2 Kor 7:6 - JAM DE NHIALIC 2011

⁶ Acakaa kakë kek ë nu, Nhialic, Raan ë kɔc riit piɔ̈ɔ̈th kɔc ë piɔ̈ɔ̈th dhiau, acï wo riit piɔ̈ɔ̈th në bɛ̈n de Tito.

2 Kor 7:6 ပူးပေါင်းရင်းမြစ်များ

Yith 12:1

Ade kööl bɔ̈, kööl bïï ë kɔc ket an, “Yïn cä leec, Bɛ̈nydït! Yïn aa göth we yɛn, ku ënɔɔnë Yïn ë ya duut piɔ̈u ku cïï be gɔ̈th.

Yith 51:12

Aye Bɛ̈nydït lueel an, “Yɛn ee raan ë tɔ we ril. Eeŋö ya wek riɔ̈ɔ̈c në mɛnh ë raan, kɔc cie ceŋ cï wäl?

Yith 57:15

“Yɛn adït ku Ya Nhialic ɣeric, raan tɔ̈u aɣet athɛɛr. Yɛn rɛ̈ɛ̈r të thöny ku tëɣeric, ku Yɛn ee rɛ̈ɛ̈r aya wo kɔc cï röt kuɔɔr piny ku cïk kepiɔ̈ɔ̈th puk, aguɔ keek gäm aŋäthdï, ku riëtëpiɔ̈u.

Yith 57:18

“Acä tïŋ yen të ye kek kaken luɔi thïn, ku abä ke tɔ waar. Abä ke wat ku kuɔny ke, ku yɛn bï kɔc dhiau duut piɔ̈ɔ̈th.

Jeremia 31:13

Ka diäär kor abïk aa cöŋ ku mitkï piɔ̈ɔ̈th, ku röördït ku dhuök abïk dhuëëŋ looi. Abä keek luk piɔ̈ɔ̈th, ku pɔ̈k dhiënden ke ye miɛtëpiɔ̈u, ku pɔ̈k jiɛthëpiɔ̈nden ke ee piɔ̈n mit.

Math 5:4

Thieithieei ë kɔc ë dhiau, abï ke luk piɔ̈ɔ̈th.

Jɔn 14:16

Ku yɛn bï Wääda lip, ka bï we gäm Raan däŋ Raan ee kɔc riit piɔ̈ɔ̈th, bï aa rëër ke week athɛɛr,

Romai 15:5

Ku ënɔɔnë, Nhialic de guömdekäŋ kekë muŋdepiɔ̈u, ee week tɔ luel jam tök wapäc jam röŋ ke Kërtho,

2 Kor 7:13

Yen acï wo muk piɔ̈ɔ̈th. Ku ënɔn cï wo muk piɔ̈ɔ̈th, yen acï wo piɔ̈ɔ̈th miɛt aläl në miɛt ë Tito piɔ̈u, luɔi cï piɔ̈nde tɔ lɔ guïk piny ë week wedhie.

2 Kor 7:14

Ku na de kë cä lɛ̈k en ë lɛc lɛɛc ɛn rɔt ë week, ke yɛn kën yäär, ku acït man cï wo week lɛ̈k käŋ kedhie në yic, ayï lɛcdan ë wo röt lɛ̈c week ë Tito nɔm, acï aa yic aya.

2 Kor 7:7

Ku acie në bɛ̈nde etök, ku në riët cï e riit piɔ̈u yenguöp në këdun ayadäŋ, wään lëk en wook täŋ aa wek ɛn tak aläl, ayï dhiën aa wek dhiau, ayï lɛ̈thduön aa wek yiic lɛ̈th në biäkdï, aguɔ piɔ̈u jɔ miɛt arëët awär miɛtëpiɔ̈u awään.

Pilipoi 2:1

Ku na de muŋdepiɔ̈u nu ë Kërthoyic, ku na de luŋdepiɔ̈u nu, luŋ bɔ̈ ë nhiëëric, ku na de määth ë Wëidït nu, ku na de kokdepiɔ̈u nu.

1 Theth 3:2

agoku Timotheo tooc, mɛnhkënëda, ku ye raan ee ka ke Nhialic looi, raan ee wok luui ëtök në wëlpiɛth ke Kërtho, acuk tooc luɔi bï en week tɔ kääc apiɛth, ku riit wepiɔ̈ɔ̈th ë gämduön cä wek gam,