2 Kor 5:1 - JAM DE NHIALIC 2011

¹ Ku kënë aŋicku an, ɣöndan ë piny nɔm, yen paany ee wok rëër thïn, të cï en riääk, ke wo de ɣön bɔ̈ tëde Nhialic, ɣön ë cïï yïk ë raan ciin, ee ɣön bï tɔ̈u athɛɛr paannhial.

2 Kor 5:1 ပူးပေါင်းရင်းမြစ်များ

Cäk 3:19

Ku yïn bï ya cam në abiɔ̈r ë yïnyin, agut të bïn yïnɔm puɔ̈k abuui yic. Yïn aa cuɛ̈ɛ̈c abuui, ku yïn bï yïnɔm bɛ puɔ̈k abuuidu yic.”

Jop 30:22

Yïn gɔp ɛn ku cuatë yɛn ë yomic, ku jɔ amaŋ ɛn aa cuat tɛ̈n ku tɛ̈n.

Jop 4:19

Ku bï jɔ tɔ̈u adï kekë kɔc nu ë ɣöötkɛn ke tiɔp yiic cï ke keeriic në abuui yic, cïï keek bï nhiac yiic cït man apärpär?

Diɛt 56:9

Kööl cän Yï cɔɔl, kɔc ke aterdï abï ke pɔ̈k nïïm ciëën, yɛn ŋic ee kënë: Nhialic atɔ̈u kekë yɛn,

Yith 38:12

Pïïrdï acï teem kɔ̈u tɔ thök, cït man ë paany cï lɛɛr piny, cït man ë lupɔ cï tɛɛm thok wei. Aa ya cät nɔn tɔ Nhialic pïïrdï thök.

Mak 14:58

“Acuk piŋ ke lueel an, ‘Luaŋdït ɣön cï yïk ë kɔc cin abä jäp piny, ku bä däŋ bɛ yïk ë akööl kadiäk, ɣön cïï bïï yïk ë kɔc cin.”’

Luɔi 7:48

“Ku Awärjäŋ acie rëër ë luëk yiic tei, luëk cï yïk ë kɔc cin, acït nɔn cï ë tiët ye lueel an,

1 Kor 3:9

Wok ee kɔc ë luui në Nhialic ëtök: wek ee dom ë Nhialic. Ku yak alooc de Nhialic.

2 Kor 4:7

Ku wo ee këpiɛthë muk ë ka cï cuëëc ë tiɔp yiic, kë dïït ë riɛl wär këriëëc kë bï aa këde Nhialic, ku cïï bɔ̈ tëde wook.

2 Kor 5:4

Ku wok kɔc ë tɔ̈u ë paany yic ënɔɔnë, wo ye kïm ëyic, ku yok duɔɔny, ku acie rëër bï wo rëër ke wo cïn kɔ̈ɔ̈th lupɔɔ en kɔɔrku, wo kɔɔr luɔi bï wo kɔ̈ɔ̈th dɛ lupɔɔ, ago këdan kɔɔr thuɔɔu, ago liek ë pïïr.

Kolothai 2:11

Ku we cï cueel ë yen në cuɛ̈l kënë looi ë raan ciin, ee luny cä wek guöp de rïŋ luöny bei, në cuɛ̈l cïï Kërtho we tɔ cuel.

2Tim 1:12

En aa guööm ɛn ee kakë aya: ku acä keek guum, ke yɛn kën yäär, në biäk ŋiɛc yɛn raan cä gam, ku aŋiɛc ëgɔk nɔn duëër en këdäŋ ŋiëc tiit kë cä kuɛ̈i yen aɣet kööl bï bɛ̈n.

Ɣeberuu 11:10

Abraɣam aa tit jäl le yen wun nu paannhial kɛ̈ɛ̈c ë këërkëërde aril aɣet athɛɛr. Wun ë keer Nhialic yic ku yïk.

Ɣeberuu 9:11

Ku ënɔɔnë Kërtho acï bɛ̈n ke ye Bɛ̈nydïït ë kake Nhialic, kapiɛth nu eenë, yï thon cï Yen thou ku pɛ̈l wook karɛckuɔ, ku paanydïït Yen luui thïn ee dikëdik aläl, acie paany ë yïk ë raan, ee tëɣeric nu paannhial.

Ɣeberuu 9:24

Ku Kërtho akën lɔ në tëɣeric yic kë ë yïk ë raan ciin. Ee tëɣeric yic nu paannhial yen aleer En guöpde, ku ënɔɔnë ee tïc ë Nhialic nɔm në nyinda yic.

1 Pet 1:4

ke wo bï këdäŋ lɔ̈ɔ̈k lak, kë cïï bï dhiap, ku cïnic acuɔl, ku cïï bï yom, kë cï tɔ̈ɔ̈u paannhial tïtë week,

2 Pet 3:11

Ku ënɔɔnë, nɔn bï kake riääk kedhie, bäk dhil aa kɔc cït ŋö në rëërduön ɣeric aa wek rëër ku riëëuduön aa wek Nhialic riëëu,

1 Jɔn 3:14

Aŋicku nɔn cï wok bɛ̈n bei ë thuɔɔuwic lok të nu pïïr, në nhiëër nhiɛɛr wok mïthëkɔckuɔ. Raan cïï kɔc ee nhiaar, ka tɔ̈u ë thuɔɔuwic.

1 Jɔn 3:19

Këë ŋic wok en nɔn rɛɛn wok në yic kï, ku yen abï wok wopiɔ̈ɔ̈th päl piny ë yenɔm.

1 Jɔn 3:2

We kɔc nhiaar, wok ee mïth ke Nhialic ënɔɔnë, ku täudan bï wok tɔ̈u rial akën guɔ tïc. Ku aŋicku nɔn bï wo ciët en, kööl bï en tuöl, në tïŋ bï wok e tïŋ täu tɔ̈u en.