2 Kor 9:15 - JAM DE NHIALIC 2011

¹⁵ Thieithieei Nhialic ë biäk de miɔ̈cdɛn ë ye miööc ë dhuëëŋ, miɔ̈c liu eenë!

2 Kor 9:15 ပူးပေါင်းရင်းမြစ်များ

1 Lëk 16:35

Lɛ̈kkï yen an, “Kony wook, Nhialic Konyda, ku määt ë wo yiic, ku kony wook në juöör, agoku yïn aa leec, ku lecku rinkuön ɣeriic.

1 Lëk 16:8

Lɛckï Bɛ̈nydït, luɛɛlkï dïtde, lɛ̈kkï juöör ka cï ke looi,

Diɛt 30:12

Yɛn cïï thok bï mim, yïn bä leec. Bɛ̈nydït Nhialicdï, yïn bä leec aɣet athɛɛr.

Diɛt 30:4

Pianykï Bɛ̈nydït, wek kɔc ke Bɛ̈nydït, pianykï rinkɛn ɣeriic.

Diɛt 92:1

Apiɛth buk Bɛ̈nydït gäm lɛc, buk diɛt ket në rinke, buk Nhialic Awärjäŋ riëëu,

Yith 49:6

Go ë Bɛ̈nydït lɛ̈k ɛn an, “Yɛn de këdïït luɔɔi në biäkdu, yïn awundï. Acie biäk bïï yïn dhiëën ke Jakop tɔ dït, ku ta Yithriɛl cï döŋ apïïr puk nɔm yetök, ku yïn bä tɔ ye ɣɛɛr de juöör aya, ago kɔc ke piny nɔm kony wëi.”

Yith 9:6

Wok cï dhiëth meth! Wok cï gäm mɛwä! Ku yen abï aa bɛ̈nyda. Abï aa cɔɔl an, “Këdïït ë gäi, Mony riit kɔc piɔ̈ɔ̈th,” “Nhialic Awärjäŋ” “Wäärdan Athɛɛr” “Bɛ̈ny de Mät.”

Luk 2:14

“Ë dhuëëŋ tɔ̈u kekë Nhialic tënhial ya, ku tɔ̈u rëër piɛth ë piny nɔm, ku miɛtëpiɔ̈u ë kɔc yiic!”

Luk 2:38

Na wën, ke ɣet ëtɛ̈ɛ̈n ë thaar manë guöp, ke jɔ Nhialic leec, ku jiɛɛm ke kɔc kedhie kɔc ŋäth wëër bï Jeruthalem wɛ̈ɛ̈r bei, jiɛɛm në këde meth.

Jɔn 1:16

Ku në kuɛth cï en kuɛth yen acï wok käŋ yök wodhie, ayï dhuëëŋdepiɔ̈u dhuëëŋ cï rɔt ŋuak.

Jɔn 3:16

Nhialic ë piny nɔm nhiaar aläl, arëk abï miɔɔc ë Wëndɛn cï dhiëëth etök, ke raan gam en cïï bï määr, raan ëbɛ̈n, ku bï dɛ pïïr athɛɛr.

Romai 5:15

Ku miɔc youyou acïï cït wäc cï raan wööc. Ku na cï kɔc juëc thou në wäc cïï raan tök wööc, ke dhuëëŋ de Nhialic ku miɔ̈c bɔ̈ në dhuëëŋ, dhuëëŋ bïïyë raan tök, Yecu Kërtho, ka cïk röt ŋuak arëët tëde kɔc juëc.

Romai 6:23

Ariöp de kërac yen aye thuɔɔu, ku miɔ̈c de Nhialic yen aye pïïr athɛɛr në Bɛ̈nydan Yecu Kërtho.

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

1 Kor 15:57

Ku ënɔɔnë, Thieithieei në Nhialic, Raan ë wo tɔ tiam käŋ në Bɛ̈nydït Yecu Kërtho!

2 Kor 2:14

Ku thieithieei Nhialic, Raan ë cool ë tɔ wo tiam käŋ ë Kërtho yic, ago atuömde tɔ tiëc në wook ë baai nɔm ëbɛ̈n, atuöm de ŋïny bï kɔc e ŋic.

2 Kor 9:11

ke we bï tɔ kueth ë këriëëc abäk piɔ̈ɔ̈th adhuɛ̈ŋ aläl, en aye Nhialic tɔ yök lɛc në wook.

2 Kor 9:14

Ku kegup ayadäŋ, të ye kek lɔ̈ŋ ë biäkdun, ke ke ye week tak aläl, në biäk de dhuëëŋ dïït ë Nhialic nu ë wepiɔ̈ɔ̈th dhuëëŋ dït aläl.

Epethiei 5:20

Yak cool ë luɛɛl wek en an, thieithieei Nhialic Wääda, në baŋ de këriëëc ëbɛ̈n, në rin ke Bɛ̈nydan Yecu Kërtho.

Jakop 1:17

Miɔ̈c piɛth ëbɛ̈n, ku miɔ̈c cï dikëdik ëbɛ̈n, abɔ̈ tënhial tëde Nhialic, ke lööny piny tëde Aciëŋ de ɣɛɛrëpiny, Raan cïï yepiɔ̈u ee pɔ̈ɔ̈k, ku cïn atïptïïp de yäl de rɔt.

Nyuuth 4:9

Ku të ye läike Bɛ̈nydït leec ku riëëukï ku luelkï, an, Thieithieei Bɛ̈ny rɛ̈ɛ̈r ë thöönydït nɔm Bɛ̈ny pïïr aɣet athɛɛr,