2 Lëk 12:3 - JAM DE NHIALIC 2011

³ ke cath ke agum ku bot kaarou de abëël ke tɔŋ, ku aguum kathiërdhetem 60,000 de rem de tɔŋ cath ë jöŋgöör kɔ̈ɔ̈th, ku remdïït de tɔŋ cïï lëu në kuën bɔ̈ në Rip, ku Libiya, ku Thuk, ku Kuc.

2 Lëk 12:3 ပူးပေါင်းရင်းမြစ်များ

2 Tham 10:18

go kɔc ke Yithriɛl rem de tɔŋ ë Thiriya cuɔp ciëën. Ago Debid kekë kɔcke bot kadhorou de kɔc ke abëël ë Thiriya kuath nɔ̈k, ku nɛ̈kkï bot kathiërŋuan 40,000 ke rem de tɔŋ ë Thiriya. Acïk Cobak nɔ̈k aya, bɛ̈ny ë rem de tɔŋ de Thiriya.

2 Mel 7:6

Bɛ̈nydït ë kɔc ke Thiriya tɔ piŋ awuɔɔu de abëël ku jöŋgöör ke rem de tɔŋdït, go kɔc ke Thiriya cät an, cï melik de Yithriɛl meliik ke Ɣit ku Rip riɔp bïk ke bɛ̈n mak.

2 Lëk 14:12

Go Bɛ̈nydït rem de tɔŋ de Kuc tiaam të wën cïï melik Atha kekë remdɛn de tɔŋ keek mak, go kɔc ke Kuc kat.

2 Lëk 14:8

Melik Atha aa de nɔm aguum bot kadiäk 300,000 de rem de tɔŋ ë Juda muk tɔɔŋ ku kööt, ku aguum bot kaarou ku thiërbɛ̈t 280,000 de rem de tɔŋ ë Benjamin muk kööt ku dhɛ̈ŋ. Ayek röör jööt cï ŋiëc wɛ̈ɛ̈t kedhie.

2 Lëk 14:9

Na ɣɔn ke raan de Kuc cɔl Dhera ë yïn tɔŋ Juda ke cath ke aguum kathiëër ke aguum 1,000,000 de rem de tɔŋ, ku aguum bot kadiäk 300,000 de abëël ke tɔŋ, abïï ɣet Mareca.

2 Lëk 16:8

Kɔc ke Ethiopia ku kɔc ke Libiya ë ke cïï nïïm de rem de tɔŋ dït arëët, ku abëël ke tɔŋ juëc, ku kɔc juëc cath ë jöŋgöör kɔ̈ɔ̈th? Në biäk cïï yïn rɔt kan në Bɛ̈nydït wään, acï keek bɛ̈n tiaam.

Yith 43:3

Në biäk ee Yɛn Bɛ̈nydït Nhialicdu, Nhialic Ɣeric de Yithriɛl ɣɔn kony yïn. Yɛn bï Rip pɔ̈l ke bï yï tɔ lääu nɔm, Yɛn bï Ethiopia pɔ̈l kekë Theba.

Edhekiɛl 30:5

“Yen ee tɔŋë aya abï rem de tɔŋ ë riɔp në Ethiopia, ku Libiya, ku Ludia, ku Arabia, ku Kub nɔ̈k, ayï kɔckï yiic.”

Danyel 11:43

Abï wëu ke Rip ke adhääp ku ateek cïï thiaan peec, ayï kakɛn kɔ̈k tuc thook. Abï Libiya ku Ethiopia ke peec.

Naɣum 3:9

Ku piny de Ethiopia kekë Rip kek aake nu në yeciin. Ku piny de Put kekë Libiya aake ye mat në yen.

Nyuuth 9:16

Ku kuën ë kɔc cath ë jöŋgöör kɔ̈ɔ̈th ayek aguum kathiërrou raan thiëër ë agum: yɛn cï kuënden piŋ.

Bäny 4:13

Go Thithera bot kadhoŋuan ke abëël ke tɔŋ cï looi ë wëëth cɔ̈ɔ̈l bei kedhie, ku rem de tɔŋ ëbɛ̈n, ku tooc keek Ɣaroceth de juöör tɔ ke lɔ në wak de Kiconic.

Bäny 6:5

Ayek bɛ̈n në ɣɔ̈kken ku pɛɛnyken, cït man ë kɔyɔm dïït cïï lëu ë kuɛ̈n, ku thɔ̈rɔ̈ɔ̈lkɛn juëc aläl. Aake ye bɛ̈n ku riäkkï piny.

1 Tham 13:5

Go Pilithiin kenïïm kut në baŋ bïk kek tɔŋ luöi kɔc ke Yithriɛl, aake de nïïm bot kathiërdiäk 30,000 ke abëël ke tɔŋ, ku aguum kathiërdhetem 60,000 de kɔc ke jöŋgöör, ku rem de tɔŋ juëc cie lëu ë kuɛ̈n acït liɛɛt tɔ̈u ë wɛ̈ɛ̈r yɔu. Agokï lɔ Mikmac, të lɔ aköl amiäk në Bethaben, ku jɔkï piɔ̈ɔ̈t ëtɛ̈ɛ̈n.