2 Kor 4:14 - JAM DE NHIALIC 2011

¹⁴ Në ŋïny ŋic wok cöökë an, Raan wään jɔt Bɛ̈nydït Yecu nhial, en abï wo jat nhial aya në Yecu, ago wo tääu ë yenɔm wokë week ëtök.

2 Kor 4:14 ပူးပေါင်းရင်းမြစ်များ

Yith 26:19

Kɔckuɔn cï thou abïk bɛ pïïr! Gupken abïk röt dɔ̈k ë pïïr yic. Kɔc nin në rɛ̈ŋken yiic ëbɛ̈n abïk pääc ku kïtkï ë miɛtëpiɔ̈u. Cït man ye thɛ̈ny thiin lɔ bilbil piny tɔ dëk, yen abï Bɛ̈nydït kɔc cï thou thɛɛr bɛ tɔ pïïr.

Luk 21:36

Yen aa wek röt tiit, ku yak cool ë lɔ̈ŋ ë aköölnyïïn kedhie, ke bï we tɔ ye kɔc ee röŋ në luɔi bä wek poth ë ka bï bɛ̈në kedhie, aguɔkï kɔ̈ɔ̈c ë Wën ë Raan nɔm.”

Luɔi 2:24

Yen acïï Nhialic jat nhial, të cï en e luöny bei ë thuɔɔuwic: luɔi dhɛlë thuɔɔu muŋ bï en e muk.

Luɔi 2:32

Yen Yecu manë, yen acïï Nhialic jat nhial, ku wook wodhie wok ee cäätɔɔ në ee cöökë.

Romai 8:11

Ku të rëërë Wëi ë weyiic, ke Wëi ke Raan wään cï Yecu jat nhial ë kɔc cï thou yiic, të rëër kek ë weyiic, ke Raan cï Kërtho jat nhial ë kɔc cï thou yiic, yen abï week tɔ pïïr gup gup de yiic thuɔɔu, në riɛl ë Wëikɛn ee rëër ë weyiic.

1 Kor 6:14

Ku Nhialic ë Bɛ̈nydït jat nhial, ku abï wo jat nhial aya në riɛldïït ë yencin.

2 Kor 11:2

Yɛn de yic tiɛɛl ë biäkdun, tiɛɛl ë Nhialic: luɔi cän week tɔ thiak ë mony tök, luɔi bän week gäm Kërtho cït man ë dhueny awai.

Epethiei 5:27

luɔi bï en e tääu ë yenɔm, abï aa ɣön ë Nhialic de yic dhuëëŋ, ke cïnic këthiin rac, ayï anyuin, ayï däŋ cït ee kënë aliu, ku abï yic ɣɛɛr ëwic ku cïnic kë bï e gɔ̈k.

Kolothai 1:22

në guöpdɛn ë rïŋ, në thon cï en thou, luɔi bï en we tääu ë yenɔm, ke we ɣeriic ku cïn gääk bï we gɔ̈k, ku cïn jäny bï we jɔ̈ɔ̈ny,

Kolothai 1:28

Yen aye raan ee wok këde guiir, ke yok raan nen ëbɛ̈n ku yok raan wɛ̈ɛ̈t ëbɛ̈n në pɛlënɔm ëbɛ̈n, luɔi bï wok raan ëbɛ̈n tääu ë yenɔm ke ye piɔ̈u dikëdik ë Kërtho Yecuyic.

1 Theth 4:14

Ku të gɛm wok en nɔn cï Yecu thou, ku be rɔt jɔt, yen acït bïï bï Nhialic kɔc cï lɔ niin ë Yecuyic bɛ̈ɛ̈i në yen ëtök.

Jakop 5:15

Ku lɔ̈ŋ nu gäm thïn yen abï raan tök kony, go Bɛ̈nydït jat nhial, ku na de karɛc cï looi, ka bï kë päl en.

Juda 1:24

Ku ënɔɔnë, Nhialic Raan ŋic week gël ke we cïï bï aa wïïk, ku ŋïc week tääu ë dhuëëŋde nɔm ke cïn kë bï we gɔ̈k, abäk piɔ̈ɔ̈th a yum aläl,