2 Lëk 13:9 - JAM DE NHIALIC 2011

⁹ Ku wek cï bäny ke kake Nhialic de Bɛ̈nydït kuat de Aron, cuɔp wei, ku cuɔpkï kɔc ke Lebai wei aya. Ku jakï guc kuany në nyïïnken yiic cït man ye juöör ke piny nɔm yen looi. Ago na de raan cï miɔɔr ku nɔn yen thök kadhorou bɛ̈ɛ̈i, ka bïï kuany ke ye guny de yiëthkuönkë.

2 Lëk 13:9 ပူးပေါင်းရင်းမြစ်များ

1 Mel 13:33

Melik Jerobowam de Yithriɛl, akën e piɔ̈u puk në kërɛɛcde yic, ku aaye ŋoot ke kuany guc në kɔc ke Yithriɛliic ëbɛ̈n, alɔ raan cï yök, aye kuany ke ye bɛ̈ny ë kake Nhialic de ɣään thöny.

2 Mel 19:18

ku nyop yiëthken, ka ɣɔn cie yiëth ë yic, ayek kak ë guaŋ ë tiim ku kur, luɔi de kɔc cin tei.

1 Lëk 29:5

ku jɔ aa kajuëc kɔ̈k bïï atëët ee cuëc ke looi, kake adhääp abï ke looi adhääp, ku kake ateek abïï ke looi ateek, ku ënɔɔnë eeŋa däŋ kɔɔr bï miɔ̈c gäm Bɛ̈nydït ë miɛtëpiɔ̈u?”

2 Lëk 13:10

“Ku wok ŋoot ke wo luui Bɛ̈nydït Nhialicda ku akënku nyääŋ piny. Ku bäny ke kake Nhialic kuat de Aron ayek ŋoot ke ke loi luɔiden, ku aye kɔc ke Lebai ke kuɔny.

2 Lëk 29:31

Go Ɣedhekia kɔc yɔ̈ɔ̈k an, “Ënɔɔnë wek cï gup lɔgɔk, yiɛ̈nkï Bɛ̈nydït miɔ̈c de alɛɛc.” Gokï kë lueel melik looi, ago amatnɔm ɣɔ̈k bɛ̈ɛ̈i, bï ke gam ke ye miɔ̈c ye nyop ëbɛ̈n.

Bɛ̈n 29:1

“Ku kë bä looi kï në gɛm bï yïn Aron gam kekë wɛ̈ɛ̈t bïk Ɛn luööi ke ke ye bäny ke kake Nhialic. Nöm miɔɔr atiëëk tök, ku nyök amɛ̈l kaarou cïn kë dak në kegup.

Bɛ̈n 29:29

“Wadäŋ të cïï Aron thou, ke lupɔɔ ɣeriic ke Aron, lupɔɔ ke bääny de kake Nhialic ë ke gëmë keek wɛ̈ɛ̈tke, bïk keek aa cieŋ të cïï ke tɔ ee bäny ke kake Nhialic.

Bɛ̈n 29:35

“Luöiyë Aron ka cä lɛ̈k yïn ëbɛ̈n kekë wɛ̈ɛ̈tke në nïniic kadhorou.

Bɛ̈n 32:29

Na wën, ke lëk ë Mothe kɔc ke Lebai an, “Wek ë röt jɔ tɔ ɣer ee köölë, ku takï röt ee bäny ke kake Nhialic në luɔi de Bɛ̈nydït, në baŋ cä wek wɛ̈ɛ̈tkun nɔ̈k ayï mïthëkɔckun. Ku Bɛ̈nydït abï we thieei.”

Jeremia 2:11

Acïn jur däŋ cï yanhdɛn yek lam kɔn waar, na cakaa nɔn cïï kek ee yic. Ku kɔckï acïk A waar, Yɛn Nhialic ɣɔn ë gëm keek dhuëëŋ, waarkï Yɛn në yiëth cïn kë duëërkï luöi keek.

Jeremia 5:7

Bɛ̈nydït ee lop an, “Eeŋö bän karɛc ke kɔckï jɔ pɔ̈l? Acïk Ɛn nyääŋ piny ku lɛmkï yiëth cie yic. Yɛn cï kɔckï cääm abïk kuɛth, ku acïk lɔ köör ku jɔkï aa lɔ cath në akɔɔrröör.

Ɣodh 8:6

Acie Nhialic Yen ë cuëc ee yanhë, ee kɔc kek ë loi yen kapäc. Dan ë Thamaria, abï dhuööŋ abï lɔ thorthor.

Lebai 16:32

Ku bɛ̈ny de kake Nhialic cï tɔc ku thany nɔm, në biäk bï yen nyin de wun löökic, ke ye bɛ̈nydïït ë kake Nhialic, abïï dhil teem guöp. Abï lupɔ ɣeric de linɔn dhil tääu në yekɔ̈u.

Lebai 8:2

an, “Bɛ̈ɛ̈iyë Aron kekë wɛ̈ɛ̈tke në paany de Mät thok, ku bɛ̈ɛ̈iyë lupɔɔkɛn ke bääny, ayï miök de tɔc, ku bɛ̈ɛ̈iyë miɔɔr atiëëk, në biäk de miɔ̈c de kërac, ku bɛ̈ɛ̈iyë nyök kaarou, ku diööny ke kuïïn cï pam cïn yic luɔu.

Luɔi 19:26

Ku tiëŋkï aya ku piɛŋkï, nɔn cï Paulo kɔc juëc wëŋ ku yɛl keek wei, acie Epetho etök, ee piny de Athia nɔm ëbɛ̈n, aye keek yɔ̈ɔ̈k an, ka ye cuëëc ë kɔc cin, acïkï ee Nhialic.

Galatai 4:8

Ku wään kuöc wek Nhialic, wek aaye lïïm ke yiëthkun yiëth cie Nhialic në ciɛɛŋdɛn ë ciɛkë keek.

Nyöŋ 32:17

Acïk yiëth cie yith näk, yiëth ë piac bɛ̈n, yiëth kuc ë kuarken, yiëth kën Yithriɛl kɔn riëëu.