2 Kor 8:8 - JAM DE NHIALIC 2011

⁸ Acie luɔi dhiɛl wek e loi en luɛɛl, ee biäk de lɛ̈th ë kɔc kɔ̈k yiic en a luɛɛl ɛn en, ku ee thëm thɛn ɛn nhiëërdun ayadäŋ nɔn ee yen yic.

2 Kor 8:8 ပူးပေါင်းရင်းမြစ်များ

Edhekiɛl 33:31

Ka kɔckï ayek kenïïm kut ke ke kɔɔr bïk kë bä lueel piŋ, ku acïkï kë cï lɛ̈k keek bïk looi ee looi. Wël ke nhiëër në kethook, ku ayek ŋoot ke ke cath në kuɛɛrkɛn ke dït de piɔ̈u yiic.

Romai 12:9

Takkï nhiëër nu, nhiëër cïnic ruëëny. Yak kërac maan ëtaiwei, ku yak këpiɛth dɔm ë döm ril.

1 Kor 7:12

Ku kɔc kɔ̈k kek a yɔ̈ɔ̈k, acie Bɛ̈nydït, ee yɛn ë yöök keek an: Na de mɛnhkënëda, raan de nɔm tiiŋ kën gam, ku tik agam rëër kekë yen, ke du tɔ cieec.

1 Kor 7:25

Ku na këde dhueec, acïn liem cïï Bɛ̈nydït yiɛ̈n ɛn: ku löŋdï yen a luɛɛl tei, ke ya ye raan cï kokëpiɔ̈u yök tëde Bɛ̈nydït, bän aa raan adöt.

1 Kor 7:6

Ku kënë a luɛɛl në päl ë pɛ̈lë yɛn luɛɛl, acïn liem cï yiɛ̈n ɛn. Ë yapiɔ̈u tei adï tɔ̈u kɔc kedhie cït man ë yɛn.

2 Kor 6:6

Në ɣɛɛrëpiɔ̈u, në ŋïnydekäŋ, në guömdekäŋ, në piathëpiɔ̈u, në Wëidït ɣer, në nhiëër cïnic ruëëny,

2 Kor 8:10

Ku yɛn ë löŋdï tääu në këde jamë: kënë aduëër piath tëde week, wek kɔc cï käŋ kɔn gɔl run wään, acie në luɔi tei, ee gäm cä wek piɔ̈ɔ̈th dɛ gäm ayadäŋ.

2 Kor 8:24

Yen nyuöth wek keek yic ee nhiëërdun yic ë ɣööt ke Nhialic nïïm, ayï yic ee lɛcda yic, lɛc ee wo röt leec ë këdun.

2 Kor 9:2

Yɛn ŋic thök cä wek thök ë guiɛɛk, en a lɛɛc ɛn rɔt në këdun ë kɔc ke Makedonia nïïm an, “Cï Akaya guɔ thök ë guiɛɛk run wään,” ku lɛ̈th ë weyiic acï kɔc juëc aläl tɔ lëth yiic ayadäŋ.

2 Kor 9:7

Raan ëbɛ̈n ë ye miööc ë miɔ̈cdɛn cï kiëët ë yepiɔ̈u, ke cïï gɛm në dhiën dhiɛɛu en, ku cie ciɛɛŋ cïï ye cieŋ: raan ee miööc në piɔ̈n mit en anhiɛɛr Nhialic.

Epethiei 4:15

Wok bï yic dhil aa muk në nhiëër, ku yok dït ë këriëëcic ëbɛ̈n të nu yen, yen aye naamde, yen Kërtho guöp.

Epethiei 6:24

Ë dhuëëŋdepiɔ̈u tɔ̈u ke kɔc kedhie kɔc nhiaar Bɛ̈nydan Yecu Kërtho në piɔ̈n agɔk. Amiin.

Ɣeberuu 10:24

Thɛmkï ŋɛk ëye ŋɛk riit piɔ̈u, yak rɔm ëtök yok nhiëërda nyuɔɔth ku luɔi piɛth.

Jocua 24:14

Na wën, ke lëk ë Jocua keek an, “Ka week, jakï Bɛ̈nydït riëëu guöp arëët, ku yak luööi aläl në wepiɔ̈ɔ̈th ëbɛ̈n. Cuatkï yiëth wei kedhie, yiëth ɣɔn ye kuarkun lam lɔŋ de wɛ̈ɛ̈r ë Yuparat, ayï Rip. Ku Bɛ̈nydït yetök yen luööikï.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic: