2 Lëk 12:13 - JAM DE NHIALIC 2011

¹³ Reɣobowam aa muk bääny ë Jeruthalem go riɛlde ŋuak nyin ke ye melik. Aa ye run thiërŋuan ku tök ɣɔn dɔm en bääny ke ye melik, ago bääny muk ë run kathiëër ku dhorou ë Jeruthalem, pänydïït cï Bɛ̈nydït lɔc ë dhiëën ke Yithriɛl yiic ëbɛ̈n, bïï ë yen aa lam thïn. Man Reɣobowam acɔl Naama, nyan wun ë Ammon.

2 Lëk 12:13 ပူးပေါင်းရင်းမြစ်များ

1 Mel 11:1

Na wën ke Tholomon ë nhiaar diëër juëc ke juöör kɔ̈k. Go thiëëk në duet ke Ɣit, ku duet ke Mowap, ku duet ke Ammon, ku duet ke Edom, ku duet ke Thidon, mɛtke në tiiŋdɛn nyan ë melik de Rip nyin.

1 Mel 11:36

ku Yɛn bï mïthke Tholomon nyäŋ dhiën tök, në biäk bï käu de Debid awundï aa bäny ë Jeruthalem ë caŋɣɔn, pänydït cä lɔc ke ye të bï Ya aa lam.

1 Mel 14:21

Reɣobowam wën ë Tholomon aaye run thiërŋuan ku rou, ɣɔn dɔm en bääny ke ye melik de Juda, ku muk bääny ë run kathiëër ku dhorou ë Jeruthalem, pänydït cï Bɛ̈nydït lɔc në dhiëën ke Yithriɛl yiic ëbɛ̈n, bï aa të bïï ë yen aa lam. Man Reɣobowam acɔl Naama nyan wun ë Ammon.

2 Lëk 12:1

Na wään cï Reɣobowam rɔt kiɛm piny ku cï riɛl ke ee melik, gokï lööŋ ke Bɛ̈nydït pɔ̈l yen kekë kɔcke.

2 Lëk 13:7

Na wën ke mɛ̈ɛ̈t kuut de kɔc ee karɛc looi yiic, ku tɔ keek tɔ reec Reɣobowam wën ë Tholomon, në biäk koor en ku cïï käŋ ŋic në baŋ bï yen thɔ̈ɔ̈r ke keek.

2 Lëk 6:5

‘Gɔl të wään bɛ̈ɛ̈i Yɛn kɔckï bei ë Rip agut cï ënɔɔnë, acïn pänydïït töŋ cä lɔc piny de Yithriɛl, ke ee të bïï Luaŋdït yïk thïn bï ë Yɛn aa lam, ku acïn raan töŋ cä lɔc bïï dhiëën ke Yithriɛl wat.

2 Lëk 6:6

Ku ënɔɔnë Yɛn cï Jeruthalem lɔc ke ee të bïï ë Yɛn aa lam thïn, ku lac Debid, bïï kɔckï wat.”’

Neɣe 13:1

Na ɣɔn ee köölë yic ke ke jɔ lööŋ ke Mothe kuɛ̈n kɔc në röl dït, gokï ɣëët tëde cöök ee ye lueel an cïn raan de Ammon ku raan de Mowap bï pɔ̈l ke ke bɔ̈ në amatnɔm de kɔc ke Nhialic yiic.

Neɣe 13:26

Guɔ lueel an, “Aa ye diëër ke juöör kek ë tɔ Melik Tholomon wäc. Yen aaye raan dïït wär Meliik ke juöör kɔ̈k. Anhiɛɛr ë Nhialic en, ago looi ke ye Melik de Yithriɛl ëbɛ̈n, ku ëtɛ̈ɛ̈n ëbɛ̈n ŋoot ke lööny në awänyë yic

Bɛ̈n 20:24

Yiëkkï ya yïïŋ ë tiɔp. Ku yak thökkun gam në yenɔm, ayï ɣɔ̈k ke ke ye miɔ̈c ye nyop ëbɛ̈n, miɔ̈c de mät. We cä gäm ɣään juëc bä wek Ɛn aa lam thïn. Ku Yɛn bï ya bɛ̈n ëtɛ̈ɛ̈n bä we bɛ̈n thieei.

Edhekiɛl 48:35

Bɛ̈ɛ̈r de päny ëbɛ̈n në biäk ke pänydït kedhie kaŋuan, ee agum kathiëër ku thiërbɛ̈t (10,080) de akeem. Ku rin ke pänydït gɔl ënɔɔnë leer wadäŋ abï aa, “Bɛ̈nydït anu ee tënë!”

Nyöŋ 12:11

Bɛ̈nydït abï të tök lɔc, të bï ë Yen aa lam thïn, ku abäk aa yiɛ̈n käŋ ëtɛ̈ɛ̈n, ka cä lɛ̈k week, miɔ̈cduön näk miɔ̈c ye nyop ëbɛ̈n, ku miɔ̈cduön kɔ̈k, ku töŋ de thiëër, ku miɔ̈c, ku miɔ̈cduön kɔ̈k cï ke thön Bɛ̈nydït.

Nyöŋ 12:5

Në wuöt ceŋ ë dhiëënkun kedhie Bɛ̈nydït abï të tök lɔc, të bïï kɔc aa bɛ̈n në Ye lɔ̈ɔ̈m ku lamkï Yen.

Nyöŋ 23:3

“Acïn raan de Ammon, ku nɔn ee raan de Mowap, ku nɔn ee mïth ke mïthken, bïï lɔ në amatnɔm de kɔc ke Bɛ̈nydït yiic, agut cï rem ye rɛm thiëër.