2 Kor 6:4 - JAM DE NHIALIC 2011

⁴ Wo ye röt tɔ ye kɔc piɛth në këriëëc ëbɛ̈n, acït man ë kɔc ë ka ke Nhialic looi, në liɛɛr dïït ë wopiɔ̈ɔ̈th, në katuc dhal wook, në ka dak wook, në ka giŋ wook.

2 Kor 6:4 ပူးပေါင်းရင်းမြစ်များ

Yith 61:6

Ku wek bï jɔ ŋic ke we ye bäny ke kake Bɛ̈nydït, lïïm ke Nhialicda, we bï dhuëëŋ de kajuëc ke juöör cam Ku jakkï röt leec nɔn ye kek kakun.

Jowɛl 1:9

Miɔ̈c ë rap, ku miɔ̈c ye dek acïï kɔyɔm keek tɛɛm wei Luaŋdïït de Bɛ̈nydït, ka bäny ke kake Nhialic, ayï kɔc luui Bɛ̈nydït adhiaukï në biäk cïn en miɔ̈c gëmkï Bɛ̈nydït.

Jowɛl 2:17

Ku takï bäny ke kake Nhialic läŋ, bäny ee Bɛ̈nydït luööi në kaam de yïk kekë Luaŋdït. Ë ke dhiau ku lɛ̈ŋkï: an, “Kok piɔ̈u we kɔcku, Bɛ̈nydït. Du kɔc ke nɔmdu tɔ biɔn gup, du ke bï tɔ ye kääŋ yup në juööriic. Acïï rɔ̈ŋ bï kɔc aa lop an, “Nu Nhialicdu ë nou?”

Luk 21:19

We bï wëikun yök në guöm aa wek käŋ ŋiëc guum.

Jɔn 16:33

Kakë acä ke lɛ̈k week, ke we bï dɛ mät ë yayic. Në piny nɔm ke we bï dɛ këtuc ee we dhal: riɛtkï wepiɔ̈ɔ̈th tei! Yɛn ë piny nɔm tiaam.”

Luɔi 2:22

“Wek röör ke Yithriɛl, piɛŋkï wëlkë: Yecu de Nadhareth, raan cï nyuöth week nɔn ë bïï yen tëde Nhialic në luɔi dït ku kake gäi ku göök cï Nhialic ke looi në yen ë weyiic, acït man ŋiɛc wek en ayadäŋ,

Luɔi 20:34

Week wegup aŋiɛckï, nɔn ee cinkiënkë kek aa muk ɛn, ayï kɔc wään cath në yɛn aya.

Luɔi 9:16

Ku abä nyuöth kajuëc bï dhil guum në baŋ de rinkï.”

Romai 14:18

Ku raan ë Kërtho luööi apiɛth ë kake yiic, ka piɛth ë Nhialic piɔ̈u, ku aye kɔc tɔ ye raan piɛth ayadäŋ.

Romai 16:10

Thiëckï Apele raan cï leec ë Kërtho yic. Thiëckï kɔc ke baai de Arithobolo.

Romai 3:5

Ku na rac de wopiɔ̈ɔ̈th, të cï en piath ë Nhialic piɔ̈u nyuɔɔth, buk ŋö lueel? Rac Nhialic, të cï en kɔc luöi këtuc ë agɔ̈th? (Yɛn jam cït man ë raan tei.)

Romai 5:8

Ku Nhialic ë nhiëërde nyuɔɔth, nhiëër nhiɛɛr en wook, në thon cï Yecu Kërtho thou në biäkda, ku ŋootku ë wo ye kɔc ë kërac looi.

1 Kor 3:5

Paulo eeŋa? Ku Apolo eeŋa? Cïkï ë kɔc ee luui tei, kɔc cï we tɔ gäm, cït man cï Bɛ̈nydït e gäm ŋɛk ku gëm ŋɛk?

1 Kor 4:1

Tɔ lueel raan në këde wook nɔn ye wok kɔc ee ka ke Kërtho looi, kɔc cïï ka ke Nhialic tääu ë kecin, kacïmoony ɣɔn.

1 Kor 9:11

Të cï wok ka ke wëi cuöm week, duɛ̈ɛ̈rkï tɔ ye këdït, të tem wok kakuön ë piny nɔm?

2 Kor 11:23

Yek kɔc ë ka ke Kërtho looi? (Yɛn jam cït raan jiɛɛm wei) awäär ke, ë luɔi tuc, en awäär ɛn keek, ku wäär keek ë dui cïï duëërë kueen, ku mäny ee ya cool ë mɛcë yɛn ë aloc yiic, ku ŋïny aa yɛn cool ë ŋïc rɔt thuɔɔu.

2 Kor 11:27

Në luɔi tuc ë kɔc doony, ku luɔi ë kɔc nɔ̈k, në ruu aa yɛn ruu yiɛ̈n ëcaŋɣɔn, ku në cɔŋ ë ya nɔ̈k ayï rou, ku në nyäŋ aa yɛn cool ë nyäŋ rɔt ë këcam, ku në wiir ë ya nɔ̈k, ku cïn aa yɛn kɔ̈u ciën lupɔ.

2 Kor 11:9

Ku të wään rɛ̈ɛ̈r ɛn wo week, akööl ë de en kë dak ɛn, acïn raan cä miɛn, në kën ee ya dak, aye mïthëkɔckuɔ yiɛ̈n ɛn abä kuɛth, mïthëkɔckuɔ ë bɔ̈ Makedonia, ku yɛn aaye rɔt muk në këriëëc ëbɛ̈n aguɔ we cuö min, ku yɛn bï rɔt muk ë muŋdï.

2 Kor 12:10

Yɛn a ya yɛn ë piɔ̈u miɛt ë kɔ̈c kääc ɛn, ku në lɛ̈ɛ̈t ee ya läät, ku në dak aa yɛn dak ë käŋ, ku në yöŋ ee ya yɔŋ, ku në dhäl ee käŋ a dhal, në biäk de Kërtho: kööl kääc ɛn en aye kööl riɛl ɛn.

2 Kor 12:12

Ŋïny duëërë ye ŋic nɔn aa yɛn tuc ë guɔ looi ë weyiic në yic në guöm de këriëëc ëbɛ̈n, ku në göök ku ka gɛ̈iyë kɔc, ku luɔi ril ëbɛ̈n.

2 Kor 2:17

Ku wook, wo cïï cït tëdïït ë kɔc, kɔc ë jam ë Nhialic riɔ̈ɔ̈k në biäk de wëu: jam yok lueel ee piɔ̈n yic yen aye wok e lueel, ku cït liem de Nhialic, ë Nhialic nɔm yen aye wo jam ë Kërtho yic.

2 Kor 3:6

Raan cï wo tɔ lëu käŋ, buk aa kɔc ee ka ke löŋ cï piac mac ŋiëc guiir, ku guiëërda acie këde wël cï gɔ̈ɔ̈r tei, ee këde wëi: wël cï gɔ̈ɔ̈r tei ayek kɔc nɔ̈k, ku wëi kek aye kɔc tɔ pïïr.

2 Kor 4:17

Këpiɔɔldan dhal wook, ke bï dap lɔ wïth wei, aye wo luöi dhuëëŋ thiek dhuëëŋ wär kë dhal wook aläldïïtë, ku ye tɔ̈u athɛɛr.

2 Kor 4:2

Ku ka ke ayäär ka cï moony acuk ke jäi, ku wo cie rëër ë wo ye ruɛ̈ny, ku cuku läm ë Nhialic ee cäkic, ee yic en a yok tɔ tiëc, ago wo ŋic ë kɔc piɔ̈ɔ̈th kedhie nɔn piɛth wok ë Nhialic nɔm.

2 Kor 4:8

Wo cïï katuc tuɔɔk, ku të luïny wok acie liu, wo ë nïïm mum, ku wo cïï nïïm ee mum ëtaiwei:

2 Kor 7:11

Thɔ̈ɔ̈ŋkï këmanë guöp, dhiën cï we tɔ dhiau piɔ̈ɔ̈th në këde Nhialic, thɔ̈ɔ̈ŋkï lɛ̈th cï we tɔ lëth yiic dït dïït en, yeka, ku dït ë luɛl cä wek këdun lueel, yeka, ku diu cä wek piɔ̈ɔ̈th diu, yeka, ayï täŋ cä wek käŋ tak arëët, yeka, ayï tuöc cä wek piɔ̈ɔ̈th tuöc, yeka, ayï guur cä wek käŋ guöör! Në këriëëc ëbɛ̈n we cï röt nyuɔɔth nɔn cä wek gup a gɔk ë liu liɛɛu wek ë jamë yic.

Kolothai 1:11

Yak riɛl ë riɛl ëbɛ̈n, në riɛldïït ë dhuëëŋde, bäk käŋ ŋiëc guum ëbɛ̈n, në liɛɛr ë wopiɔ̈ɔ̈th ku në miɛtëpiɔ̈u,

Kolothai 1:24

Ku yɛn mit piɔ̈u ënɔɔnë në ka guööm në biäkdun, ku ka cï nïïm dak në katuc cï Kërtho guum, aya ke thiɔ̈ɔ̈ŋ nïïm ë guöpdï yic, në biäk de guöpde, yen aye ɣön ë Nhialic.

1 Theth 3:7

Yen aa jɔ wook muk piɔ̈ɔ̈th në biäkdun, wek mïthëkɔckuɔ, në këtuc dhal wook ëbɛ̈n ku në dak ee wo dak ë käŋ, ee gämdun yen aa muk wopiɔ̈ɔ̈th:

1 Theth 5:14

Wek lëkku, wek mïthëkɔckuɔ an, Yak kɔc ee löŋ yalic nen, yak kɔc ee piɔ̈ɔ̈th riɔ̈ɔ̈c muk piɔ̈ɔ̈th, yak kɔc kɔ̈c kony, yak piɔ̈ɔ̈th liɛɛr në kɔc kedhie.

1 Tim 2:15

Ku tik abï kony të dhiëëth en meth, na lee tïït të tɔ̈u kek në gämic ku nhiëër ku ɣɛɛrëpiɔ̈u ku piathënɔm.

1 Tim 4:6

Të ee yïn mïthëkɔckuɔ täk nïïm ee kakë, ke yïn bï aa raan ee ka ke Yecu Kërtho looi apiɛth, raan cï ŋiëc muk në wël ke gäm ku wëët piɛth wëët cï kuany cök ëgɔk.

1 Tim 6:11

Ku yïn, yïn raan de Nhialic, ye kat ee kakë, ku ye piathëpiɔ̈u cop, ku cop riëëu de Nhialic, ku gäm, ku nhiëër, ku liɛɛrëpiɔ̈u, ku rëër ëmääth.

2Tim 1:8

Yen du yïn ee yäär në jam de Bɛ̈nydïïtda jam ee cäätɔɔ lueel, ku du yäär në këdï yɛn ee raandɛn cï mac: ye katuc guum wekë yɛn ëtök në biäk de wëlpiɛth në riɛldïït ë Nhialic.

2Tim 2:24

Ku lïm de Bɛ̈nydït acïï piɛth luɔi bï en teer, abï dhil aa jam ë määth kekë kɔc kedhie, abï aa raan ŋic wëët, raan lir piɔ̈u,

2Tim 4:5

Ku yïn, ye röt tiit ë këriëëcic ëbɛ̈n, ye katuc guum, ye luɔi de raan ee wëlpiɛth guiir looi, ku jɔ luɔidu tiiŋic ëgɔk.

Ɣeberuu 12:1

Cït man cï wok nïïm jɔ dɛ kutdïït ë kɔc cï Nhialic gam, ku acïk wo tuɔɔk cït man ë luäät ke ke woi wopiny. Yok këriëëc ëbɛ̈n kuɛ̈k bei, kak ee wo gɔ̈ɔ̈u ayï karɛc ee tɔ̈u ë nuatnuat ë wocök, ku tɔkï wo wiëëk, yokku ke kuɛ̈k bei. Ku jɔku riŋ ke wo cïï diɛɛr, tëde kë cïï Nhialic tääu ë wonïïm tueŋ.

Nyuuth 1:9

Yɛn Jɔn, mɛnhkënëdun, ku ya raan ee mat wokë week ëtök në këtuc ë wo dhal, ku yok mat ëtök aya në ciɛɛŋ de Yecu Kërtho ku në liɛɛr ë yenpiɔ̈u, yɛn aa nu tuur cɔl Patmo, në baŋ de jam ë Nhialic ku në luɔi aa yɛn cäätɔ në këde Yecu Kërtho.

Nyuuth 3:10

Luɔi cï yïn jamdï muk jam de ruöt cän apiɔ̈u ruut, ke yïn bä muk aya në thaar ë thëm, thaar bï dap bɛ̈n ë piny nɔm ëbɛ̈n, bï kɔc tɔ̈u ë piny nɔm bɛ̈n them kedhie.