2 Kor 5:21 - JAM DE NHIALIC 2011

²¹ Yen raan kuc kërac acï tɔ ye kërac guöp në biäkda, luɔi bï wo tɔ ye piathëpiɔ̈n ë Nhialic në yen.

2 Kor 5:21 ပူးပေါင်းရင်းမြစ်များ

Jeremia 23:26

Agut cï nɛn, bïï ee tïtkë cool ë mɛth kɔckï në luethkɛn cïk cak?

Jeremia 33:16

Kɔc ke Juda ku Jeruthalem abïï keek kony ku abïk rëër ë läŋ. Pänydït abï cɔɔl an, ‘Bɛ̈nydït ee piathëpiɔ̈nda.’

Danyel 9:24

“Dhorou raan thiërdhorou ke run, ee kaam cï Nhialic mac bï yen kɔcku kekë pänydït ɣeric gäm nɔm lääu në kërac yic kekë luɔi rac. Awäc abï pɔ̈l, ku piathëpiɔ̈u athɛɛr abïï gɔl, ago nyuuth ku kake tiët aa yic, ku be tëɣeric aläl tɔc bɛ gäm Bɛ̈nydït.

Danyel 9:26

Ku të cï aköölkë thök, bɛ̈ny cïï Nhialic lɔc abïï nɔ̈k akur. Ku pänydït kekë tëɣeric abï keek riɔ̈ɔ̈k në bɛ̈ny ril ëtör pec wut. Ku thök de käŋ abï bɛ̈n cït amool, ke bïï tɔŋ kekë riääk cïï Nhialic guiir.

Dhek 13:7

Acï Bɛ̈nydït de rɛm lueel an, “Yaakë rɔt nhial yïn abätäu, ku makë tïn luui yɛn. Yup ke thök ë ke bï thiäi. Yɛn bï kɔckï mak,

Kuɛ̈n 21:9

Go Mothe kërɛɛc ë maläŋ thɔ̈ɔ̈th, ku tɛ̈ɛ̈u në wai nɔm. Go raan cïï kërac kac en aa woi go ŋuɛ̈ɛ̈n.

Luk 1:35

Go tunynhial bɛ̈ɛ̈r, yöök an, “Wëidït ɣer abïk yï lɔ̈ny, ku riɛl ë Nhialic Awärjäŋ abï yï kuöm piny: ago këɣeer bä dhiëëth ago cɔl Wën ë Nhialic.

Luɔi 3:14

Ee raan ɣeric en acäk rɛɛc, Raan piɛthpiɔ̈u, ku raan cï raan däŋ luc yen acäk lɔ̈ŋ an, bï yiɛ̈n week.

Romai 1:17

Piathëpiɔ̈u bɔ̈ tëde Nhialic acï nyuɔɔth ë wëlke yiic në gäm bï kɔc gam, acït man cï e gɔ̈ɔ̈r an, “Raan piɛthpiɔ̈u abï aa pïïr në gäm.”

Romai 4:25

yen Yecu, raan cï rɔt gäm thuɔɔu në këde awäny cuk wööc, ku be yë jat nhial ke bï wo tɔ piɛthpiɔ̈ɔ̈th.

Romai 5:19

Acït man cï kɔc juëc tɔ ye kɔc ë käŋ wööc në dhäŋ cï raan tök löŋ dhɔ̈ŋic, yen acït luɔi bï kɔc juëc tɔ piɛthpiɔ̈ɔ̈th në pïŋ cï raan tök käŋ piŋ.

1 Kor 1:30

Ku yen aye week tɔ tɔ̈u ë Kërtho Yecu yic, raan cïï Nhialic tɔ ye pɛlënɔm në baŋda, ku piathëpiɔ̈u, ku ɣɛɛrëpiɔ̈u, ku wëër wëërë wo bei,

2 Kor 5:17

Yen tëde ka, të de yen raan nu ë Kërtho yic, ka ye kë cï piac cak: kathɛɛr acïk lɔ ya, wɔikï, käŋ acï ke piac cak kedhie.

Galatai 3:13

Kërtho acï wo wɛ̈ɛ̈r bei ë aciɛɛn ë löŋic, luɔi cï e tɔ ye aciɛɛn në biäkda: luɔi cï e gɔ̈ɔ̈r an, “Raan ëbɛ̈n raan nɔ̈ɔ̈k ë tim nɔm, ka cï cieen.”

Epethiei 5:2

Ku rɛ̈ɛ̈rkï në nhiëëric, acït man cï Kërtho wook nhiaar, ago rɔt gaam në biäkda, tɔ rɔt ë kë cï gäm Nhialic, ku näk, ago awäu cï tumëtum bɛ̈ɛ̈i.

Pilipoi 3:9

ku luɔi bï a yök ke ya nu ë yeyic, ke ya cath wokë piathëpiɔ̈u, ku acie këdï, kë bɔ̈ në löŋ, ee kë bɔ̈ në gäm, gäm cän Kërtho gam, yen aye piathëpiɔ̈u ë bɔ̈ tëde Nhialic, në gäm,

Ɣeberuu 4:15

Yecu, Bɛ̈nydan dïït ë kake Nhialic, aŋic täu de kɔ̈c kɔ̈c wok, në baŋ ɣɔn cï Ye kɔn them në thëm kithic cït man ye wo cool ë themë wook, ku Yen akën kërac kɔn looi!

Ɣeberuu 7:26

Ɣɛɛ, Yen Bɛ̈nydïït ë kake Nhialic kɔɔrku ka. Yen aɣeric, acïn guöp awäc, acïn këthïïn cool nu ë Yeguöp, acï pɔ̈c bei ë kɔc ee karɛc looi yiic. Yen Yecu acï jat nhial.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Jɔn 3:5

Ku aŋiɛckï nɔn cï en tuöl bï karɛckuɔ bɛ̈n nyaai, ku acïn kërɛɛc cath kekë yen.