2 Kor 7:8 - JAM DE NHIALIC 2011

⁸ Ku acakaa yɛn ë cï week tɔ dhiau piɔ̈ɔ̈th në këcïgɔ̈ɔ̈r, ke yɛn cïï rɔt gäk ënɔɔnë, acakaa yɛn ë cï rɔt kɔn gɔ̈k wään, acä tïŋ nɔn cï këcïgɔ̈ɔ̈rë we tɔ dhiau piɔ̈ɔ̈th, ku we cï piɔ̈ɔ̈th guɔ lɔ yäŋ.

2 Kor 7:8 ပူးပေါင်းရင်းမြစ်များ

Dhiëëu 3:32

Aduëër wook tɔ jeth piɔ̈ɔ̈th, ku abï piɔ̈u kok, në biäk de nhiëërdɛn agɔk nhiɛɛr En wook.

Jɔn 16:6

Ku nɔn cän ee kakë lɛ̈k wek, ke we ye piɔ̈ɔ̈th guɔ dhiau aläl.

Jɔn 21:17

Go bɛ thiëëc raandiäk an, “Thimon, wën ë Jona, nhiaar ɛn?” Petero piɔ̈u diu luɔi cï en e thiëëc raandiäk an, “Nhiaar ɛn?” Go lueel an, “Bɛ̈nydït, yïn ŋic këriëëc ëbɛ̈n, aŋic nɔn nhiaar ɛn yïn.” Go Yecu yɔ̈ɔ̈k an, “Nyuääthë amɛ̈lkï.”

2 Kor 7:11

Thɔ̈ɔ̈ŋkï këmanë guöp, dhiën cï we tɔ dhiau piɔ̈ɔ̈th në këde Nhialic, thɔ̈ɔ̈ŋkï lɛ̈th cï we tɔ lëth yiic dït dïït en, yeka, ku dït ë luɛl cä wek këdun lueel, yeka, ku diu cä wek piɔ̈ɔ̈th diu, yeka, ayï täŋ cä wek käŋ tak arëët, yeka, ayï tuöc cä wek piɔ̈ɔ̈th tuöc, yeka, ayï guur cä wek käŋ guöör! Në këriëëc ëbɛ̈n we cï röt nyuɔɔth nɔn cä wek gup a gɔk ë liu liɛɛu wek ë jamë yic.

2 Kor 7:12

Yen na cä we cak gäär wään, acie biäk de raan cï këdäŋ wööc, en ë gäär ɛn en, ku cie biäk de raan cï wäc këdäŋ aya, ee luɔi bï diɛɛrduön dït tɔ tiëc tëde week ë Nhialic nɔm, diɛɛr aa wek diɛɛr ë wook.

2 Kor 7:6

Acakaa kakë kek ë nu, Nhialic, Raan ë kɔc riit piɔ̈ɔ̈th kɔc ë piɔ̈ɔ̈th dhiau, acï wo riit piɔ̈ɔ̈th në bɛ̈n de Tito.

2 Kor 7:7

Ku acie në bɛ̈nde etök, ku në riët cï e riit piɔ̈u yenguöp në këdun ayadäŋ, wään lëk en wook täŋ aa wek ɛn tak aläl, ayï dhiën aa wek dhiau, ayï lɛ̈thduön aa wek yiic lɛ̈th në biäkdï, aguɔ piɔ̈u jɔ miɛt arëët awär miɛtëpiɔ̈u awään.

2 Kor 7:9

Ku ënɔɔnë, acie luɔi cï we tɔ dhiau piɔ̈ɔ̈th, en ë miɛt ɛn piɔ̈u, ë luɔi cä wek piɔ̈ɔ̈th dhiau aɣet puŋ bä wek wepiɔ̈ɔ̈th puk: ee këde Nhialic en acï we tɔ dhiau piɔ̈ɔ̈th, ke cïn kërɛɛc bäk yök ë këda yic.

Nyuuth 3:19

Kɔc nhiaar ëbɛ̈n, kek aya nen ku ya ke wɛ̈ɛ̈t cït mïth: yen lëth yïn yic, ku puk yïpiɔ̈u.