2 Kor 5:9 - JAM DE NHIALIC 2011

⁹ Ku kënë en ayok cool ë kɔɔr wok en arëët an, të nu wo baai ayï të nu wo roor, ke wo bï miɛt ë Bɛ̈nydït piɔ̈u.

2 Kor 5:9 ပူးပေါင်းရင်းမြစ်များ

Cäk 4:7

Na ë yï cï këpiɛth looi, adï kɛ̈n yïn gam? Ku në luɔi kën yïn këpiɛth looi, kërac atit yïn ɣöt thok cït man ë köör, akɔɔr nɔn bï yen yï dɔm, ku abä dhil tiaam.”

Yith 56:7

an, “Wek bä bɛ̈ɛ̈i Dhiɔn, në kuurdiën ɣeric nɔm, ku gäm yïn miɛtëpiɔ̈u ɣöndiën ë lɔ̈ŋ ku gam miɔ̈cduön ye nyop ëbɛ̈n cï gam në yïïŋdï nɔm. Luaŋdït abï ya cɔl ɣön ë lɔ̈ŋ de kɔc ke juöör ëbɛ̈n.”

Jɔn 6:27

Duökï ee luui në këcam ee riääk, yak luui në këcam ee tɔ̈u aɣet pïïr athɛɛr, pïïr bïï Wën ë Raan gäm week: yen acïï Nhialic Wääda gäär guöp rinke.”

Luɔi 10:35

Ku në juöör yiic ëbɛ̈n, raan riëëu en ku ye këpiɛth looi, yen anu ë Nhialic piɔ̈u.

Romai 14:18

Ku raan ë Kërtho luööi apiɛth ë kake yiic, ka piɛth ë Nhialic piɔ̈u, ku aye kɔc tɔ ye raan piɛth ayadäŋ.

Romai 14:8

Pïïr pïïr wok, ee këde Bɛ̈nydït en pïïr wok, ku thon thou wok, ee këde Bɛ̈nydït en thou wok, ayï të pïïr wok ayï të thou wok, wok ee kɔc ke Bɛ̈nydït.

Romai 15:20

Yeka, aa nu ë yapiɔ̈u luɔi bän wëlpiɛth aa guiir, të kënë rin ke Kërtho kɔn lueel, ku yɛn aa cïn piɔ̈u luɔi bän yïk ë këërkëër ë raan däŋ nɔm.

1 Kor 15:58

Yen ka, wek mïthëkɔckuɔn nhiaar, yak kɔ̈ɔ̈c tëdun aril, duökï röt ë tɔ jäp tëdun, yak wenyïïn ŋuak në luɔi de Bɛ̈nydït ë aköölnyïïn kedhie, në ŋïny ŋiɛc wek luɔiduön ril nɔn cïï en ee kë ɣɔ̈ric ë Bɛ̈nydïtic.

2 Kor 5:6

Agoku cool ë riit wok wopiɔ̈ɔ̈th, në ŋïny ŋic wok ëcöökë an, të nu wok baai ë guöpda yic, ke wok tɔ̈u roor të liiuwë Bɛ̈nydït.

2 Kor 5:8

Wo ee wopiɔ̈ɔ̈th riit, dï, ku yok lueel an, aduëër ŋuän tëde wook të tɔ̈u wok roor të liiuwë guöpda, ku tɔ̈uku baai në Bɛ̈nydït ëtök.

Epethiei 1:6

në lɛc bï dhuëëŋ de yenpiɔ̈u aa leec dhuëëŋ cï läkëläk, dhuëëŋ cï gäm wook ëdhuëëŋ në biäk de Raan Nhiɛɛr!

Kolothai 1:10

ke rëërdun bï röŋ kekë rëër ë kɔc ke Bɛ̈nydït, ke Bɛ̈nydït bï piɔ̈u miɛt arëët. Yak luɔk në luɔi piɛth ëbɛ̈n, ku ŋuakkï wenyïïn ë ŋïny ŋiɛc wek Nhialic.

Kolothai 1:29

Ku yen aya yɛn rɔt näk piny ë luɔi, cït man ë raan wiët, në riɛldɛn ë luui ë yaguöp ë luɔi ril arëët.

1 Theth 4:1

Cöök ciëën, wek mïthëkɔckuɔ, wek läŋku, ku lëkku week në Bɛ̈nydït Yecu an, Acït man cä wek jam yök tëde wook, jam de rëër bä wek dhil rëër, ke we bï Nhialic tɔ mit piɔ̈u, wek läŋku, ke rëërduön piɛth bï aa cool ë ŋuak e nyin.

1 Theth 4:11

Ke we bï rëër bä wek rëër ëmääth aa cool ë thɛm wek e, ku bäk kakun gup aa looi, ku yak luui ë wecin, acït man cï wok e lɛ̈k week.

1 Tim 4:10

Yen a ye wok luui aläl, ku koon wook, luɔi ee wok Nhialic pïïr ŋɔ̈ɔ̈th, yen aye Konydewëi de raan ëbɛ̈n, ku ye Kony dïït ë wëi tëde kɔc cï gam.

Ɣeberuu 12:28

Jɔku Bɛ̈nydït leec në luɔi cï Yen wo gäm ciɛɛŋ cïï duëër ë nieeŋ. Yok Nhialic tiiŋ piɔ̈u në läm ye wok e lam ku luuiku, ku lecku, yok riɔ̈ɔ̈c ku rïïuku.

Ɣeberuu 4:11

Riitku röt piny apiɛth ke wo bï lɔ në ee lɔ̈ŋë yic, ke bï ciën raan bï ee lɔ̈ŋë dääk në woyiic cït man ë kek.

2 Pet 3:14

Yen tëde ka, wek kɔc nhiaar, në tiët tiɛɛt wek ka cït ee kakë, yak cök ë kaar wek luɔi bï we yök ke we rɛ̈ɛ̈r adïu, ke we cïn piɔ̈ɔ̈th tëthiin col, ku cïn kë bï we gɔ̈k ë yenɔm.