2 Lëk 10:16 - JAM DE NHIALIC 2011

¹⁶ Na wën aacï kɔc ye tïŋ nɔn reec ë melik jamden, gokï piɔ̈ɔ̈th rac ku wuoukï an, “Eeŋöda thïn në Debid kekë paanden! Eeŋö cïk kɔn luöi wook? Wek kɔc ke Yithriɛl pukku wonïïm wutic! Jɔ baaidu lɔ̈ɔ̈k tïŋ yïn Reɣobowam!” Go kɔc ke Yithriɛl melik rɛɛc.

2 Lëk 10:16 ပူးပေါင်းရင်းမြစ်များ

2 Tham 15:13

Na wën ke tuc bɛ̈n tëde Debid ku lueel an, “Kɔc ke Yithriɛl akɔɔrkï bïk Abthalom dɔm ke ye bɛ̈nyden.”

2 Tham 16:11

Ago Debid lɛ̈k Abicai kekë bänyke kedhie an, “Mɛnhdï akɔɔr bïï yɛn nɔ̈k! Ku eeŋö ee week tɔ gäi ë kë looi raan wun ë Benjamin? Acï Bɛ̈nydït lɛ̈k en bï a lam! Pälkï, ë lam ɛn ëtɛ̈ɛ̈n.

2 Tham 20:1

Ade raan de guöp wël cɔl Ceba wën ë Bikiri, ee raan dhiën ë Benjamin. Na wën ke koth kaaŋ ku lueel an, “Acïn kë mat wook në Debid! Acïn kë tɔ̈u në kaamda në wën ë Jethe! Kɔc ke Yithriɛl pukku wonïïm baai!”

1 Mel 11:13

Ayï luɔi bän e tɔ ye melik de dhiën tök, në biäk de Debid raandiën ee Ya luööi, ku në biäk de Jeruthalem wundiën cä lɔc.”

1 Lëk 17:14

Ku yen abä tääu ë kɔckï nïïm ku ciɛɛŋdï nɔm aɣet athɛɛr. Ku thöönyde abï tɔ̈u aɣet athɛɛr.”’

2 Lëk 10:17

Ago Reɣobowam döŋ ke ee melik de kɔc ke Yithriɛl ceŋ Juda kapäc.

2 Lëk 10:19

Gɔl ëtɛ̈ɛ̈n kɔc ke Yithriɛl tɔ̈u ë biäk të lɔ rut acïk bääny de dhiën ë Debid rɛɛc.

Diɛt 132:17

Ëtɛ̈ɛ̈n yɛn bï wën töŋ de Debid tɔ ee melik dït, yɛn bï bääny de melikdiën cä lɔc döt ee tënë.

Diɛt 76:10

Agönh de kɔc ee rɔt puk ke ye lɛc leecë Yïnɔm tei, kɔc bï pïïr në tɔɔŋ thook, abïk Yïn aa luöi dhuëëŋ.

Yith 11:1

Acït man ye tim cï yep lɔ̈ɔ̈k nyok, yen acït mei de Jethe abï käude rɔt jɔt, ka melik cï piac dɔm abï bɛ̈n bei në käu de Debidic.

Amoth 9:11

Aye Bɛ̈nydït lueel an, “Ade kööl bɔ̈, kööl bän Debid pɔ̈k nɔm ciɛɛŋdɛn cï poot wei, ciɛɛŋdɛn cï ciët ɣön cï riääk. Yɛn bï pänyde bɛ guiɛɛr piny abï lɔ kim piny. Abä bɛ nyɔk në yïk abï ciët man wään kɔn en tɔ̈u.

Luk 19:14

Ku amɛɛn kɔc ke paanden, gokï kɔc tuɔɔc ë yecök, kɔc bï e lɔ lueel an, ‘Wo cïï raanë kɔɔr luɔi bï en wo cieŋ.’

Luk 19:27

Ku jakï kɔckë bɛ̈ɛ̈i kɔc de ater në yɛn, kɔc wään reec ɛn an, cä bï aa melik bï keek cieŋ, bɛ̈ɛ̈ikï ke ku näkkï ke ë yanɔm!”’

Jɔn 6:66

Ëköölë ke kɔc juëc ë kɔckɛn ë piööcë yiic ke ke dɔk röt ciëën, ku cïkï ë bɛ cath ëyen.

Jɔn 7:53

Gokï jäl kedhie, lɔ ŋɛk ɣönde, ku lɔ ŋɛk ɣönde.

Luɔi 2:30

Ku yen aaye tiët, ku aŋic nɔn cï Nhialic e lɛ̈k en, abï gutguut lueel an, Në mïth ke thardu yïguöp, yɛn bï Kërtho jat nhial, raan bï rëër ë thöönydu nɔm.

1 Kor 15:25

Ku yen abï piny dhil cieŋ, aɣet të cï en kɔc de ater ë yen tuɛɛl ë yecök yiic piny.

Nyuuth 22:16

Yɛn Yecu, yɛn ë tunydiën nhial tooc bï week lëk kakë në këde ɣööt ke Nhialic. Yɛn ee meei de Debid, ku ya mɛnh dhiënde, ku ya ciëër ee piny riaau ciëër ë runëpiny.

Bäny 8:35

Ku akënkï baai de Gidiɔn nyuöth riëëu ayadäŋ, në këriëëc piɛth cï luöi Yithriɛl ëbɛ̈n.

1 Tham 20:27

Na në kööl ye akööl rou, tëde Debid aa ŋoot ke cïnic raan, go Thaulo Jɔnathan luɔp an, “Eeŋö kɛ̈në Debid bɛ̈n cam ee köölë, ayï wään aköl?”

1 Tham 22:13

Go Thaulo lɛ̈k en, an, “Eeŋö kaar wek bä a nɔ̈k wekë Debid? Acï gäm këcam kekë tɔŋ, ku luɔpë Nhialic në këde? Ënɔɔnë aloi tɔŋ kekë yɛn, ku ee ya buuth kueer ke kɔɔr bïï ya nɔ̈k!”

1 Tham 22:7

ago Thaulo lɛ̈k bänyke an, “Piɛŋkï kënë wek kɔc ke Benjamin, bï Debid wën ë Jethe we gäm duum ayï tiim ke enap wedhie, ku bïï week tɔ ye bänydït ke remdɛn ë tɔŋ wedhie?

1 Tham 22:9

Ku Doweg raan de Edom, aa kääc kekë bäny ke Thaulo, go lueel an, “Yɛn cï Debid wënde Jethe tïŋ ke jäl kekë Aɣimelek wën de Aɣitup wutic ë Nop.