2 Lëk 1:12 - JAM DE NHIALIC 2011

¹² Yïn bä gäm pɛlënɔm ku ŋïnydekäŋ. Ku yɛn bï kajuëc, ku wëu juëc, ku kɛk dït cïn melik cï ye kɔn yök ku cïn raan bï ye bɛ yök gäm yïn aya.”

2 Lëk 1:12 ပူးပေါင်းရင်းမြစ်များ

1 Mel 10:24

ku ye pinynɔm ëbɛ̈n Tholomon kɔɔr, bï pɛlënɔmde bɛ̈n piŋ, pɛl cïï Nhialic gäm yen.

1 Lëk 29:12

Kuɛth ku riëëu kedhie ayek bɛ̈n tëde Yïn, ku ee Yïn ee bɛ̈ny de kɔc kedhie. Ku ciindu ade yic riɛldït, ku ciindu abï Yïn göök dït looi, ku Yïn ee riɛl gäm kɔc kedhie.

1 Lëk 29:25

Bɛ̈nydït acï jur ëbɛ̈n tɔ kääc ë Tholomon kɔ̈u, ku tɔ ye melik de guöp dhuëëŋ aläl, awär meliik ɣɔn cï piny de Yithriɛl kɔn ceŋ.

2 Lëk 9:22

Melik Tholomon aa kueth ku aa pelnɔm awär meliik ke piny nɔm ëbɛ̈n.

Neɣe 13:26

Guɔ lueel an, “Aa ye diëër ke juöör kek ë tɔ Melik Tholomon wäc. Yen aaye raan dïït wär Meliik ke juöör kɔ̈k. Anhiɛɛr ë Nhialic en, ago looi ke ye Melik de Yithriɛl ëbɛ̈n, ku ëtɛ̈ɛ̈n ëbɛ̈n ŋoot ke lööny në awänyë yic

Wɛ̈ɛ̈t 2:9

Guɔ jɔ aa raandït. Ku wäär kɔc kedhie, kɔc ë kɔn nu ë yanɔm tueŋ ë Jeruthalem. Ku rɛ̈ɛ̈r pɛlënɔmdï ke yɛn ayadäŋ.

Wɛ̈ɛ̈t 5:19

Ayadäŋ, na cï Nhialic raan gäm kajuëcke, ku riɛl bï yen ke cam, ku gëm biäkde, ku yök miɛtëpiɔ̈u në luɔɔide yic, ee miɔ̈c de Nhialic.

Math 6:33

Kankï ciɛɛŋ de Nhialic aa kɔɔr, kekë piath ë yenpiɔ̈u, ku kakë kedhie abï ke ya juak nyïïn tëde week.

Epethiei 3:20

Ku ënɔɔnë, Raan lëu käŋ ë luɔi aläldït awär ka yok lip ayï ka yok tak ëbɛ̈n, në riɛldït ee luui ë woyiic,

Jakop 1:5

Ku na de raan në weyiic raan dɛk ë pɛlënɔm, ke lim tëde Nhialic, Raan ee kɔc miɔɔc kedhie ë dhuëëŋ, ku cïï kɔc ee gɔ̈k, ku abï gäm en.