2 Kor 8:5 - JAM DE NHIALIC 2011

⁵ Ku acïï cït kë ë ŋäthku tei, acïk röt kɔn gäm Bɛ̈nydït, ku gɛmkï röt wook në këde piɔ̈n ë Nhialic.

2 Kor 8:5 ပူးပေါင်းရင်းမြစ်များ

1 Lëk 12:18

Go Wëidït ke Nhialic bɛ̈n në raan töŋden guöp, go Amathai ɣɔn cï bɛ̈n aa bɛ̈ny de thiërdiäk lueel an, “Debid wën de Jethe, wok ee kɔcku! Yïn bï tiam wekë kɔc kony yïn! Nhialic atɔ̈u ë biäkdu.” Go Debid ke cɔɔl, ku tɔ keek ee bäny ke remdɛn de tɔŋ.

2 Lëk 30:12

Ku Nhialic aa tɔ̈u ayadäŋ kekë Juda, go keek gäm piɔ̈n tök, bïk këde piɔ̈nde looi, gokï jam de melik kekë bänyke riëëu.

2 Lëk 30:8

Duökï we nïïm tɔ ril cï keek, yak Bɛ̈nydït riëëu. Bäkkï Jeruthalem të tɔ̈u ë tëɣeric, të wään cïï Bɛ̈nydït Nhialicdun tɔ piɛth aɣet athɛɛr, ku bäk lam ago cïï be gɔ̈th ke week.

Jeremia 31:33

Ku Löŋ cï piac mac bä looi wo baai de Yithriɛl yekï: Yɛn bï löŋdï tääu ë keyiic ku gäär ë kepiɔ̈ɔ̈th. Yɛn bï aa Nhialicden, ku abïk aa kɔckï.

Dhek 13:9

Ku biäk thiin cï döŋë abä dhiim apiɛth, cït man ye ateek dhiim në mac, dhiɛɛm keek në dhiëm adhääp. Ku ëtɛ̈ɛ̈n, abïk ɛn jɔ aa lɔ̈ŋ, ku abä keek aa piŋ thook. Abä nyuöth keek nɔn ye kek kɔckï, ku abïk jɔ gam nɔn yan Nhialicden.

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Romai 6:13

Ayï ka ke wegup duökï ke gëm kërac, abïk aa ka ke racdepiɔ̈u bï kërac aa looi, yak röt gäm Nhialic cït man ë kɔc cï bɛ pïïr ë kɔc cï thou yiic, ku yak Nhialic gäm ka ke wegup abïk aa ka ke piathëpiɔ̈u.

1 Kor 1:1

Yɛn Paulo, raan cï cɔɔl bï aa tuny ë Yecu Kërtho në këde piɔ̈n ë Nhialic, wokë Thothene mɛnhkënëda,

2 Kor 4:5

Ku wo cie guïïr ë këda, ee këde Kërtho Yecu Bɛ̈nydït en ë yok guiir, ku wook, wok ee lïïmkun në biäk de Yecu.

2 Kor 8:1

Ku däŋ kï, wek tɔku ŋic dhuëëŋ de Nhialic piɔ̈u, wek mïthëkɔckuɔ, dhuëëŋ cï yiɛ̈n ɣööt ke Nhialic ke Makedonia.

1 Tham 1:28

Ka ënɔɔnë meth akaar bä gäm Bɛ̈nydït. Ku abï jɔ aa këde Bɛ̈nydït në pïïrde yic ëbɛ̈n.” Agokï Bɛ̈nydït jɔ lam ëtɛ̈ɛ̈n.