2 Kor 7:1 - JAM DE NHIALIC 2011

¹ Yen ka, ënɔn ciɛth wok wokë ka cï lueel an, bï ke gäm wookë, wek kɔc nhiaar, yok röt waak në acuɔl ëbɛ̈n acol ë guöp ku acol ë wëi, ku yok wopiɔ̈ɔ̈th tɔ ɣer abïk dikëdik në riëëu de Nhialic.

2 Kor 7:1 ပူးပေါင်းရင်းမြစ်များ

2 Lëk 19:9

Go Jeɣocapat ke jääm an, “Wek bï dhil luui në riɔ̈ɔ̈c ë Bɛ̈nydït, ku bäk riëëu në piɔ̈n adöt ë këriëëc yic ëbɛ̈n.

Diɛt 119:9

Duëër dhuök pïïrden tɔ lɔ wai adï? Ee në riëëu bï kek lööŋku aa riëëu.

Diɛt 19:9

Rïïu ye Bɛ̈nydït riëëu adik, abï tɔ̈u aɣet athɛɛr. Guiëër ye Bɛ̈nydït löŋ guiir ee yic, ayek yic tiiŋ nɔm ë ceŋ.

Diɛt 51:10

Nhialic, cak piɔ̈n lɔ wai në ya yic, ku tääuwë wëi yic cï piac looi në ya yic.

Kɛ̈ŋ 16:6

Bɛ̈nydït ee kɔc adööt ku kɔc piɛth piɔ̈ɔ̈th päl awɛ̈ɛ̈c. Ka ye Bɛ̈nydït riëëu ke cïn kërac bï yï yök.

Kɛ̈ŋ 20:9

Eeŋa duëër e lueel an, yɛn cï a piɔ̈u tɔ piɛth, yɛn lɔ wai acïn kërɛɛc nu ë yeguöp?

Kɛ̈ŋ 30:12

Kɔc kɔ̈k ayek röt tïŋ ke ke lɔ wai, ku ŋoot awɛ̈ɛ̈cken ke ke kënë wɛ̈ɛ̈k bei.

Kɛ̈ŋ 8:13

Të dhuëëŋ yïn Bɛ̈nydït guöp, ke yï man kërac. Yɛn man ɣɛ̈ɛ̈c ë nɔm, ku leec ë rɔt, ku maan jam de yic lueth.

Wɛ̈ɛ̈t 11:10

Nyaaikï jiɛthëpiɔ̈u në täŋdun yic, yak röt theek në ka bï arɛɛm bɛ̈ɛ̈i në wegup. Wek cïï bï rëër ke we ye dhuök anandun, dhuöök ee ɣɔ̈ric.

Yith 1:16

Wakkï röt ke we bï ɣɛɛr. Takkï karɛc ya woi ke ke luɔikï kääc ëbɛ̈n. Ɣɛɛ, takkï luɔi de kërac kääc,

Yith 55:7

Takkï kɔc ee karɛc looi päl kueer ë pïïrden, ku waar kɔc cïï piɔ̈ɔ̈th piath täŋden ë ke puk röt Bɛ̈nydït, Nhialicda ee piɔ̈u kok ku ee karɛc dap pɔ̈l.

Jeremia 13:27

Acï week tïŋ ke we loi ka mɛɛn keek. Acï week tïŋ ke we kuany yiëth kɔ̈k cök ë kur nïïm ku ë duumiic, cït man ë mony cïï tiiŋ ë raan thiëëk kek diir, ku cït thɔn ë kɛɛu cop ŋun ë kɛɛu. Amawoou në week kɔc ke Jeruthalem, wek cï luöi këtuc, ee nɛn yen bä wek dikëdik?

Jeremia 4:14

Yïn Jeruthalem waakë rɛ̈ɛ̈c tɔ̈u në yïpiɔ̈u wei, ke yï bï kony. Bä jɔ ŋoot ke yï tak karɛc agut cï nɛn?

Lebai 13:58

Të cï (lupɔ cï kɔɔc ayï lupɔ cï nuat) ayï lupɔ de dɛ̈l, të cï ë keek waak, ku cï jɔk jäl ë kegup, abï keek dhil bɛ waak, ku ëtɛ̈ɛ̈n, abïk piath.

Math 12:33

Yak tim tɔ piɛth, ku takï mïthke piɛth ayadäŋ, ku be an, “Cäk e tïŋ, ke we tɔ tim nhiany, ku takï mïthke nhiany ayadäŋ, tim aye ŋic në mïthke.

Math 5:48

Yak aa kɔc cï piɔ̈ɔ̈th dikëdik, acït man ë wuöörduön nu paannhial, cï piɔ̈u dikëdik.

Math 5:8

Thieithieei ë kɔc lɔ piɔ̈ɔ̈th wai, abïk Nhialic tïŋ.

Luɔi 9:31

Go ɣööt ke Nhialic jɔ rëër ke ke lɔ dïu ë Juda ëbɛ̈n ku Galili ku Thamaria, gokï jɔ riɛl ë gäm, ku yek cath ë riëëu de Bɛ̈nydït, ku në muŋdepiɔ̈u de Wëidït ɣer, agokï kenyïïn ŋuak.

Romai 5:20

Ku löŋ aa bɔ̈ thïn, ë luɔi bï awäc rɔt ŋuak awäny wɛ̈ɛ̈cë kɔc käŋ, ku të cï kërac rɔt ŋuak, ke dhuëëŋdepiɔ̈u ë ŋuak rɔt arëët awär kërac,

1 Kor 6:20

We cï ɣɔɔc ë ɣööc tuc: yen aa wek Nhialic tɔ yök dhuëëŋ në guöpdunic ayï wëikun yiic, kek ka ke Nhialic ka.

2 Kor 1:20

Ku të de en ka cï Nhialic lueel an, bï ke gäm kɔc, “Ɣɛɛ” yen aye këde, ku ye “Amiin” këde, ke Nhialic bï dhuëëŋ yök në wook.

Epethiei 2:3

Ku wook ayadäŋ wodhie, wok aaye mat në keek ɣɔn, në ŋɔ̈ɔ̈ŋ de ka ke guöp, ku wok aaye kak ë yok kɔɔr ë yäc looi, ayï kak ë yok tak ë wopiɔ̈ɔ̈th, agoku aa mïth ke agɔ̈th në ciɛɛŋ ë ciɛkë wo, cït man ë kɔc kɔ̈k.

1 Theth 3:13

luɔi bï en we tɔ kääc piɔ̈ɔ̈th aril, ke cïn gääk duëërë we gɔ̈k, në ɣɛɛrëpiɔ̈u ë Nhialic nɔm, Yen aye Wääda, ë kööl ë bɛ̈n bï Bɛ̈nydan Yecu Kërtho bɛ̈n kekë kɔckɛn ɣerpiɔ̈ɔ̈th kedhie.

1 Theth 4:7

Acie këde luɔi col en ë cɔɔlë Nhialic wook, ee këde ɣɛɛrëpiɔ̈u.

1 Theth 5:23

Ku ënɔɔnë, Nhialic de mät, Yen guöp, ee we tɔ ɣerpiɔ̈ɔ̈th ëliŋliŋ, ku wëikun ëbɛ̈n ku piɔ̈ndun ku guöpdun ë ye ke muk acïn këliu, ku bï ciën kë duëërë ke gɔ̈k aɣet bɛ̈n bï Bɛ̈nydan Yecu Kërtho bɛ̈n.

Ɣeberuu 12:23

Ku ëtɛ̈ɛ̈n we bï ɣön ë Nhialic pïïr yök të ye amatnɔm de Nhialic yenɔm mat thïn, ke ke nöm athiɛɛi de Nhialic cït mïth kɛ̈i, kɔc cï gɔ̈ɔ̈r rin paannhial ku yek Nhialic töŋë lam, Bɛ̈nydït ee löŋ ë kɔc kën gam guïïr kedhie. Ku nu wëi ke kɔc ɣer piɔ̈ɔ̈th ë cï thou acï ke bɛ tɔ dikëdik.

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.

Ɣeberuu 4:1

Ye ka, cït man ŋoot ë Nhialic ke cöl wook lɔ̈ŋ aɣet cï ënɔɔnë, jɔku röt tiit ke bï ciën kɔc bï döŋ ke ke cïï lɔ në ee lɔ̈ŋë yic.

Ɣeberuu 6:9

Ku wek määthkï na wo cak jam aya, ke wek ŋäthku nɔn dɛ wek nïïm athiɛɛi ŋuän në këde kuny de wëikun.

Jakop 4:8

Yak röt cuöt Nhialic, ke bï rɔt aa cuöt week. Wakkï wecin abïk piath, we kɔc ee kërac looi, ku takï wepiɔ̈ɔ̈th agɔk, wek kɔc ee piɔ̈ɔ̈th rou.

1 Pet 1:15

Ku acït man ɣeer en yic yen Raan ë cɔl week, ke week ayadäŋ yak rëër ke we ɣeriic ë këriëëcic ëbɛ̈n.

1 Pet 1:17

Ku të ya wek Wääda cɔɔl rin, Raan ee löŋ guiir në kë rɔ̈ŋ ke luɔi de raan ëbɛ̈n, ku cïï kɔc ee kuany yiic, ke we rɛ̈ɛ̈r ë aköölkuön ë kɛ̈ny wek ee tënë ke we riɔ̈c.

1 Pet 1:22

Ku nɔn cä wek wepiɔ̈ɔ̈th tɔ ɣer në gäm cä wek yic gam në riɛl ë Wëidït, gäm cï we yiëk piɔ̈ɔ̈th nhiëër aa wek mïthëkɔckun nhiaar ë nhiëër cïnic lueth, ke we nhiaar röt arëët ë piɔ̈n ɣeric ëwic:

1 Pet 2:11

Wek kɔc nhiaar, wek läŋ, luɔi ciët wek kamaan ku ciëtkï kɔc cï ɣap ë wuöt lei, ke we bï ŋɔ̈ɔ̈ŋ de kake piny nɔm aa pɔ̈l, ee ke ye tɔŋ biök në wëikun.

1 Pet 5:10

Ku ënɔɔnë, Nhialic de piɔ̈u dhuëëŋ ëbɛ̈n, Raan cï we cɔɔl në këde dhuëëŋdɛn ee tɔ̈u athɛɛr në Kërtho Yecu, miäk, të cä wek käŋ guɔ guum tëthiinakäŋ, ee we tɔ ye dikëdik yen guöp, ku tɔ we kääc, ku tɔ we ril, ku tɔ we lïk piny.

1 Jɔn 1:7

ku na ciɛthku tëɣer, cït man nu yen tëɣer, ke wok ee abärɔ mat wapäc, ago riɛm ë Yecu Kërtho Wënde wook aa waak në kërac ëbɛ̈n.

1 Jɔn 1:9

Ku na gamku awɛ̈ɛ̈ckuɔ, ke yen ee Raan adöt ku piɛthpiɔ̈u, ka bï wo päl karɛckuɔ, ku jɔ wo waak piɔ̈ɔ̈th në racdepiɔ̈u ëbɛ̈n.

1 Jɔn 3:3

Ku raan ëbɛ̈n raan cath ke aŋäthë aŋäth ŋɛ̈ɛ̈th en en, ee yepiɔ̈u tɔ lɔ wai cït man le en piɔ̈u wai.