuɔny.

2 Lëk 32:8

Ku riɛl tɔ̈u ke yen e riɛl ë raan tei, ku wok de Bɛ̈nydït Nhialinyda abï wok kony ku bï tɔŋ thɔ̈ɔ̈r ë yen.” Go kɔc kepiɔ̈ɔ̈th riit në wɛ̈l ke Ɣedhekia melikden.

Diɛt 120:1

Wään cïï nuan yɛn yök, guɔ Bɛ̈nydït cɔɔl, go cɔ̈tdï piŋ.

Diɛt 18:6

Aguɔ Bɛ̈nydït cɔɔl në jiɛthëpiɔ̈u, ku caal Nhialicdï bï ya kony. Ago ya piŋ röl luaŋde, ku piŋ dhiëndiën kaar ɛn kuɔɔny.

Diɛt 20:5

Ku wok bï piɔ̈ɔ̈th jɔ miɛt në tiëm cï En we tɔ tiëm, ku jɔku dhuëëŋ de tiëmdu looi ke wo piɔny Nhialicda. Në Bɛ̈nydït gam lɔ̈ŋdu ëbɛ̈n.

Diɛt 20:7

Kɔc kɔ̈k ayek abëël ke tɔŋ ŋɔ̈ɔ̈th, ku ŋäth kɔc kɔ̈k jöŋgöörken, ku wok ee riɛl de Bɛ̈nydït Nhialicda ŋɔ̈ɔ̈th.

Diɛt 20:8

Kɔc cït ee kakë abïk aa dak ku wïïkkï, ku wok bï röt jɔt ke wo lɔ piɔ̈ɔ̈th wai.

Diɛt 22:5

Ayek yïn cɔɔl agokï poth në kërac yic, acïk yïn ŋɔ̈ɔ̈th ku akɛ̈n ë keek bɛ̈n yɔ̈ɔ̈r gup.

Diɛt 22:6

Na yɛn, yɛn cïï be aa raan, yɛn ee kɔ̈m, ye raan ëbɛ̈n biɔɔn guöp, ku dhäl ɛn!

Diɛt 34:6

Raan kuany nyin ee Bɛ̈nydït cɔɔl, go Bɛ̈nydït këde bɛ̈ɛ̈r, ku kony në këriëëcdɛn cï ye nuaan ëbɛ̈n.

Diɛt 37:5

Gämë kuɛɛrku Bɛ̈nydït, ye ŋɔ̈ɔ̈th, ku abï yï gël,

Diɛt 50:15

Ye ya cɔɔl në kööl cïï nuan bɛ̈n, yïn bä kony, ka yïn bï Ya dhuëëŋ guöp.”

Diɛt 9:19

Jɔt rɔt Bɛ̈nydït du kɔc tɔ dhäl Yïn! Bɛ̈ɛ̈iyë juöör ë yïnɔm ku guiir löŋden.

Diɛt 91:15

Të cɔɔl kek Ɛn, Yɛn bï cɔ̈tden piŋ, tëde yen nuan cï ke yök, yɛn bï tɔ̈u wo keek. Ku abä keek luäk bei, ku dhuɛ̈ɛ̈ŋ keek gup.

Bɛ̈n 14:10

Na wën, aa tïŋ ë kɔc ke Yithriɛl melik ë Rip ke bɔ̈ të nu kek thïn kekë rem de tɔŋde, ke ke riɔ̈c arëët, ku cɔlkï Bɛ̈nydït an luɛ̈k keek.

Kɛ̈ŋ 18:10

Rin ke Bɛ̈nydït acïtkï alooc bäär, ye raan piɛthpiɔ̈u kɔt thïn ku yök kuɔɔny.

Yith 10:20

Ade kööl bɔ̈, kööl cïï kɔc lik ke Yithriɛl cï döŋ apïïr röt bï bɛ kan në juöör cï keek duɛ̈ɛ̈r riɔ̈ɔ̈k. Abïk aŋäthden tääu ë yic në Bɛ̈nydït guöp, Nhialic Ɣeric de Yithriɛl.

Yith 2:22

Duökï aŋäth ee tääu në raan ee thou guöp. Eeŋö yen ee piathden?

Yith 26:13

Bɛ̈nydït Nhialicda, bäny kɔ̈k anukï ë wo nïïm, ku ee yïn ee Bɛ̈nydïïtda Yïtök.

Jeremia 1:19

Ku ee köölë yïn bä gäm riɛl bï yïn ke lëu, yïn bï ciët pänydïït cï gël ë mën ë wëëth, ku ciëtë päny de maläŋ. Acïkï yïn bï tiaam, në biäk bä Yɛn tɔ̈u wo yïn ke yï gɛ̈l. Acä lueel, Yɛn Bɛ̈nydït.”

Lebai 26:8

Kɔc kadhïc ë weyiic abïk buɔ̈t aa cop, ku buɔ̈t ë weyiic abï aguum kathiëër aa cop. Ku kɔc dɛ wek ater, abïk aa wïïk ë wenïïm në abätäu.

Amoth 5:9

Ee riääk tɔ bɔ̈ tëde kɔc ril, ku riëëk ɣään ril ke tɔŋ.

Dhek 2:8

Kë cï Bɛ̈nydït de rɛm lueel kï. Të ɣɔn cï yen ɛn dhuëëŋ guöp, ku juöör cï kɔcke peec la lɛ̈k keek an, “Raan lɔ we jak, ka ë nyin cooldï jakic.

Math 16:18

Ku yïn yɔ̈ɔ̈k, yïn Petero, yïn ee kuur, ku yɛn bï ɣön ë Nhialicdï yïk ee kuurë nɔm, ku acïn riɛl ë paan ë thuɔɔu bï yen tiaam.

Jɔn 14:1

Go Yecu lɛ̈k keek an, “Duökï wepiɔ̈ɔ̈th tɔ jeth, we ye Nhialic gam, gamkï yɛn ayadäŋ.

Jɔn 14:27

“Mät en anyäŋ week, mändï en agäm week: miɔ̈c miaac ɛn week, acïï cït man ë miɔ̈c ee kɔc ke piny nɔm we miɔɔc. Duökï wepiɔ̈ɔ̈th tɔ jeth, ku duökï wepiɔ̈ɔ̈th tɔ riɔ̈c.

Luɔi 2:21

Ku ë yic, raan ëbɛ̈n raan ë Bɛ̈nydït cɔɔl rin, ka bï dhil kony wëi.’

Luɔi 3:16

Ku rin ke yen, në gäm cï wo rinke gam, yen aa tɔ raanë ril, raan wɔikï ku ŋiɛckï: yeka, gäm bɔ̈ tëde yen acï raanë gäm guöp cï dikëdik ë wenyïïn wedhie.

Luɔi 9:4

Go wïïk, ku piŋ röl yöök en an, “Thaulo, Thaulo, eeŋö yɔŋ yïn ɛn?”

Romai 8:31

Buk ŋö jɔ lueel në këde kake? Të mɛtë Nhialic ke wook, ke eeŋa bï dɛ ater ke wook?

Nyöŋ 32:27

Ku yɛn cïï kɔc ke aterden bï tɔ lec röt, an, cïk kɔckï tiaam, ku ee yɛn në guöpdï yɛn ë dhoŋ ke piny

Nyöŋ 32:30

Eeŋö duëër ë raan tök agum cop, ku tɔ kɔc kaarou aguum kathiëër tɔ kɔt. Bɛ̈nydït Nhialicden acï keek pɔ̈l Bɛ̈nydït Awärjäŋ acï keek nyääŋ wei.

Nyöŋ 32:36

Bɛ̈nydït abï kɔcke luök, të cien yen tïŋ nɔn cïï riɛlden jäl. Abï piɔ̈u kok, kekë kɔc ee yen luööi, të cien yen tïŋ nɔn cïn kek nïïm kony.

Bäny 7:7

Ago Bɛ̈nydït Gidiɔn yɔ̈ɔ̈k an, “Yïn bä luök në kɔc bot kadiäk 300, cï pïïu nem në kecin ku dekkï ke, yɛn bï kɔc ke Midian tääu në yïcin bä ke tiaam. Ku kɔc kɔ̈kë kedhie ë ke puk röt wut, ŋɛk ë lɔ tëde ku lɔ ŋɛk tëde.”

1 Tham 14:6

Go Jɔnathan dhuŋ ee kakɛn ë tɔŋ muk yɔ̈ɔ̈k an, “Bäär lokku të de rem de kɔc kuc Nhialic, tɛk däŋ bï Bɛ̈nydït wook kuɔny, acïn kë duëër Bɛ̈nydït pɛ̈n luɔi kony En wo, cakaa nɔn ye wok kɔc lik.”

1 Tham 17:47

Yen abï amatnɔmë ëbɛ̈n ye jɔ ŋic ë gɔk, nɔn cïï Bɛ̈nydït abätɛ̈ɛ̈u ayï tɔɔŋ kɔɔr bïï En kɔcke kony. Tɔŋ ee këde, ka bï we gäm wook wedhie ee köölë.”

1 Tham 2:9

“Ee kɔckɛn adööt gël apiɛth, ku kɔc ee karɛc looi ayek määr ë mɔ̈ɔ̈thic, acïn raan duëër tiam në riɛlde yetök.