2 Kor 6:5 - JAM DE NHIALIC 2011

⁵ Në dui duiyë wook, në mäny mɛcë wook, në awuööu dït, në luɔi ril, në yïn ee wo yïn, në mɔ̈l ee wo mɔ̈l ë nïn ku cäm.

2 Kor 6:5 ပူးပေါင်းရင်းမြစ်များ

1 Mel 22:27

Lɛ̈kkï yen bïï tääu ɣön ë döm ku yak cääm ë määth, ku duökï kuïn tɔ thiääk ke yen ayï pïïu agut të bän a nɔm lɔ dɔk në mät.”

2 Lëk 16:10

Kënë acï Atha bɛ̈n tɔ diu piɔ̈u kekë monydaai, ago tɔ dɔm ku rek. Yen ee kaamë yic yen aacï Atha kɔc kɔ̈k bɛ̈n yɔŋ ë yaaŋ rac.

Yith 53:5

Ku në biäk de awɛ̈ɛ̈ckuɔ acï yiëk guöp bɔ̈ɔ̈t, go dui në biäk de karɛc cuk looi. Wok cï tɔ piɔl gup në këtuc cï guum, wok cï tɔ̈u ë mätic në këtuc cï Yen yök.

Jeremia 33:1

Të wään ŋuɔɔt ɛn ke ya mac në kal de kɔc ë tïït yic, go jam de Bɛ̈nydït bɛ bɛ̈n tëde yɛn.

Jeremia 38:6

Agokï yɛn dɔm ku luɛɛikï yɛn piny në wïïn yithic, yinh de wën melik Malekia yic, yinh ë tɔ̈u ë kal ë bääny yic. Aa cïn pïïu ë yithic, aaye tiɔ̈k yetök, guɔ lɔ piny ë tiɔ̈kic.

Edhekiɛl 3:17

“Mɛnh ë raan yïn ta ee raan ee tïït tëde baai de Yithriɛl. Abä keek lɛ̈k wël cä gäm yïn.

Math 14:10

Go raan tooc, an le Jɔn kiɛp nɔm wei ë aloocic.

Math 14:3

Ɣerod aacï Jɔn dɔm, ku duut, go tääu ë aloocic në biäk de Ɣerodiath, tiiŋ de Pilip mänhë.

Math 9:15

Go Yecu ke yɔ̈ɔ̈k an, “Duëër wɛ̈ɛ̈t riëëc ë monythiëk aa dhiau, të ŋootë monythiëk ke tɔ̈u ke keek? Akööl abïk bɛ̈n, akööl bï monythiëk jɔt ë keyiic, yen abï kek cäm rɛɛc.

Luɔi 13:3

Na wën, aa cïk cäm bɛ rɛɛc, ku lɛ̈ŋkï, gokï kecin thany ë kenïïm, ku tɔkï ke jël.

Luɔi 14:19

Na wën, ke Judai bɔ̈ ë Antiokia kekë Yikoniom ke ke ɣet ëtɛ̈ɛ̈n: agokï kut ë kɔc wëŋ, ku biöökkï Paulo në kur, ku thelkï biic ë pänydït këc, aluelkï, an, cï yiɛ̈n thou.

Luɔi 14:23

Agokï röördït lɔc ë ɣööt ke Nhialic yiic ëbɛ̈n, ku të cï kek lɔ̈ŋ në rɛɛc reec kek cäm, ke ke pɛ̈lkï ë Bɛ̈nydït cin, Bɛ̈nydïït cïk gam.

Luɔi 17:5

Na wën, ke Judai reec gäm, ke ke dɔm tiɛɛl, ku cɔlkï röör rac në kɔc ke thuukic, bïk ke bɛ̈n kony, gokï rem kut, abïk pänydït tɔ päl awuɔɔu ëbɛ̈n, gokï tɔŋ lɛɛr ɣön ë Jathon, akɔɔrkï Paulo kekë Thila luɔi bï kek ke bɛ̈ɛ̈i bei yïnkï ke kɔc.

Luɔi 20:31

Yɛn tiɛɛt wek röt, ku takkï wenïïm nɔn kɛ̈n ɛn wëët pɔ̈l wëët aa yɛn week wɛ̈ɛ̈t wedhie ë run kadiäk, wɛ̈ɛ̈rwakɔ̈u ku aköl, ke ya ye dhiau ë pïïu ke yɛn nyin.

Luɔi 23:10

Na wën, aacï teer dït rɔt cak, ke bɛ̈nydïït de rem de tɔŋ ë riɔ̈c luɔi bï Paulo cuään ë kɔc cin, go rem de tɔŋ yɔ̈ɔ̈k an, bïk lɔ piny, lek thɛ̈l bei ë kɔc yiic, ku bïïkï ë aloocic.

Luɔi 23:35

ke jɔ lueel an, “Këdu abä piŋ, të cï kɔc gɔɔny yïn bɛ̈n aya.” Go kɔc yɔ̈ɔ̈k an, bïk mac aloocdïït ë Ɣerod yic, alooc ë guiëër ë löŋ.

Luɔi 24:27

Na wën, aacï run kaarou thök, ke Porukio Petheto lööny ë nyin ë Pelikic, go Pelik piɔ̈u dɛk luɔi bï en Judai tɔ mit piɔ̈ɔ̈th, go Paulo nyääŋ piny amac.

Luɔi 26:10

Aguɔ looi aya ë Jeruthalem. Yɛn ë riɛl nööm tëde bänydït ke ka ke Nhialic, ku ja kɔc juëc mac ë aloc yiic, kɔc ɣerpiɔ̈ɔ̈th, ku ëkööl cï ë ke nɔ̈k, yɛn ë thonden gam.

Luɔi 26:29

Go Paulo bɛ̈ɛ̈r an, “Nɔn ee yen jam thiinakäŋ ku nɔn ee yen jam dït, yɛn läŋ Nhialic, acie këdu yïn yïtök, ee këde kɔc kedhie aya, kɔc piŋ këdï ee köölë, ke we bï ciët ɛn, ee jothkë tei, ee kek bï liu.”

Luɔi 28:30

Ago Paulo rëër ɣönde guöp ɣön cï kïïr ë wëu, ku jɔ run thöl kaarou, ke ye kɔc nyuööc kedhie kɔc ee bɛ̈n tëde yen.

Luɔi 5:18

agokï tuuc dɔm, ku tɛ̈ɛ̈ukï keek ɣön ee kɔc mac.

1 Kor 15:10

Ku ee dhuëëŋ de Nhialic piɔ̈u, en atäu ɛn ë täudï: ku dhuëëŋ de yenpiɔ̈u dhuëëŋ cï yiɛ̈n ɛn, acie këɣɔ̈ric, yɛn ee luui arëët, ka wäär keek kedhie: ku acie yɛn ee luui, ee dhuëëŋ ë Nhialic piɔ̈u, en aye luui, dhuëëŋ ë tɔ̈u ke yɛn.

1 Kor 4:11

Aɣet cï ënɔɔnë, wok ee cɔk nɔ̈k ayï rou, ku cïnku kɔ̈ɔ̈th lupɔɔ, ku biëkkë wook ë kɔc cïn, wok ee tai, wo cïn nïïm wut,

1 Kor 7:5

Ë ŋɛk cïï rɔt ee pɛ̈n ŋɛk, ë röm bä wek thook röm tei bäk röt pɔ̈l ë aköölkë, ke we bï cök ë läŋ läŋ wek Nhialic, ku jakï röt bɛ mat ëtök, ke we cïï Catan bï them, në kuny kuöc wek röt muk.

2 Kor 11:27

Në luɔi tuc ë kɔc doony, ku luɔi ë kɔc nɔ̈k, në ruu aa yɛn ruu yiɛ̈n ëcaŋɣɔn, ku në cɔŋ ë ya nɔ̈k ayï rou, ku në nyäŋ aa yɛn cool ë nyäŋ rɔt ë këcam, ku në wiir ë ya nɔ̈k, ku cïn aa yɛn kɔ̈u ciën lupɔ.

Epethiei 3:1

Yen aye yɛn raan ë Yecu Kërtho raan cï mac në biäkdun week wek Juöör, läŋkï Nhialic.

Nyöŋ 25:3

Aduëërë dui ë wɛt kathiërŋuan, ku cïï ŋuak, të le ë yen dui ë wɛt wär ee kakë, abï yen tɔ yäär ë kɔc nïïm.

Pilipoi 1:13

Ago mäny mɛcë yɛn ë biäk de Kërtho ago ŋic ë kaldïït ë bɛ̈nydït ëbɛ̈n, ku ŋic ë kɔc kɔ̈k nïïm kedhie.

1 Theth 2:9

Wek ee wenïïm tak, wek mïthëkɔckuɔ, në luɔi dïït thieek yok looi: wo ye luui aköl ku wakɔ̈u, wok ë cïn piɔ̈ɔ̈th luɔi bï wo raan tök miɛn ë weyiic, agoku wëlpiɛth ke Nhialic guiëër week aya.

1 Tim 4:10

Yen a ye wok luui aläl, ku koon wook, luɔi ee wok Nhialic pïïr ŋɔ̈ɔ̈th, yen aye Konydewëi de raan ëbɛ̈n, ku ye Kony dïït ë wëi tëde kɔc cï gam.

2Tim 1:8

Yen du yïn ee yäär në jam de Bɛ̈nydïïtda jam ee cäätɔɔ lueel, ku du yäär në këdï yɛn ee raandɛn cï mac: ye katuc guum wekë yɛn ëtök në biäk de wëlpiɛth në riɛldïït ë Nhialic.

2Tim 2:9

Kek wëlpiɛth aa yɛn këtuc guum në biäkden aɣët mäny mɛcë yɛn, acït man ë raan cï kërac looi, ku jam ë Nhialic acie mac.

2Tim 4:5

Ku yïn, ye röt tiit ë këriëëcic ëbɛ̈n, ye katuc guum, ye luɔi de raan ee wëlpiɛth guiir looi, ku jɔ luɔidu tiiŋic ëgɔk.

Ɣeberuu 11:36

Kɔc kɔ̈k aake ye dɔl gup ku duike në wɛt, ku ye kɔ̈k duöt në ɣööt ke dömiic.

Ɣeberuu 13:17

Yak kɔc nu ë wenïïm piŋ thook, ku luöikï në kë cïk lɛ̈k week, acïkï ee bäp në luɔi ye kek cool ke ke kïït kake wëi në biäkdun, në kë yen luɔi cïï Nhialic tääu në keyiëth bïk dhil looi, yen ya wek ke tɔ lui në miɛtëpiɔ̈u ee yen aŋuän. Ku na lak ke tɔ jieth piɔ̈ɔ̈th në luɔidenic, eeŋö bïk bɛ kuöny week?

Ɣeberuu 13:23

Ku jakï ŋic luɔi cïï mänhëdan Timotheo lony ɣön ë döm, ku të cïï yen dap bɛ̈n, abä luath kekë yɛn ëtök, agoku lɔ yök.

Nyuuth 2:10

Du riɔ̈c ëtaitai në ka bä guum. Tïŋ, jɔŋdït rac akɔɔr luɔi bï en kɔc kɔ̈k ë weyiic cuat ë aloocic, luɔi bï we them, ku we bï këtuc dhal week yök ë nïn kathiëër. Ee gämdu döt a thou yïn, ke yïn bä miɔɔc nɔm ë göl ë pïïr.