2 Kor 6:8 - JAM DE NHIALIC 2011

⁸ Në lɛc, ku në ciën lɛc, në rin piɛth ku në rin rac, acït kɔc ee kɔc math, ku wok ee kɔc yith,

2 Kor 6:8 ပူးပေါင်းရင်းမြစ်များ

Math 10:25

Ë loi tëde raanpiööcë të thoŋ en kekë raan ë wëët en, ku ë loi tëde lïm të thoŋ en kekë bɛ̈nyde. Të cï kek bɛ̈ny de dhiën lat tɔkï ye Beeldhebub, cïkï kɔc ke dhiënde bï aa lat arëët awär luɔi ee kek bɛ̈nyden lat?”

Math 22:16

Gokï kɔckɛn ë piööcë tuöc en, në kɔc ke Ɣerod ëtök, agokï lueel an, “Bɛ̈ny de wëët, yïn ŋicku nɔn ee yïn yic, ku nɔn ee yïn kɔc wɛ̈ɛ̈t në kueer ë Nhialic ë yic, ku acïn raan bï yïn riɔ̈ɔ̈c ë yen, yïn cïï kɔc ë woi gup biic.

Math 27:63

luelkï an, “Bɛ̈ny, acuk tak nɔn cï aluenhë ye lueel wään ŋoot en ke pïïr an, ‘Ee nïn kadiäk, ke yɛn bï rɔt bɛ jɔt.’

Mak 12:14

Na wën, ë ke bɔ̈, bïk ku luelkï an, “Bɛ̈ny ë wëët, yïn ŋicku nɔn ee yïn yic lueel, ku acïn raan bï yïn riɔ̈ɔ̈c ë ye, yïn cïï kɔc ë woi gup biic tei, yïn ee kɔc wɛ̈ɛ̈t ë kueer ë Nhialic në yic. Cï päl wook nɔn bï wok Kaithar aa kuöt athölbö, ku cie ye?”

Jɔn 7:12

Ŋun cïï kɔc ŋun në këde acï dït ë kɔc yiic: alueel kɔc kɔ̈k an, “Ee raan piɛth, go kɔc kɔ̈k lueel an, Acie yen, ee kɔc math tei.”

Luɔi 10:22

Gokï lueel an, “Korunelio, bɛ̈ny ë rem de tɔŋ, raan piɛthpiɔ̈u, ku ye Nhialic riëëu, ku ye raan piɛth rin ë jur ë Judai yic ëbɛ̈n. Go tunynhial ɣeric a yöök an, bï yï tuöc kɔc an, bä lɔ ɣönde, ke bï wël piŋ tëde yïn.”

Luɔi 16:39

Agokï bɛ̈n, bïk ku läŋkï keek, ku bïïkï ke bei ë aloocic, läŋkï keek an, bïk jäl pänydït.

Luɔi 22:12

“Ku ade raan cɔl Anania, raan riëëu Nhialic ku döt löŋ, ku ye raan piɛth rin tëde Judai wään rɛ̈ɛ̈r ëtɛ̈ɛ̈n kedhie,

Luɔi 24:5

Wok ë raanë yök aye raan rac ëtaiwei, ku ye raan ë Judai kɛ̈ɛ̈k kedhie ë piny nɔm ëbɛ̈n, ee raan dïït ë rem de Nadharani.

Luɔi 28:22

Wo de piɔ̈ɔ̈th tei, luɔi bï wok kë bä lueel piŋ, ku na ee remë, aŋicku nɔn lueelë kɔc ater ë yen ë baai nɔm ëbɛ̈n.”

Luɔi 4:21

Na wën acïk ke bɛ waai, ke ke pälkï, acïn kë cïk yök kë bï kek ke mac, në baŋ de kɔc, kɔc ëbɛ̈n aake ye Nhialic leec në ke cï looi.

Luɔi 5:13

Ku në kɔc kɔ̈k yiic acïn raan cï ŋeeny bï mat kekë keek: aye ke leec ë kɔc lei.

Luɔi 6:3

Na ënɔɔnë, wek mïthëkɔckuɔ, jakï röör kadhorou kɔɔr ë weyiic, röör cath ë rin piɛth ë kɔc yiic, ku cïk thiäŋ ë Wëidït ku pɛlënɔm, kɔc buk tääu ë luɔiyë nɔm.

Romai 3:8

Ku eeŋö cïï wok kërac ee looi, ke këpiɛth bï bɛ̈n? Cït man cï wo cäk thook, an, yok lueel, ku ye kɔc kɔ̈k ŋak an, Yok lueel. Kɔc luel en aröŋkï në gääk bï ke gɔ̈k.

2 Kor 1:18

Ku në dön ee Nhialic adöt, jamda wokë week acie Ɣɛɛ ku be aa Ei.

2 Kor 11:21

Yɛn jam ee jam ë raan cïn naamde, acït man kɔ̈c wok. Ku na de kë bï raan e nyin riil, (yɛn jam ë jam ë mumënɔm), ke yɛn cï a nyin riil aya.

2 Kor 12:16

Në tɔ̈u aya tei, wek kɛ̈n miɛn, ee ruëëny en ë dam ɛn week, en luɛlkï?

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

1 Theth 2:3

Ku guiëër ee wo wël guiir aa cïnic mɛth ee kɔc math, ayï jam col aa liu thïn, ayï ruëëny:

1 Tim 3:7

Ku abï dhil aa raan piɛth rin tëde kɔc nu biic aya, ke cïï këdäŋ bï wööc kë bï e gɔ̈k, ago cuö lööny ë wïn ë jɔŋdït racic wïn ë dëp.

1 Tim 4:10

Yen a ye wok luui aläl, ku koon wook, luɔi ee wok Nhialic pïïr ŋɔ̈ɔ̈th, yen aye Konydewëi de raan ëbɛ̈n, ku ye Kony dïït ë wëi tëde kɔc cï gam.

Ɣeberuu 13:13

Yen kë duëër wok lɔ ka në wut këc biic, lok ayäär rɔm në yen ëtök.

1 Pet 4:14

Tën ee we cäk thook në biäk de rin ke Kërtho, ka ye thieithieei week, Wëi ke dhuëëŋ ku Wei ke Nhialic ë ke rɛ̈ɛ̈r ë wegup: ee ke bï aa läät tëde keek, ku ye dhuëëŋ tëde week.

3 Jɔn 1:12

Demeturio piathde aye lueel ë raan ëbɛ̈n, ku ye yic lueel aya: yeka ayï wook aya, wok ee cäätɔɔ luel këde, ku we ŋic kë luelku nɔn ee yen yic.

Nyuuth 3:9

Tïŋ, yɛn bï kɔc ke luaŋ de Catan tɔ bɔ̈, kɔc ee röt tɔ ye Judai, ku cïkï ye Judai, ku ye lueth en törkï, tïŋ, abä ke tɔ bɔ̈ bïk ku gutkï kenïïm piny ë yïcök, ku ta ŋickï nɔn cän yï nhiaar.