2 Kor 4:9 - JAM DE NHIALIC 2011

⁹ wok ee yɔŋ, ku wo kënë päl wei, wo ye dɛɛny piny, ku cïï wo näk ëliŋliŋ.

2 Kor 4:9 ပူးပေါင်းရင်းမြစ်များ

Jop 22:29

Të ye kɔc kuɔɔr piny aye lueel an, ë ke jɔtë nhial, ku abï Nhialic ke kony.

Diɛt 129:2

“Të wään ee yɛn meth, kɔc ke aterdï acïk yɛn yɔŋ arac, ku akënkï yɛn tiaam.

Diɛt 22:1

Nhialicdï, Nhialicdï, eeŋö pɛ̈l yïn ɛn? Yïn cä cɔɔl në dhiënëpiɔ̈u an luäk ɛn ku Yïn kën bɛ̈n.

Diɛt 37:28

në biäk nhiɛɛr ë Bɛ̈nydït yic, acïï kɔckɛn cï gam bï pɔ̈l. Kɔc piɛthpiɔ̈ɔ̈th abïk tɔ̈u athɛɛr, ku mïth ke kɔc rac abïï ke cuɔp wei.

Diɛt 42:11

Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.

Diɛt 42:5

Eeŋö dhiaau ɛn piɔ̈u? Ku eeŋö diɛɛr ɛn? Yɛn bï aŋäthdï tääu në Nhialic guöp, ke bä bɛ leec, yen konydï ku Nhialicdï.

Diɛt 9:10

Bɛ̈nydït kɔc ŋic Yïn, abïk Yïn ŋɔ̈ɔ̈th, Yïn cïï raan cï bɛ̈n tëde Yïn ee rɛɛc,

Kɛ̈ŋ 24:16

Të ciɛk kɔc piɛthpiɔ̈ɔ̈th wïïk raanbɛ̈t ayek röt jɔt, ku na kɔc ee karɛc looi aye riääk ke jäp piny.

Yith 43:2

Të tëëk yïn në pïïuwiic të thiäŋ, Yɛn bï tɔ̈u wo yïn, kadhal yïn acïkï yïn bï tiaam. Të tëëk yïn në macic, yïn cïï bï nyop, këril them yïn ëbɛ̈n acïn kë bïï luöi yïn.

Yith 62:4

Yïn cïï bï bɛ aa cɔɔl an, “Raan cï pɔ̈l,” ku nɔn cɔl pinydu an, “Tiiŋ cï pɔ̈l.” Rinkuön cï piac cak abï aa cɔɔl an, “Nhialic amit piɔ̈u ke yen.” Pinydun abï aa cɔɔl an, “Thiëŋ de Miɛtëpiɔ̈u,” në biäk mit ë Bɛ̈nydït piɔ̈u ke yïn, ku abïï ciët mony de tik ke pinydun.

Maika 7:8

Du yïnɔm lec në yɛn raan de ater, na cakaa nɔn cän wïïkë, yɛn bï rɔt bɛ jɔt. Na ya cakaa rëër në mɔ̈ɔ̈th yic ënɔɔnë, Bɛ̈nydït ee yɛn gäm ɣɛɛr.

Ɣabakuk 3:17

Na cak ŋaap ku olip nïïm ciën mïth ku cïn duum yiic rap cam, ke yɛn bï ŋoot ke ya mit piɔ̈u në biäk de Bɛ̈nydït, ku na cak thök thou ëbɛ̈n ku cïn ɣɔ̈k nu ë luɛ̈k yiic,

Jɔn 15:20

Takkï wenïïm në jam cä lɛ̈k week an: ‘Lïm acï bɛ̈nyde wär ë dït.’ Të cï kek a yɔŋ, ka bïk we yɔŋ ayadäŋ, ku të cï kek jamdï döt, ka bïk jamdun döt ayadäŋ.

Romai 8:35

Eeŋa bï wo pääk në nhiëër ë Kërtho? Bï ë këril gumku lëu, ayï kërɛɛc dhal wook, ayï yöŋ, ayï cɔk, ayï ciën cïn wokɔ̈ɔ̈th lupɔɔ, ayï riɔ̈ɔ̈c, ayï tɔŋ, de töŋ bï e lëu ë keyiic?

2 Kor 7:6

Acakaa kakë kek ë nu, Nhialic, Raan ë kɔc riit piɔ̈ɔ̈th kɔc ë piɔ̈ɔ̈th dhiau, acï wo riit piɔ̈ɔ̈th në bɛ̈n de Tito.

2Tim 3:12

Yeka, ku kɔc kedhie kɔc ee nyïïn riɛl an, bïk aa rëër ë Kërtho Yecuyic ke ke riëëu Nhialic, kek abï dhil yɔŋ.

Ɣeberuu 13:5

Duökï piɔ̈ɔ̈th ee dït në nhiëër ë kajuëc kaarkï, yak piɔ̈ɔ̈th miɛt në ka tɔ̈u në week. Në luɔi cïï Nhialic e lueel an, “Yïn cä bï nyääŋ piny aya ku yïn cä bï kɔn pɔ̈l anandï.”