2 Kor 8:23 - JAM DE NHIALIC 2011

²³ Ku na de raan lop ë këde Tito, ee raan rom wok ëtök ku luiku ëtök në këdun, ku na lop raan ë këde mïthëkɔckuɔ, ayek tuuc ke ɣööt ke Nhialic, ku yek dhuëëŋ de Kërtho.

2 Kor 8:23 ပူးပေါင်းရင်းမြစ်များ

Luk 5:10

Ayï Jakop ku Jɔn, wɛ̈ɛ̈t ke Dhebedayo, kɔc rööm käŋ në Thimon, acïk piɔ̈ɔ̈th päu aya. Go Yecu Thimon yɔ̈ɔ̈k an, “Du riɔ̈c, yïn bï kɔc aa dɔm, gɔl ëköölë aɣët rial.”

Luk 5:7

Gokï kɔc nu ë abël däŋic nieu, kɔc ee käŋ rɔ̈ɔ̈m në keek an, bïk bɛ̈n, bïk ke bɛ̈n kony. Gokï bɛ̈n, ku jɔkï abëël thiɔ̈ɔ̈ŋ kaarou, arëk abïk duɛ̈ɛ̈r dïïr.

Jɔn 13:16

Wek yɔ̈ɔ̈k ë yic an, lïm acïï bɛ̈nyde ee wöör ë dït, ayï raan cï tooc, acïï raan ë toc en wär.

1 Kor 11:7

Acïï piɛth ëyic tëde moc të kum en enɔm, luɔi cït en Nhialic në täude ku ye dhuëëŋde: ku tik yen aye dhuëëŋ de moc.

2 Kor 12:18

Yɛn ë Tito lɔ̈ŋ an, bï lɔ tëde week, ku ja mɛnhkënëdan däŋ tooc kekë yen ëtök. De kë cï Tito we cam? Ë wo cïï cath ë piɔ̈n töŋë? Ë wo cïï cath ë kueer töŋë?

2 Kor 7:6

Acakaa kakë kek ë nu, Nhialic, Raan ë kɔc riit piɔ̈ɔ̈th kɔc ë piɔ̈ɔ̈th dhiau, acï wo riit piɔ̈ɔ̈th në bɛ̈n de Tito.

2 Kor 8:16

Ku thieithieei Nhialic Raan ë tɛ̈ɛ̈u lɛ̈thë yic manë guöp ë Tito piɔ̈u në biäkdun.

2 Kor 8:18

Agoku mɛnhkënëda tooc kekë yen ëtök, raan cï leec ë ɣööt ke Nhialic yiic kedhie në baŋ de wëlpiɛth.

2 Kor 8:19

Ku acie kënë etök, ee raan cïï ɣööt ke Nhialic lɔc an, buk cath ëtök ë yen, lok kë cï gam ëdhuëëŋë looi, ke Bɛ̈nydït bï dhuëëŋ yök, ku luɔi kɔɔr wok nɔn bï wo kɔc kony.

2 Kor 8:22

Ku wo cï mɛnhkënëdan däŋ tooc kekë keek ëtök, raan cuk kɔn them ëcaŋɣɔn ku cuk yök alëthic në kajuëc, ku ënɔɔnë alëthic awär man wään në biäk de aŋäth ŋɛ̈ɛ̈th en week arëët.

2 Kor 8:6

Agoku Tito yɔ̈ɔ̈k an, cït man cï en ë kɔn gɔl, ka bï dhuëëŋë thöl ë weyiic aya.

Pilipoi 2:25

Acä lueel tei an, bä Epaprodito dhil tuöc week, ee mɛnhkäi, raan luui wok ëtök, ku yok biök ëtök, ku ye tunydun, raan cï a kony në ka cï a dak.

Pilipoi 4:3

Ku yïn, yïn raan luui wok ëtök, raan yic, yïn läŋ aya an, bäk diëërke kony, aake ye luui në yɛn ëtök në wëlpiɛth yiic, kekë Keleme aya, ku kɔc kɔ̈k ë ye wok ke luui ëtök, kɔc cïï rinken gɔ̈ɔ̈r ë awerek de pïïric.

Kolothai 1:7

Acït man cä wek e piŋ tëde Epapara raan ë wok luui ëtök raan nhiaar. Ee raan adöt raan ë ka ke Kërtho looi ë biäkdun,

1 Theth 2:2

Ku acakaa wok ë cï kërac kɔn guum, ku wo ye luöi kërac aläl ë Pilipoi, acït man ŋiɛc wek en, ke wo ŋoot ke wo ye week guiëër wëlpiɛth ke Nhialic në ater dït, ke wo ril piɔ̈ɔ̈th ë riɛl ë Nhialicda.

2Tim 4:10

Demath acï a päl wei, në nhiëër cï en pinyë ënɔɔnë nhiaar, ago jäl le Thethalonika, ku lɔ Kerethke Galatia, ku lɔ Tito Dalmatia.

Tito 1:4

Awerek en gäär Tito, mɛnhdiën yic në këde gämdan cuk rɔm ëtök. Ë dhuëëŋdepiɔ̈u ku mät ë ke ye tɔ̈u në yïn, në ke bɔ̈ tëde Nhialic Wääda kekë Bɛ̈nydït Yecu Kërtho Konyda.

Pile 1:17

Të cï yïn a tɔ ye raan ram wek käŋ ëtök, ke jɔ dɔm cït man duëër yïn a dɔm.

Pile 1:24

ku Mak aya, ku Aritharko, ku Demath, ku Luk, kɔc ë luui wok ëtök.

3 Jɔn 1:8

Yen a duëër wok kɔc cït keek dhil aa tɔ ye kamaan, ke wo bï aa kɔc ee luui në keek ëtök në baŋ de yic.