2 Kor 5:15 - JAM DE NHIALIC 2011

¹⁵ Ku thon thou en në biäk de raan ëbɛ̈n, ee kë cïï kɔc pïïr bï bɛ pïïr ë këde yenhden, ka bïk pïïr ë këde raan cï thou në biäkden ku be rɔt jɔt.

2 Kor 5:15 ပူးပေါင်းရင်းမြစ်များ

2 Mel 5:17

Go Naaman lueel, an, “Na cï miɔ̈cdï rɛɛc, ke yï tɔ ya nöm tiɔɔm bïï mul kaarou ɣääc, yïn läŋ, në kë cïn en yanh däŋ bä aa gäm miɔ̈c nyop, ku miɔ̈c nɔ̈k, ee Bɛ̈nydït etök.

Edhekiɛl 16:6

“Na wën aa tɛ̈ɛ̈k ke yï tiëŋ ke yï nyɔɔŋ rɔt piny në riɛmdu yic. Riɛm aacï yï kum guöp ëbɛ̈n, ku yïn kɛ̈n bɛ̈n päl thuɔɔu.

Edhekiɛl 37:14

Yɛn bï wëikï tääu në keyiic, ku bɛ ke tɔ pïïr, ku ta keek rɛ̈ɛ̈r pinyden. Ëtɛ̈ɛ̈n abïk jɔ ŋic nɔn ee Yɛn Bɛ̈nydït. Acä lueel nɔn bän ee kënë looi, ku abä looi. Acä lueel, Yɛn Bɛ̈nydït Awärjäŋ.”

Edhekiɛl 37:9

Go Nhialic lɛ̈k ɛn an, “Mɛnh ë raan, cäärë yom. lɛ̈kë yom an Bɛ̈nydït Awärjäŋ acï yïn yɔ̈ɔ̈k bä bɛ̈n në ɣään kedhie, bä wëi bɛ̈n kuɔɔth në gup cï thuowë yiic, ku bä keek bɛ tɔ pïïric”.

Ɣabakuk 2:4

Ku jamkï an: ‘Kɔc ee karɛc looi acïkï bï pïïr, ku kɔc piɛthpiɔ̈ɔ̈th abïk pïïr në gäm gɛm kek Nhialic.’

Dhek 10:9

Na cakaa nɔn cän ke thiäi ë juööriic, abïk Yɛn tak ke ke mec ëtɛ̈ɛ̈n. Abïk pïïr në mïthken ëtök, ku abïk kenïïm bɛ puɔ̈k wunden kedhie.

Luk 1:74

“Bï wo luäk bei ë kɔc cin kɔc de ater në wook. Agoku ka ke yen aa looi ke cïn riɔ̈ɔ̈c,

Jɔn 5:24

“Wek yɔ̈ɔ̈k ëyic an, Raan piŋ wëlkï, ku gɛm raan ë toc ɛn, ka cath ke pïïr athɛɛr, ku acïn gääk bï tääu ë yeyeth, acï bɛ̈n bei ë thuɔɔuwic, le të nu pïïr.

Jɔn 6:57

Acït Wääda, Raan pïïr, acït man cï en a tooc, ku ya pïïr në Wääda, yen acït pïïr ee raan ë ya cam pïïr ë yen aya.

Romai 12:1

Yen aa läŋ ɛn week, mïthëkɔckuɔ, në kok ë Nhialic piɔ̈u an, Gamkï gupkun abïk aa kë cï lam kë pïïr, kë ɣeric, kë mit ë Nhialic piɔ̈u, gämduön piɛth kï.

Romai 4:25

yen Yecu, raan cï rɔt gäm thuɔɔu në këde awäny cuk wööc, ku be yë jat nhial ke bï wo tɔ piɛthpiɔ̈ɔ̈th.

Romai 6:2

Acie yen! Wok kɔc cï thou tëde kërac, buk ŋoot ë wo pïïr thïn adï?

Romai 6:6

Aŋicku nɔn cï raandan thɛɛr piäät ë tim cï rïïu nɔm kɔ̈u kekë yen ëtök, ke guöp de kërac bï riääk, agoku cuö be aa lïïm ke kërac,

Romai 8:10

Ku të nu Kërtho ë weyiic, ke guöp ë thou në baŋ de kërac, ku pïïr Wëi në baŋ de piathëpiɔ̈u.

Romai 8:2

Ku löŋ de Wëi ke pïïr, löŋ nu ë Kërtho Yecuyic, acï a luöny bei në löŋ de kërac kekë thuɔɔu.

Romai 8:6

Täŋ ee raan ka ke guöp tak yen aye thuɔɔu, ku täŋ ee raan ka ke Wëi tak yen aye pïïr ku ye mät.

1 Kor 10:33

acït man ë yɛn, yɛn ee kɔc tɔ mit piɔ̈ɔ̈th në këriëëcic ëbɛ̈n, yɛn cïï piathdï ee kɔɔr, ee piath de kɔc juëc en aa ya kɔɔr, luɔi bï ke kony wëi.

2 Kor 12:10

Yɛn a ya yɛn ë piɔ̈u miɛt ë kɔ̈c kääc ɛn, ku në lɛ̈ɛ̈t ee ya läät, ku në dak aa yɛn dak ë käŋ, ku në yöŋ ee ya yɔŋ, ku në dhäl ee käŋ a dhal, në biäk de Kërtho: kööl kääc ɛn en aye kööl riɛl ɛn.

2 Kor 3:6

Raan cï wo tɔ lëu käŋ, buk aa kɔc ee ka ke löŋ cï piac mac ŋiëc guiir, ku guiëërda acie këde wël cï gɔ̈ɔ̈r tei, ee këde wëi: wël cï gɔ̈ɔ̈r tei ayek kɔc nɔ̈k, ku wëi kek aye kɔc tɔ pïïr.

2 Kor 5:16

Yen acïn en raan beku ŋic ë baŋ de guöp: acakaa Kërtho guöp, të ciɛk wok e kɔn ŋic në baŋ de guöp, ka cuku be ŋic aya.

Galatai 5:25

Të pïïr wok ë Wëi yiic, ke wo ye cath ë Wëi yiic ayadäŋ.

Epethiei 4:17

Yen aluɛɛl ɛn cöökë, ke ya ye cäätɔ ë Bɛ̈nydïtic an, duökï ë bɛ rëër ë rëër ë Juöör, kɔc ë rëër ke ke ye ɣɔ̈ric tak ë kenïïm,

Epethiei 5:14

Yen a lueel en en an, “Jɔ pääc, yïn ë raan ninë, jɔt rɔt ë kɔc cï thou yiic, ke yï bïï Kërtho riaau.”

Kolothai 2:12

We cï tɔ̈ɔ̈u në yen ëtök në baptith, ku we cï bɛ jɔt thïn aya, në gäm cä wek luɔi de Nhialic gam, Raan ë jɔt en ë kɔc cï thou yiic.

Kolothai 3:1

Ku ënɔɔnë, të cï we jat nhial në Kërtho ëtök, yak ka nu tënhial kɔɔr, të rëër ë Kërtho thïn, ke rɛ̈ɛ̈r ë ciin cuëny de Nhialic.

Kolothai 3:17

Ku na de kë luɔikï, nɔn ee yen jam ku nɔn ee yen luɔi, yak ke looi ëbɛ̈n në rin ke Bɛ̈nydït Yecu, ke we ye Nhialic Wääda yɔ̈ɔ̈k an, thieithieei, në këde.

Kolothai 3:23

Na de kë luɔikï, ke luɔikï ë wepiɔ̈ɔ̈th thïn, cït man aa wek Bɛ̈nydït luööi, ku cäkkï kɔc ee luööikï tei.

1 Theth 5:10

raan cï thou në biäkda, luɔi bï wook pïïr në yen ëtök, ayï të yïn wok ayï të niin wok.

Tito 2:14

raan cï rɔt gäm thuɔɔu në biäkda, luɔi bï en wo wɛ̈ɛ̈r bei ë luɔi racic ëbɛ̈n, ago jur mɛɛn tɔ ɣerpiɔ̈u ëtop abï aa këde, jur lëthic ë luɔi piɛth.

1 Pet 4:6

Yen aa guïïrë wëlpiɛth kɔc aɣɔ̈l kɔc cï thou, ke löŋden bï guiir ë guiëër ë kɔc rɛ̈ɛ̈r ë guöpic, ku bïk pïïr ë wëi yiic në këde Nhialic piɔ̈u.

1 Jɔn 4:9

Ëcöökë yen aa le nhiëër ë Nhialic dhek tëde wook, tuöc cï Nhialic Wëndɛn töŋ cï dhiëëth tuööc ë piny nɔm, luɔi bï wo pïïr në yen.

Nyuuth 1:18

Ku ya raan pïïr, yɛn aacï thou, ku tïŋ ya kï pïïrë aɣet wadäŋ thɛɛr, ku yɛn cath wo mukthɛ̈ɛ̈r ke thuɔɔu ku paan ë thuɔɔu.