2 Kor 4:5 - JAM DE NHIALIC 2011

⁵ Ku wo cie guïïr ë këda, ee këde Kërtho Yecu Bɛ̈nydït en ë yok guiir, ku wook, wok ee lïïmkun në biäk de Yecu.

2 Kor 4:5 ပူးပေါင်းရင်းမြစ်များ

Math 23:8

Ku week, duökï röt ë tɔ cɔl an, ‘Rabi,’ në biäk dɛ wek nïïm Bɛ̈nyduön tök ee wëët, yen aye Kërtho, ku wek ee mïth ke raan tök wedhie.

Math 3:11

Yɛn dï, wek a baptith ë pïïu tei në këde puŋëpiɔ̈u, ku raan bɔ̈ ë yacök ee raan ril ë yɛn, yɛn cïï röŋ luɔi bän wɛɛr ke yencök muk, yen abï we baptith në Wëidït ɣer ku në mac,

Jɔn 7:18

Raan ë jam ëkëde yenhde ee lɛc de yenguöp en kɔɔr: ku raan kɔɔr lɛc de raan ë toc en, yen aye raan yic, ku cïnic kërac.

Luɔi 10:36

Jam cïï Nhialic tuöc kɔc ke Yithriɛl, ke guiir mät në Yecu Kërtho, yen aye Bɛ̈nydït nu ë kɔc nïïm kedhie.

Luɔi 2:36

“Na ënɔɔnë, tɔ baai de Yithriɛl ëbɛ̈n tɔ ŋic cöökë ëgɔk an, Yecu manë, raan wään cäk piäät ë tim cï rïïu nɔm kɔ̈u, yen acïï Nhialic tɔ ye Bɛ̈nydït ku tɔ ye Kërtho aya!”

Luɔi 5:31

Yen acïï Nhialic jat nhial në ciin cuënyde, abï aa Bɛ̈nydït ku ye Konydewëi, bï Yithriɛl tɔ puk e piɔ̈u, ku tɔ karɛcken päl.

1 Kor 1:23

ku wook, wok guiir Kërtho, raan cï piäät ë tim cï rïïu nɔm kɔ̈u, tëde Judai, ee kë ye kɔc tɔ kɔ̈th, ku tëde Girikii ee këɣɔ̈ric,

1 Kor 10:33

acït man ë yɛn, yɛn ee kɔc tɔ mit piɔ̈ɔ̈th në këriëëcic ëbɛ̈n, yɛn cïï piathdï ee kɔɔr, ee piath de kɔc juëc en aa ya kɔɔr, luɔi bï ke kony wëi.

1 Kor 12:3

En ata yɛn we ŋic cöökë, yen acïn raan jam ke cath ke Wëndït ɣer ke Nhialic raan bï e lueel an, “Yecu ade guöp aciɛɛn!” Ku acïn raan duëër e lueel an, “Yecu ee Bɛ̈nydït,” të cïï en cath ke Wëidït.

1 Kor 15:47

Raan tueŋ aa bɔ̈ piny, ee këde piny: raan lɔ ë yecök, ee Bɛ̈nydït bɔ̈ paannhial.

1 Kor 2:2

Yɛn cï löŋ teem ë yapiɔ̈u an, acïn kë bä ŋic ë weyiic, ee Yecu Kërtho etök, ku piëët ë piëëtë yen ë tim cï rïïu nɔm kɔ̈u.

1 Kor 4:15

Ku na cäk dɛ agum de kɔc kathiëër nu, kɔc ee week wɛ̈ɛ̈t ë ka ke Kërtho, ku acïn wärkun juëc nu: we cä dhiëëth ë Kërtho yic në guiëër ë wëlpiɛth.

1 Kor 8:6

ku të de wook ade Nhialic tök tei, yen Wääda, Aciëŋ ë bïï käŋ kedhie ë ye, ku tɔ̈uku në yen, ku Bɛ̈nydït tök, yen Yecu Kërtho, raan tɔ̈uwë käŋ kedhie ë ye, ku tɔ̈uku në yen.

2 Kor 1:19

Wën ë Nhialic, Yecu Kërtho, raan ë wok rinke guiir ë weyiic, wo wokë Thiluano ku Timotheo, yen aacïï ye “Ɣɛɛ” ku be aa “Ei,” käŋ ayek “Ɣɛɛ” tëde yen.

2 Kor 1:24

Ku acie luɔi ee wok week cieŋ, wok ee kɔc ee week kony në miɛt bä we piɔ̈ɔ̈th miɛt: ee gämdun en a kääc wek.

Galatai 5:13

Ee cäth bä wek aa cath ë nɔm lääu yen aa cɔɔl ë week, wek mïthëkɔckuɔ, ku cäth aa wek cath ë nɔm lääu duökï ye kuöc dɔm, takï ye kë de luɔi de guöp, ku yak röt luööi cït man ë lïïm, në nhiëër aa wek röt nhiaar.

Pilipoi 1:15

Kɔ̈k ayek ka ke Kërtho guiir në tiɛɛl tei, kekë ater, ku guiir kɔ̈k në piɔ̈n piɛth aya.

Pilipoi 2:11

go liëp ëbɛ̈n Yecu Kërtho gam an, ee Bɛ̈nydït, ke Nhialic Wääda bï dhuëëŋ yök.

2Tim 2:10

Yen a ya yɛn këriëëc guum ëbɛ̈n në biäk de kɔc cï lɔc, ke ke bï kunydewëi yök aya kuny nu ë Kërtho Yecuyic kekë dhuëëŋ bï tɔ̈u aɣet athɛɛr.

Tito 1:11

Kɔckë abï ke dhil ruɔɔt thook, ayek dhiën riɔ̈ɔ̈k ëliŋliŋ, ku yek kɔc wɛ̈ɛ̈t ë kë cïï piɛth, në biäk de nhiëër nhiɛɛr kek wëu ke ayäär.

2 Pet 2:3

Ku kɔɔr ee kek wëu juëc kɔɔr, en a bï kek week aa cam në jam ë ruëëny, ku guiëër bï löŋden guiir, guiëërdɛn thɛɛr, acie gääu, ku cïï riääkden ee nok!