2 Kor 4:6 - JAM DE NHIALIC 2011

⁶ Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

2 Kor 4:6 ပူးပေါင်းရင်းမြစ်များ

Cäk 1:3

Ago Nhialic lueel an, “Ɣɛɛr ë bɔ̈”, go ɣɛɛr bɛ̈n.

Diɛt 63:2

Tɔ ya tïŋ riɛldu, ku dhuëëŋdu, cït man cän Yï tïŋ tëɣeric.

Diɛt 74:16

Yïn cï aköl kekë wakɔ̈u cak, ku tääuwë akɔ̈l kekë pɛɛi ë ɣäänken yiic,

Diɛt 90:16

Tɔ awuutku tïŋ luɔiduön dït, tɔ kuatda tïŋ dït de dhuëëŋdu.

Yith 35:2

Jɔ̈ɔ̈r abï ket ku moc kiɛɛu de miɛtëpiɔ̈u. Abï läk cï läk de kuur ke Lebanɔn ku abïk ŋiëc luɔk cï luɔk de duum ë Karmel ku Caron. Raan ëbɛ̈n abï diɛk de Bɛ̈nydït tïŋ ku tïŋ riɛlde ku dïtde.

Yith 40:5

Ku dhuëëŋ de Bɛ̈nydït abïï nyuɔɔth, ku abïï mɛnh ë raan tïŋ ëbɛ̈n. Ku Bɛ̈nydït guöpde acï lueel.”

Yith 45:7

Yɛn aa cak ɣɛɛr ke mɔ̈ɔ̈th, Yɛn ë athiɛɛi ku dhiëëu bɛ̈ɛ̈i. Ee Yɛn Bɛ̈nydït, yɛn ë loi ee kakë kedhie.

Yith 60:2

Juöör kɔ̈k abïï cuɔl ke kuöm piny, ku në yïkɔ̈u many de Bɛ̈nydït abï riaau, Ɣɛɛr de täude abï tɔ̈u ke yïn.

Luk 10:22

“Käŋ kedhie acï Wäär ke yiɛ̈n ɛn: ku acïn raan ŋic wënde, nɔn ee yen ŋa, ee wun etök, ku acïn raan ŋic wun, nɔn ee yen ŋa, ee wënde etök, ku raan nu ë Wënde piɔ̈u luɔi bï en ë nyuöth en.”

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 11:40

Go Yecu yɔ̈ɔ̈k an, “Kɛ̈n lɛ̈k yïn an, të gëm yïn, ke yïn bï dhuëëŋ ë Nhialic tïŋ?”

Jɔn 12:41

Kakë aake lueel Yithaya, të ɣɔn tïŋ en dhuëëŋde, ago jam në këde.

Luɔi 26:18

Lɔ keek liep nyïïn, ke ke bï röt yäl bei ë mɔ̈ɔ̈thic lek tëɣer, ku yɛlkï röt bei ë riɛl ë Catanic, lek të nu Nhialic, agokï nyiɛɛi de karɛc yök, ku yökkï kë bïk lɔ̈ɔ̈k lak në kɔc ëtök kɔc cï tɔ piɛthpiɔ̈ɔ̈th në gäm cï kek a gam.’

1 Kor 12:8

Ŋɛk aye Wëidït miɔɔc në jam ë pɛlënɔm, ku miɔɔc ŋɛk në jam de ŋïnydekäŋ, në Wëi manë gup.

2 Kor 2:10

Ku raan bäk päl këdäŋ, ka cä pɔ̈l aya, ku të cän këdäŋ päl raan, ka ye biäkdun week, en aa päl ɛn en ë Kërtho nɔm,

2 Kor 3:18

Ku wook wodhie, wok ee dhuëëŋ de Bɛ̈nydït woi cït man ë wo käŋ woi ë mɛnhdheric, ke cïn lupɔ kum wonyïïn, agoku röt aa puk buk aa ciët täudɛn manë guöp, ku yok dhuëëŋ yök dhuëëŋ ee cool ë ŋuak rɔt, ku ye Bɛ̈nydït en abïï en, yen aye Wëidït.

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

Epethiei 1:17

ke Wun Bɛ̈nydan Yecu Kërtho, yen aye Wun de nɔm lɛc, ke bï we miɔɔc në wëi ke pɛlënɔm ku nyuuth bï we nyuöth käŋ, luɔi bä wek e ŋic apiɛth.

Epethiei 1:18

Ke we bï tɔ daai apiɛth në nyïïn ke wepiɔ̈ɔ̈th, bäk aŋäth ŋic aŋäth de cɔ̈tdɛn cï en we cɔɔl, ku ŋiɛckï dhuëëŋ bïï Nhialic lɔ̈ɔ̈k lak ë kɔckɛn ɣerpiɔ̈ɔ̈th yiic, dït dïït en,

Epethiei 5:8

Wek aaye cuɔlëpiny ɣɔn, ku ënɔɔnë, wek ee ɣɛɛrëpiny ë Bɛ̈nydïtic: rɛ̈ɛ̈rkï ë rëër ë mïth ke ɣɛɛrëpiny,

Pilipoi 2:6

Acakaa yen e cït guöp Nhialic, ke kït kït en kekë Nhialic akën tɔ ye kë bï dhil muk aril, ku cïï päl.

Kolothai 1:15

Yen acït guöp Nhialic Raan cïï duëërë tïŋ, ku ye kɛ̈ɛ̈i ë ka cï cak ëbɛ̈n.

1 Theth 2:12

an, bäk ŋiëc rëër ë rëër ee röŋ ke Nhialic, Raan ë cɔl week ë ciɛɛŋde ku dhuëëŋde.

Ɣeberuu 1:3

Ku Wën ë Nhialic Yen aa nyooth dhuëëŋ de Nhialic. Ku Yen athöŋ guöp ke Nhialic. Ku ye këriëëc de piny nɔm döt ëbɛ̈n në jamdɛn ril ë tör. Të wään cï Yen karɛc ke mɛnh ë Raan ëbɛ̈n waak wei, ke jɔ nyuc paannhial në ciin cuëny de Nhialic Awärjäŋ.

Ɣeberuu 6:4

Duëër kɔc cï lɔ ciëën bɛ dak nïïm ë puŋëpiɔ̈uwic adï! Të cï kek kɔn nu ë ɣɛɛric ku thiëpkï miɔ̈c ë bɔ̈ nhial, ku rɔmkï Wëidït ɣer ë wook ëtök,

1 Pet 1:12

Ku acï nyuöth keek, nɔn cïï en ee biäkden ee biäkdun yen aaye kek kakë looi, ka cï guiëër week ënɔɔnë në kɔc wään guïïr week wëlpiɛth në riɛl ë Wëidït ɣer Wëi ë tooc paannhial, ku tuucnhial ayek kakë kɔɔr luɔi woi kek keyiic.

1 Pet 2:9

Ku wek ee dhiën cï lɔc, bäny ke kake Nhialic, bäny ke dhiën ë melik, jur ɣeric, kɔc lɛɛn ke Nhialic pei, ke we bï kɔc aa guiëër piath de Raan ë cööl week bei ë cuɔlic bäk aa tɔ̈u ë ɣɛɛrdɛn ë pinyic ɣɛɛrdɛn ë gäi.

2 Pet 1:19

Ku wo cath në jam de tït aya, jam yic ëgɔk, jam wär jamë, ku apiɛth tëde week të dɔ̈t wek jamë, luɔi ee yen ciët manyëalath ee riau tëcol, a ruu piny, ago ciëër ë runëpiny rɔt jɔt ë wepiɔ̈ɔ̈th.