2 Kor 7:10 - JAM DE NHIALIC 2011

¹⁰ Ku dhiënëpiɔ̈u bɔ̈ tëde Nhialic ee puŋdepiɔ̈u bɛ̈ɛ̈i, ke bï raan kony wëi, ku acïn raan bï rɔt gɔ̈k ë ye: ku dhiënëpiɔ̈u bɔ̈ në piny nɔm ee thuɔɔu bɛ̈ɛ̈i.

2 Kor 7:10 ပူးပေါင်းရင်းမြစ်များ

Cäk 30:1

Na ɣɔn, alɔ Racel rɔt yök ke cïn mɛnhdɛn cï dhiëth Jakop, ke til nyankënë, ku lëk Jakop an, “Gämë yɛn mïth, na cie yen, ka aŋuɛ̈ɛ̈n ë luɔi bän thou.”

2 Tham 12:13

Go Debid lɛ̈k Nathan an, “Yɛn cï awäc luööi Bɛ̈nydït.” Go Nathan puɔ̈k nɔm Debid an, “Bɛ̈nydït acï yïn päl awɛ̈ɛ̈cku. Ka yïn cïï bï thou.

2 Tham 13:4

Go Jonadap lɛ̈k Amnon an, “Yïn ee wën ë melik, eeŋö yan yïn tïŋ ke yï diu piɔ̈u aköölnyïïn kedhie? Lɛ̈kë yɛn eeŋö cï riääk?” Go Amnon lɛ̈k en an, “Yɛn nhiaar Tamar, nyankënë ee wën wäär cɔl Abthalom.”

2 Tham 17:23

Na wën aacï Aɣithopel ye tïŋ nɔn cïï Yithriɛl jamde rɛɛc, go mulde duöt kɔ̈u ku jël lee paanden. Na wën cï kake guiir kedhie, ke jɔ rɔt lɔ nöök. Go thou ku tɔ̈ɔ̈u në raŋ de yïï wun yic.

1 Mel 21:4

Go Aɣap lɔ ɣönde ku nɛ̈k e nyin ke cï piɔ̈u diu, në jam cï lɛ̈k en ë Naboth raan de Jedhreel, luɔi cï en e lueel, an, cïï bï gäm kë cä lɔ̈ɔ̈k lak tëde kuarken. Go lɔ tɔ̈c në agende nɔm, ku wel e nyin wei, ku cïï cäm.

Diɛt 38:18

Yɛn cï awɛ̈ɛ̈ckï gam, acïk ɛn nuaan në jamë piɔ̈u.

Kɛ̈ŋ 15:13

Miɛt ë piɔ̈u ee tïc ë raan nyin, ku tɔ dhiën ë piɔ̈u raan cath ëduuŋduuŋ.

Kɛ̈ŋ 15:15

Kɔc yɔŋ aye pïïrden ëbɛ̈n aa nuan, ku ye pïïr de kɔc mit piɔ̈ɔ̈th ëbɛ̈n aa dhuëëŋ.

Kɛ̈ŋ 17:22

Miɛt ë piɔ̈u ee pial ë guöp bɛ̈ɛ̈i, ku jiɛthëpiɔ̈u ee riɛl nyaai ë raan guöp.

Kɛ̈ŋ 18:14

Piɔ̈n ril ee jɔk guum, ku piɔ̈n cï jiɛth bï guöm lëu adï?

Wɛ̈ɛ̈t 7:3

Dhiënëpiɔ̈u apiɛth në dɔl, në biäk ye dhiënëpiɔ̈u raan tɔ wɛ̈ɛ̈t.

Jeremia 31:9

Kɔckï abïk kenïïm puk ke ke dhiau, ku lɛ̈ŋkï të bɛ̈ɛ̈i Yɛn keek ciëën. Abä keek wat të de nyïïn ke pïïu, abä ke tɛ̈ɛ̈k ë kueer lipic cïï ke bï tɔ kɔ̈th. Yɛn cït wun kɔc ke Yithriɛl, ku Eparaim ee wën kɛ̈idï.”

Edhekiɛl 7:16

Kɔc abïk röt kual ë kur nïïm cït guk cï riɔ̈ɔ̈c ë wakic. Keek kedhie abïk dhiau në biäk de awɛ̈ɛ̈cken.

Jona 3:10

Go Nhialic ka cïï kɔc ke Ninebe looi ëbɛ̈n tïŋ, ku tïŋ luɔi cï kek kepiɔ̈ɔ̈th puk në päl pɛ̈l kek täu rɛɛcden, ago Yenɔm waar në riäŋ wään cï than piny an, bï luöi keek, ku akën ke bɛ̈n luöi këtuc.

Jona 3:8

Raan ëbɛ̈n abï Nhialic dhil lɔ̈ŋ në yepiɔ̈u ëbɛ̈n, abï yepiɔ̈u dhil puk ëgɔk, ago täu rɛɛcde pɔ̈l, ku pɛ̈l kɛcëpiɔ̈u yen kërac dap looi yë.

Jona 4:9

Go Bɛ̈nydït lueel an, “Dɛ ë nɔm yic duëër yïn tɔ göth në këde kuɔɔt? Ago Jona lueel an, “Ɣɛɛ, yɛn de yic duɛ̈ɛ̈r ɛn gɔ̈th abä thou.

Math 26:75

go Petero jam de Yecu tak, jam wën cï lueel an, “Të ŋoot ajïth ke kën kiiu, ke yïn bï a jai ëtaitai raandiäk.” Go lɔ biic, le dhiau ë dhiën tuc.

Luk 15:10

Wek yɔ̈ɔ̈k an, “Yen abï ciët miɛt ee kɔc piɔ̈ɔ̈th miɛt ë tuuc ke Nhialic nïïm në biäk de raan tök raan ee kërac looi, ku be yepiɔ̈u puk.”

Luk 18:13

Go raan ë athölbö tɔ kut kɔ̈ɔ̈c tëmec, ku reec e nyin jat nhial, ku jɔ yepiɔ̈u biɔ̈ɔ̈k, ku lueel an, ‘Nhialic kok piɔ̈u we yɛn, yɛn ee raan ee kërac looi!’

Luɔi 11:18

Na wën, aa cïk kake piŋ, ke ke jɔ lɔ lik, ku leckï Nhialic an, “Ee yic, Nhialic acï Juöör dhil gäm puŋdepiɔ̈u aya ke ke bï pïïr!”

Luɔi 3:19

Yen ja wek wepiɔ̈ɔ̈th puk, ku bɛkï wepiɔ̈ɔ̈th wɛ̈l Nhialic, ke bï karɛckun cuöth bei, ago akööl bɛ̈n ë Nhialic nyin akööl ke döm ë wëi ke kɔc,

2 Kor 12:21

Ku yɛn ë riɔ̈ɔ̈c, miäk, të la yɛn bɛ bɛ̈n, ke Nhialicdï acït kë bï a tɔ yäär ë weyiic, ku yɛn cït kë bï kɔc juëc dhiëëu kɔc cï kërac kɔn looi, ku kënkï kepiɔ̈ɔ̈th puk në luɔidɛn col ku kɔ̈ɔ̈r ee kek diäär kɔɔr ku dhöömden, luɔidɛn rɛɛc ë cïk aa looi.

2 Kor 7:9

Ku ënɔɔnë, acie luɔi cï we tɔ dhiau piɔ̈ɔ̈th, en ë miɛt ɛn piɔ̈u, ë luɔi cä wek piɔ̈ɔ̈th dhiau aɣet puŋ bä wek wepiɔ̈ɔ̈th puk: ee këde Nhialic en acï we tɔ dhiau piɔ̈ɔ̈th, ke cïn kërɛɛc bäk yök ë këda yic.

Ɣeberuu 12:17

Ku week aŋiɛckï ëgɔk, wään ciëën jɔ yen e kɔɔr luɔi puk en athiɛɛide nɔm tëde wun, ke yök ke cï thök ë jöt acïn kueer be yen kë cï looi lëu, na cak bɛ dhiau në dhiën de yic puŋëpiɔ̈u ka cï guɔ jäl.

1 Tham 30:6

Go Debid nuan aläl, në biäk cïï kɔcke piɔ̈ɔ̈th kɛc ku luelkï an bïk Debid biɔ̈ɔ̈k në kur ë këde mïthken ku diäärken ku duetken, ku Bɛ̈nydït Nhialic acï Debid bɛ̈n riit piɔ̈u.