2 Kor 8:4 - JAM DE NHIALIC 2011

⁴ agokï wo lɔ̈ŋ ë läŋ dït an, buk kë cïk gam ëdhuëëŋ nööm, ku jɔku mat ë luɔi yic në keek ëtök, luɔi de kuny de kɔc ɣerpiɔ̈ɔ̈th.

2 Kor 8:4 ပူးပေါင်းရင်းမြစ်များ

Math 10:42

Ku raan bï mɛnh tök ë mïththiikë yiic miɔɔc ë bïny deyic pïïu lir tei dek ke, në luɔi ee yen raanpiööcë, wek yɔ̈ɔ̈k, ëyic an, Ariöpde acïï dak anande.”

Math 12:50

Raan ëbɛ̈n raan bï këde Wäär piɔ̈u aa looi, Wäär nu paannhial, yen aye mɛnhkäi, ku ye nyankäi, ku ye maar.”

Math 25:40

Ku abï melik puk nɔm, yöök keek an, ‘Wek yɔ̈ɔ̈k ëyic an, Nɔn cä wek e luöi raan töŋ de mïthëkɔckuɔnkë, acakaa raan koor ë keek kedhie, ka cäk luöi yɛn!’

Mak 14:7

We de kɔc kuanynyïïn ë weyiic ëcaŋɣɔn, ku të de yen köölduön yak tak, ka duɛ̈ɛ̈rkï keek aa luöi këpiɛth: ku yɛn cie raan bï tɔ̈u wo week ëcaŋɣɔn.

Luɔi 11:29

Go kɔcpiööcë gokï löŋ lueel ë kepiɔ̈ɔ̈th an, bïk käŋ tɔ yïnë mïthëkɔckɛn rɛ̈ɛ̈r ë Juda, lek keek kony, raan ëbɛ̈n abï miööc në këdɛn cï yök.

Luɔi 16:15

Na wën, aacï baptith, kekë dhiënde ëbɛ̈n, ke läŋ wook an, “Të cä wek a tɔ ye raan ë ka ke Bɛ̈nydït döt, bäkï ɣöndï, bäk bɛ̈n rëër thïn.”

Luɔi 24:17

“Ku ënɔɔnë, të cän run juëc lɛɛr, ke ya jɔ bɛ̈n bä ka cï gam në dhuëëŋ bɛ̈n yiɛ̈n jurda, ayï ka cï yiɛ̈n Nhialic.

Romai 15:31

ke ya bï luök ë kɔc reec gäm cin, kɔc nu Judaya, ku läŋkï aya, në këde luɔi bä looi ë Jeruthalem, nɔn bï en miɛt tëde kɔc ɣerpiɔ̈ɔ̈th.

1 Kor 16:1

Ku në këde juɛ̈ɛ̈r aa wek kɔc ɣerpiɔ̈ɔ̈th juɛ̈ɛ̈r käŋ, yak looi cït man cän e lɛ̈k ɣööt ke Nhialic ke Galatia.

1 Kor 16:15

Wek läŋ, wek mïthëkɔckuɔ (wek ŋic dhiën ë Thepana, nɔn ee kek kɔc cï kɔn gam ë Akaya, ku acïk röt gäm luɔi de kuny de kɔc ɣerpiɔ̈ɔ̈th),

2 Kor 9:1

Ku në këde kuny de kɔc ɣerpiɔ̈ɔ̈th, acïn kë duɛ̈ɛ̈r ɛn ë dhil gäär week.

Galatai 2:10

Ee cöökë etök tei an, täŋ bï wok kɔc kuanynyïïn aa tak, ku yen ee cöök manë guöp aa ya yɛn cool ë lëthic ë ye.

Galatai 6:10

Yen ee wo kɔc jɔ luööi apiɛth kedhie, ë akööl bï rɔt yök, ku kɔckuɔn cï wok gam ëtök kek abuk ke ya luööi apiɛth arëëtdïïtë.

1 Tim 5:10

Abï dhil aa tiiŋ cï leec në biäk de luɔidɛn piɛth, tiiŋ cï mïthke ŋiëc muk apiɛth, ku ye kamaan ŋiëc luööi ɣɔn, ku ye kɔc ɣerpiɔ̈ɔ̈th waak cök, ku ye kɔc cïï këtuc dhal kony, ku ye cök ë kuɛny en luɔi piɛthic ëbɛ̈n.

Ɣeberuu 6:10

Nhialic ee käŋ ŋiëc tiiŋiic ku cïï nɔm ee määr ë luɔiduön cäk looi, ku nhiëër cäk nyuöth En ɣɔn cä wek kakë kɔc ɣerpiɔ̈ɔ̈th looi, ku ŋuɔɔtkï ke ke luɔikï keek aɣet cï ënɔɔnë.