2 Kor 9:8 - JAM DE NHIALIC 2011

⁸ Ku Nhialic aduëër dhuëëŋdepiɔ̈u ëbɛ̈n tɔ dït tëde week, ke we bï kuɛth aläl anandun në këriëëc ëbɛ̈n, aguɔkï kuɛth ë lëu bä wek luɔi piɛth aa lëu ëbɛ̈n.

2 Kor 9:8 ပူးပေါင်းရင်းမြစ်များ

2 Lëk 25:9

Na wën ke Amadhia ë thiëc raan de Nhialic an, “Ku na ateek juëc cän keek riɔp?” Go ë raan de Nhialic bɛ̈ɛ̈r an, “Bɛ̈nydït abï yï cuööt awär ee kake!”

Diɛt 84:11

Bɛ̈nydït Nhialic ee akɔ̈l ku ee köt, ku ye meliŋ de dhuëëŋ, ee wo thiɛɛi në kok ë piɔ̈nde kekë riëëu. Acïn këpiɛth ee pɛ̈n, kɔc ee yic looi.

Kɛ̈ŋ 10:22

Kuɛth ee athiɛɛi de Bɛ̈nydït, ku acie luɔiduöndït.

Kɛ̈ŋ 11:24

Amiööc aye kake kenyïïn ŋuak, ku raan ril ciin ee nyin bɛ̈n kuany.

Kɛ̈ŋ 28:27

Amiööc acïï nyin ee kuany, ku raan ee yenyin niɛɛn në kɔc kuanynyïïn aye cieen në raan ëbɛ̈n.

Kɛ̈ŋ 3:9

Dhuëŋ Bɛ̈nydït në miɔ̈c miɔɔc yïn En në këriëëc piɛth cï kɔn luɔk domdu ëbɛ̈n.

Ɣagai 2:8

Ku lueel Bɛ̈nydït de rɛm an, Atek ke pinynɔm kedhie, ayï adhɛ̈p ayek kakï.

Malakai 3:10

Acï Bɛ̈nydït de rɛm lueel an, Bɛ̈ɛ̈ikï miɔ̈c de töŋ thiëër ë käŋ nyïïn kedhie në Luaŋdiën dït yic, ke ɣöndï ë bï thiäŋ ke kacaam. Ku thɛmkï Yɛn, tiëŋkï na cä awëër nyïïn ke tënhial bï liep, ku luööŋ athiɛɛi piny ëbɛ̈n, abäk nïïm ciën të tääu wek ke thïn.

Luɔi 9:36

Ku ade raanpiööcë ë Jopa, tiiŋ cɔl Tabitha, yen aye Doruka ë thoŋ ë Girikii (ku cɔl ŋɛɛr në thoŋda): tiiŋë ee tiiŋ piɛth cin, ee cool ë loi luɔi piɛth, ku ye kɔc kuanynyïïn miɔɔc.

1 Kor 15:58

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.

2 Kor 13:3

Luɔi kaar wek ŋïny bä wek e ŋic ëgɔk nɔn jiɛɛmë Kërtho ë yathok, ku yen acïï kɔ̈c tëde week, aril aläl ë weyiic:

2 Kor 8:19

Ku acie kënë etök, ee raan cïï ɣööt ke Nhialic lɔc an, buk cath ëtök ë yen, lok kë cï gam ëdhuëëŋë looi, ke Bɛ̈nydït bï dhuëëŋ yök, ku luɔi kɔɔr wok nɔn bï wo kɔc kony.

2 Kor 8:2

Acakaa kek ë ye them në këtuc dïït dhal keek, ke miɛt mit kek piɔ̈ɔ̈th aläl ku kuany de kenyïïn acïk piɔ̈ndɛn adhuɛ̈ŋ tɔ ŋuak rɔt abï dït aläl.

2 Kor 8:7

Ku acït man cä wek kuɛth në këriëëc ëbɛ̈n, në gäm, ku në jam, ku në ŋïnydekäŋ, ku në lɛ̈th lɛ̈th wek yiic, ku në nhiëër nhiaar wek wook, en ja wek aa kuɛth në dhuëëŋ ayadäŋ.

2 Kor 9:11

ke we bï tɔ kueth ë këriëëc abäk piɔ̈ɔ̈th adhuɛ̈ŋ aläl, en aye Nhialic tɔ yök lɛc në wook.

Epethiei 2:10

Wok ee cuɛ̈cde, në cäŋ cï wo cak ë Kërtho Yecu yic në këde luɔi piɛth cïï Nhialic kɔn lueel, an, buk aa cool ë looi wo keek.

Epethiei 3:20

Ku ënɔɔnë, Raan lëu käŋ ë luɔi aläldït awär ka yok lip ayï ka yok tak ëbɛ̈n, në riɛldït ee luui ë woyiic,

Pilipoi 4:11

Ku acie dak dak ɛn ë käŋ en luɛɛl ɛn en: yɛn ee wëët, ka yɛn duëër piɔ̈u aa lɔ yum, të de yen ka yɔ̈k.

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

2 Theth 2:17

ë ye week muk piɔ̈ɔ̈th, ku tɔ ke ril në jam piɛth ëbɛ̈n ku luɔi piɛth ëbɛ̈n.

2Tim 2:21

Ku raan ee rɔt waak në ka cïï piɛth, yen abï aa töny de dhuëëŋ, töny ɣeric, ku piɛth në luɔi de bɛ̈ny, ku ye röŋ ke luɔi piɛth ëbɛ̈n.

2Tim 3:17

ke raan de Nhialic bï piɔ̈u aa dikëdik, ku jɔ röŋ në luɔi piɛth ëbɛ̈n.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

Tito 3:14

Ayï kɔckuɔ aya tɔ ke wëëtë apiɛth ke ke bï aa cool ë loi luɔi piɛth, agokï kë pïïr kek aa yök, ku cïkï ee tɔ̈u ke ke cïï lok.

Tito 3:8

Ee jam yic ee kënë. Ku yɛn de piɔ̈u luɔi bï yïn kakë aa ŋak nïïm arëët, ke kɔc cï Nhialic gam ke ke bï röt tiit apiɛth, agokï aa cool ë loi luɔi piɛth. Kakë apiɛthkï ku adekï naamden tëde kɔc.

1 Pet 4:10

Week wedhie, të cï raan këdäŋ yök kë cï gäm en, ke teke ke mänhë kɔ̈c, en abä wek ciët kɔc piɛth cï tääu ë dhiën nɔm, kɔc ŋic dhuëëŋ ë Nhialic döt dhuëëŋ kithic.