2 Kor 7:11 - JAM DE NHIALIC 2011

¹¹ Thɔ̈ɔ̈ŋkï këmanë guöp, dhiën cï we tɔ dhiau piɔ̈ɔ̈th në këde Nhialic, thɔ̈ɔ̈ŋkï lɛ̈th cï we tɔ lëth yiic dït dïït en, yeka, ku dït ë luɛl cä wek këdun lueel, yeka, ku diu cä wek piɔ̈ɔ̈th diu, yeka, ayï täŋ cä wek käŋ tak arëët, yeka, ayï tuöc cä wek piɔ̈ɔ̈th tuöc, yeka, ayï guur cä wek käŋ guöör! Në këriëëc ëbɛ̈n we cï röt nyuɔɔth nɔn cä wek gup a gɔk ë liu liɛɛu wek ë jamë yic.

2 Kor 7:11 ပူးပေါင်းရင်းမြစ်များ

Neɣe 13:25

Aguɔ ke bɛ̈n jɔ̈ɔ̈ny ku läm keek aciɛɛn, ku duöi kɔ̈k ku nyuän nhïm biic në kenïïm. Ku ta ke loi gutguut në rin ke Nhialic luɔi cïï kek e bï bɛ nyɔk, ku cïï ë mïthken bï bɛ nyɔk yen thiëŋ ë duet ke juöör kɔ̈k.

Jop 42:6

Ka ënɔɔnë yɛn cï guöp riɔ̈ɔ̈c në ka cä ke lueel kedhie, ka yɛn bï rɔt daal në abuui yic ku ŋeth yic nyooth puŋdepiɔ̈ndï.

Diɛt 119:139

Agönhdï adɛ̈p ë ya yäc cït mac, në biäk ye kɔc ke aterdï lööŋku dhɔɔt yiic.

Diɛt 130:6

Yɛn ee Bɛ̈nydït tiit, ë ŋuenŋuen awär luöi ye tïït run ë piny tiit.

Diɛt 145:19

Ee kɔc ee yen riëëu gäm ka kɔɔrkï, ee dhiënden piŋ ku kony keek.

Diɛt 2:11

Luööikï Bɛ̈nydït në riɔ̈ɔ̈c. Yak röt tɔ lɛthë

Diɛt 35:13

Ku wään cï jɔk ke dɔm, acä ke dhiëëu ku ciɛŋ lupɔɔ ka acuɔl në këden, ku rɛɛc cäm, ku läŋ ke ya gut a nɔm piny,

Diɛt 38:9

Yïn ŋic kë kaar Bɛ̈nydït, ku Yïn ee teerdï piŋ.

Diɛt 42:1

Cït man ye guil pïïu kɔɔr, yen aye täu kɔɔr ë piɔ̈ndï yïn Nhialic.

Diɛt 69:9

Ŋeenydï në biäk ë ɣöndu adɛ̈p ë ya yäc cït mac, lɛ̈ɛ̈t lɛ̈ɛ̈t ë kɔc Yïn ee lööny në yakɔ̈u.

Kɛ̈ŋ 14:16

Raan pelnɔm ee rɔt tiit ku mec rɔt wei në kërac, ku raan piɔl piɔ̈u acie diɛɛr ë riäŋ bï ye yök.

Kɛ̈ŋ 28:14

Thieithieei në raan ee diɛɛr anande në luɔi de kërac, ku riɛl ë nɔm aye riääk kɔc lɔ̈ny.

Diɛt ke 8:6

Thiök yïnɔm në duet ëbɛ̈n, ku nhiaar ɛn yatök, du raandäŋ ee dɔm ciin, dɔm yɛn yatök. Nhiëër aril ë tör cï thuɔɔu, ku täk aril nɔm cït thuɔɔu guöpde. Ee thiɛ̈i piny cï lɔ̈k de mac, ku döm cï many dɛ̈p.

Yith 26:8

Wok ee këde piɔ̈ndu kuany cök ku tɛ̈ɛ̈uku aŋäthda në yïguöp, ee Yïn yok kɔɔr në wopiɔ̈ɔ̈th ëbɛ̈n.

Yith 66:2

Yɛn në guöpdï Yɛn aa cak pinynɔm! Yɛn mit piɔ̈u wo kɔc ee röt kuɔɔr piny ku gɛmkï awɛ̈ɛ̈cken, kɔc ee riɔ̈ɔ̈c në Yɛn ku yek ya riëëu.

Danyel 6:14

Na wën piŋ melik ee jamë, go piɔ̈u diu, ago them aläl në luɔi bï yen Danyel luök. Go kuɛɛr them ëcaŋwën abï akɔ̈l thëi.

Mak 3:5

Na wën, aacï keek lieec ke cï ŋeeny, ë piɔ̈u diu në riɛl ril kek piɔ̈ɔ̈th, ke jɔ raan yɔ̈ɔ̈k an, “Riny yïciin.” Go riny: go ciin bɛ piath cït man ë ciin däŋ.

Jɔn 2:17

Ago kɔckɛn ë piööcë agokï kenïïm cät nɔn cï ë gɔ̈ɔ̈r an, “Dït aa yɛn piɔ̈u dït ë këde ɣöndu ë ya cuet piɔ̈u.”

Luɔi 17:16

Ku të wään tiitë Paulo keek ë Athenai, ke jɔ piɔ̈u diu nɔn cï en pänydït tïŋ acï rɔt gäm läm de yiëth ëliŋliŋ.

Romai 11:20

Ee yicdu, në baŋ de reec de gäm yen a dhuŋë ke bei, ku yïn, yïn kääc në gäm. Du yïnɔm muk nhial, ye riɔ̈ɔ̈c tei.

Romai 14:18

Ku raan ë Kërtho luööi apiɛth ë kake yiic, ka piɛth ë Nhialic piɔ̈u, ku aye kɔc tɔ ye raan piɛth ayadäŋ.

Romai 3:5

Ku na rac de wopiɔ̈ɔ̈th, të cï en piath ë Nhialic piɔ̈u nyuɔɔth, buk ŋö lueel? Rac Nhialic, të cï en kɔc luöi këtuc ë agɔ̈th? (Yɛn jam cït man ë raan tei.)

1 Kor 12:25

Ke ater cïï bï nu ë guöpic, ku bï ka nu ë guöpic röt tak akït kapäc.

1 Kor 5:13

Ku kɔc ë tɔ̈u biic löŋden abïï Nhialic guiir. Cït man cï këcïgɔ̈ɔ̈r ye lueel an, “Jakï raan rɛɛcë bɛ̈ɛ̈i bei ë weyiic.”

1 Kor 5:2

Ku we ë nïïm dham, ku kɛ̈nkï dhiau, ke raan cï ee kënë looi bï jɔt ë weyiic.

2 Kor 13:7

Ku ënɔɔnë yɛn läŋ Nhialic ë biäkdun, ke cïn kërɛɛc bäk aa looi, acie luɔi bï wo tɔ ye kɔc piɛth, ee luɔi bä wek këpiɛth aa looi, na cakaa wok ë ye tɔ cït kɔc cï rɛɛc.

2 Kor 2:6

Gäŋ cï raanë gɔ̈k ë loi ënɔɔnë, gäŋ cï kɔc juëc e gɔ̈k.

2 Kor 6:4

Wo ye röt tɔ ye kɔc piɛth në këriëëc ëbɛ̈n, acït man ë kɔc ë ka ke Nhialic looi, në liɛɛr dïït ë wopiɔ̈ɔ̈th, në katuc dhal wook, në ka dak wook, në ka giŋ wook.

2 Kor 7:1

Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

2 Kor 7:7

Ku acie në bɛ̈nde etök, ku në riët cï e riit piɔ̈u yenguöp në këdun ayadäŋ, wään lëk en wook täŋ aa wek ɛn tak aläl, ayï dhiën aa wek dhiau, ayï lɛ̈thduön aa wek yiic lɛ̈th në biäkdï, aguɔ piɔ̈u jɔ miɛt arëët awär miɛtëpiɔ̈u awään.

2 Kor 7:9

Ku ënɔɔnë, acie luɔi cï we tɔ dhiau piɔ̈ɔ̈th, en ë miɛt ɛn piɔ̈u, ë luɔi cä wek piɔ̈ɔ̈th dhiau aɣet puŋ bä wek wepiɔ̈ɔ̈th puk: ee këde Nhialic en acï we tɔ dhiau piɔ̈ɔ̈th, ke cïn kërɛɛc bäk yök ë këda yic.

2 Kor 9:2

Yɛn ŋic thök cä wek thök ë guiɛɛk, en a lɛɛc ɛn rɔt në këdun ë kɔc ke Makedonia nïïm an, “Cï Akaya guɔ thök ë guiɛɛk run wään,” ku lɛ̈th ë weyiic acï kɔc juëc aläl tɔ lëth yiic ayadäŋ.

Epethiei 4:26

Gɔ̈thkï, ku duökï kërac looi: duökï akɔ̈l tɔ lɔ piny ke we ŋoot ë wek göth:

Epethiei 5:11

Ku duökï röt ee mat në luɔi de cuɔlëpiny, luɔi cïnic kë ye yök thïn, aŋuɛ̈ɛ̈n ë luɔi bä wek kɔc loi en aa jɔ̈ɔ̈ny.

Pilipoi 2:12

Yen ka, wek kɔckiën nhiaar, acït man aa wek jam piŋ ë caŋɣɔn, ku acie të nuö yɛn etök, yak kunyduön ë wëi looi, kunydun guöp, luɔikï abäk thöl në riɔ̈ɔ̈c ku lɛ̈thëguöp, ku bäk cök ë luɔɔi wek en arëët ënɔɔnë të liɛɛu ɛn,

1 Theth 4:6

Ë cïn raan bï akeu waan, ciɛm mɛnhkënë ë këdäŋ: luɔi ee yen Bɛ̈nydït yen ee Raan bï ka cït ee kakë guöör kedhie, acït man cï wok e kɔn lɛ̈k week ayadäŋ, ku cuk röt tɔ ye cäätɔɔ.

1 Tim 5:20

Kɔc ee kërac looi, ye ke jɔ̈ɔ̈ny ë kɔc nïïm kedhie, ke kɔc kɔ̈k ë ke bï riɔ̈ɔ̈c aya.

2Tim 2:15

Cök ë them yïn rɔt ë gɛm bï yïn rɔt gäm Nhialic, ke yï bï tɔ ye raan piɛth, raan ee käŋ looi ke cïï yäär, raan ee jam de yic ŋiëc tek.

Tito 3:8

Ee jam yic ee kënë. Ku yɛn de piɔ̈u luɔi bï yïn kakë aa ŋak nïïm arëët, ke kɔc cï Nhialic gam ke ke bï röt tiit apiɛth, agokï aa cool ë loi luɔi piɛth. Kakë apiɛthkï ku adekï naamden tëde kɔc.

Ɣeberuu 4:1

Ye ka, cït man ŋoot ë Nhialic ke cöl wook lɔ̈ŋ aɣet cï ënɔɔnë, jɔku röt tiit ke bï ciën kɔc bï döŋ ke ke cïï lɔ në ee lɔ̈ŋë yic.

Jakop 3:17

Ku pɛlënɔm bɔ̈ nhial ee yic kɔn ɣɛɛr ëtop, ku ee mät kɔɔr ayadäŋ, ku ye jam ë määth, ku ye këde dap pɔ̈l, ee piɔ̈u dap kok, ku ye dap luɔk ë mïthkɛn piɛth, acïï kɔc ee kuany yiic, ku cïn yäc aguk.

1 Pet 1:17

Ku të ya wek Wääda cɔɔl rin, Raan ee löŋ guiir në kë rɔ̈ŋ ke luɔi de raan ëbɛ̈n, ku cïï kɔc ee kuany yiic, ke we rɛ̈ɛ̈r ë aköölkuön ë kɛ̈ny wek ee tënë ke we riɔ̈c.

1 Pet 2:2

Takkï röt cït mïth cï piac dhiëëth, aguɔkï cɛk ke jam ë Nhialic aa kɔɔr, cɛk awai, ke we bï dït ë keek akonyë we wëi.

Juda 1:23

ku yak kɔc kɔ̈k kony në riɔ̈ɔ̈c riääc wek, abäk ke ya dɔ̈ɔ̈r bei mɛɛc, ayï lupɔ aya abäk maan lupɔ cï nyuel në rac de guöp.

Nyuuth 3:19

Kɔc nhiaar ëbɛ̈n, kek aya nen ku ya ke wɛ̈ɛ̈t cït mïth: yen lëth yïn yic, ku puk yïpiɔ̈u.