2 Kor 8:9 - JAM DE NHIALIC 2011

⁹ Wek ŋic dhuëëŋ de Bɛ̈nydan Yecu Kërtho piɔ̈u, acakaa yen ë juëc ë kake, ke ye rɔt tɔ ye raan kuany nyin në biäkdun, luɔi bä wek aa kɔc juëc ë kakun në kuany kuɛɛny en nyin.

2 Kor 8:9 ပူးပေါင်းရင်းမြစ်များ

Yith 53:2

Aa ye kë de piɔ̈n de Bɛ̈nydït luɔi bï awunde cil cït tim abïï dɛk mei në tiɔɔm ril yic. Acïn guöp dhuëëŋ ayï dik bïï Yen wook tɔ de kë yök ŋic në biäkde. Acïn kë ye kɔc diir në yeguöp, ku cïn kë bï wo wɛ̈l piɔ̈ɔ̈th En.

Yith 62:1

Yɛn bï jam ke ya dut Jeruthalem piɔ̈u, yɛn cïï bï mim agut të bän yen tïŋ ke cï kony, ku bï tiëmde riau cït many de kuthyui wakɔ̈u.

Yith 65:8

Aye Bɛ̈nydït lueel an, “Acïn raan ee enap piɛth riɔ̈ɔ̈k, ee mɔ̈u yen ye looi në keek. Ku yɛn aya yɛn cïï kɔckï bï riɔ̈ɔ̈k kedhie, yɛn bï kɔc ee ya luööi kony.

Math 17:27

Ku ënɔɔnë, ke ke cuku bï tɔ diu piɔ̈ɔ̈th, lɔ wïïr, dɛɛnyë alabithɔ, ku nöm rɛ̈c cï kɔn dɔm, ku të cï yïn e liep thok, ke yïn bï rialdït yök. Nöm, ku gämë keek, abï aa këdï yɛn ku këdu yïn aya.”

Math 20:28

cït man ë Wën ë Raan, aa cïï bɔ̈ luɔi bï yen aa luöi käŋ, ee luɔi bï en ka ke kɔc aa looi, yen aa bï yen, ku luɔi bï en wëike gam ë wëër bï en kɔc juëc wɛ̈ɛ̈r bei.”

Math 8:20

Go Yecu yɔ̈ɔ̈k an, “Awɛn adekï ɣöötkɛn cï wec piny, ku diɛt nhial adekï ɣööt, ku Wën ë Raan acïn të kɛn en enɔm.”

Mak 6:3

Kënë cie atën ë tiim, wën ë Meri, ku ye mänhë Jakop, ku Jothe, ku Judath, ku Thimon, ku nyïïrëkɔcken cïkï tɔ̈u në wook eetënë?” Gokï piɔ̈ɔ̈th diu në yen.

Luk 16:11

Ku na kɛ̈nkï wëu ke piny nɔm ŋiëc aa döt kek wëu rac, ke eeŋa bï we kuɛ̈i wëu yith?

Luk 2:7

Go kaai ë wëndɛn tueŋ, ku jɔ duut ë lupɔ, ku tɛ̈ɛ̈c ë kën ee mul rem thïn, acïn të bï kek rëër ɣön ë kamaan.

Luk 8:3

ku Jowana tiiŋ de Cudha raan ë ka ke dhiën ë Ɣerod döt, ku Thuthana, ku diëër juëc kɔ̈k, diëër wën ë ye kony në wëuken.

Luk 9:58

Go Yecu lueel an, “Awɛn adekï ɣöötkɛn cïk wec piny, ku diɛt nhial adekï ɣööt, ku Wën ë Raan acïn të kɛn en enɔm.”

Jɔn 1:10

Aa nu ë piny nɔm, ku yen aa cak piny, ku aa kuc piny.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Jɔn 12:30

Go Yecu bɛ̈ɛ̈r, luel, an, “Rölë aa cïï bɔ̈ ë biäkdï, ee biäkdun week, en ë bï yen.

Jɔn 16:15

Ka nu ë Wäär cin ayek kakï kedhie: yen aa luɛɛl ɛn en an, abï këdï nööm, ku jɔ nyuöth week.

Jɔn 17:19

Ku në biäkden yen a ta yɛn a piɔ̈u ɣer, ke ke bï tɔ ɣerpiɔ̈ɔ̈th aya në yic.

Romai 11:12

Ku ënɔɔnë, kɔ̈th kɔ̈th kek, të cï en aa kuɛth cï piny tɔ kueth nɔm, ku kuur koor kek, të cï en aa kuɛth cï Juöör tɔ kueth, na piathden, bï kënë wöör ë wär ŋö?

Romai 15:3

Acakaa Kërtho guöp, aacïï këde yenpiɔ̈u ee looi, ku, acït man cï e gɔ̈ɔ̈r an, “Lɛ̈ɛ̈t lɛ̈ɛ̈të kɔc yïn acï lööny ë yayeth.”

Romai 5:8

Ku Nhialic ë nhiëërde nyuɔɔth, nhiëër nhiɛɛr en wook, në thon cï Yecu Kërtho thou në biäkda, ku ŋootku ë wo ye kɔc ë kërac looi.

Romai 8:32

Yen Nhialic, Raan wään kën Wënde pëën, Wënde guöp, ku acï e yiɛ̈n Raan thuɔɔu ë biäkda wook wodhie, ee kaŋö cïï en wo bï miɔɔc ë käŋ kedhie aya në yen ëtök ë dhuëëŋ?

1 Kor 1:4

Yɛn ee cool ë lec Nhialicdï në baŋdun, në këde dhuëëŋ de Nhialic piɔ̈u dhuëëŋ cï gäm week ë Kërtho Yecu yic,

1 Kor 15:47

Raan tueŋ aa bɔ̈ piny, ee këde piny: raan lɔ ë yecök, ee Bɛ̈nydït bɔ̈ paannhial.

2 Kor 13:14

Dhuëëŋ de Bɛ̈nydan Yecu Kërtho piɔ̈u, ku nhiëër ë Nhialic, ku määth de Wëidït ɣer, ë ye tɔ̈u kekë week wedhie. Amiin.

2 Kor 6:10

acït kɔc ë dhiau, ku wo ye piɔ̈ɔ̈th miɛt ananda, acït kɔc kuanynyïïn, ku wo ye kɔc juëc tɔ kueth, acït kɔc cïn nïïm kaken, ku wo de nïïm käŋ kedhie.

Epethiei 2:7

luɔi bï en dït ë dhuëëŋ de yenpiɔ̈u nyuɔɔth wadäŋ thɛɛr në piny bï bɛ̈n, dhuëëŋ dïït wär këriëëc, në miɛt mit en piɔ̈u ke wook ë Kërtho Yecu yic.

Epethiei 3:19

Aguɔkï nhiëërde ŋic, nhiëër wär ŋïnydekäŋ, ke we bï kuɛth në kuɛth ë Nhialic ëbɛ̈n.

Epethiei 3:8

Yɛn guöp, acakaa yɛn ë koor ë kɔc ɣerpiɔ̈ɔ̈th kedhie, yɛn ë miɔɔc në dhuëëŋë, luɔi bän Juöör guiëër ka ke Kërtho, kek aye wëu cïï duëërë gïth nïïm,

Kolothai 1:24

Ku yɛn mit piɔ̈u ënɔɔnë në ka guööm në biäkdun, ku ka cï nïïm dak në katuc cï Kërtho guum, aya ke thiɔ̈ɔ̈ŋ nïïm ë guöpdï yic, në biäk de guöpde, yen aye ɣön ë Nhialic.

1 Tim 6:18

Ku yɔ̈ɔ̈k ë keek, bïk këpiɛth aa looi, ku bïk aa kɔc juëc ë luɔidɛn piɛth, ku yek adhuɛ̈ŋ ee kɔc dap miɔɔc, ku yek kaken dap tɛ̈k kɔc.

Ɣeberuu 1:2

Ku ee nɔn ciëënë, Nhialic acï jam ke wook në Wëndɛn cï lɔc bï käŋ lɔ̈ɔ̈k lak kedhie. Ku ee Yen ë ciɛk ë Nhialic piny.

Jakop 2:5

Piɛŋkï wek mïthëkɔckuɔn nhiaar! Kën Nhialic kɔc kuanynyïïn lɔc, kɔc kuanynyïïn në kakë piny nɔm, bïk aa kɔc dïït ë gäm, ku yek kɔc bï ciɛɛŋ lɔ̈ɔ̈k lak, ciɛɛŋ cïï Nhialic kɔn lueel an, bï gäm kɔc nhiaar en?

Nyuuth 2:9

Yɛn ŋic luɔidu, ku ŋiɛc katuc ee yïn dhal, ayï kuany cï yïn nyin kuany (ku yïn cï bäny), ku ŋiɛc lɛ̈ɛ̈t rɛɛc de kɔc ee ye lueel, an, yek Judai, ku cïkï ye Judai, ku yek luaŋ de Catan.

Nyuuth 21:7

Raan ë tiam abï käŋ lɔ̈ɔ̈k lak kedhie, ku yɛn bï aa Nhialicde, ku abï aa wëndï.

Nyuuth 3:18

Yen alɛ̈k ɛn e yïn, ɣɔc adhäm cï mac tɔ lɔ wai tëde yɛn, ke yï bï bäny, ku ɣɔc lupɔɔ ɣer, ke yï bï kɔ̈u dɛ lupɔ, go ayäär ë ciën cïn yïn kɔ̈u lupɔ cuö tiëc: ku jɔ yïnyin tɔc ë wɛ̈ɛ̈l ë nyin, ke yï bï daai.