2 Kor 4:11 - JAM DE NHIALIC 2011

¹¹ Ku wo kɔc pïïr, wo ye cool ë yïnë wo thuɔɔu në baŋ de Yecu, luɔi bï pïïr ë Yecu tïc ë guöpda yic guöp de yic thuɔɔu.

2 Kor 4:11 ပူးပေါင်းရင်းမြစ်များ

Diɛt 141:7

Cït man ye kuur cï cuat piny dhuɔɔŋ abïï lɔ thorthor, yen abï ciët yomkɛn bï lɔ thorthor në paan ë thuɔɔu thok.

Diɛt 44:22

Në biäkdu, wok ee nɔ̈k ë akööl nyïïn ëbɛ̈n, wo cï tɔ cït thök ye tɛm röt.

Romai 8:11

Ku të rëërë Wëi ë weyiic, ke Wëi ke Raan wään cï Yecu jat nhial ë kɔc cï thou yiic, të rëër kek ë weyiic, ke Raan cï Kërtho jat nhial ë kɔc cï thou yiic, yen abï week tɔ pïïr gup gup de yiic thuɔɔu, në riɛl ë Wëikɛn ee rëër ë weyiic.

Romai 8:36

Acït man cï e gɔ̈ɔ̈r an: “Në biäkdu wok ee nɔ̈k ë akööl ëbɛ̈n, Wo cï tɔ ye thök bï tɛm röt.”

1 Kor 15:31

Yeka, në lɛc aa yɛn rɔt leec ë këdun ë Kërtho Yecu Bɛ̈nydïïtda yic, ee yic en luɛɛl an, Yɛn ee cath ke ya cï thou ë aköölnyïïn kedhie.

1 Kor 15:49

Ku cït man ë ye wo cath në cuɛ̈c de raan ë piny, yen abï wo cath ayadäŋ në cuɛ̈c de raan ë paannhial.

2 Kor 4:10

Thon ë Bɛ̈nydït Yecu en ayok cool ë ɣɛ̈ɛ̈c wok en ë wogup, ke pïïr ë Yecu bï tïc ë wogup ayadäŋ.

2 Kor 4:12

Yen tëde ka, thuɔɔu ee luui ë woyiic, ku lui pïïr ë weyiic.

2 Kor 5:4

Ku wok kɔc ë tɔ̈u ë paany yic ënɔɔnë, wo ye kïm ëyic, ku yok duɔɔny, ku acie rëër bï wo rëër ke wo cïn kɔ̈ɔ̈th lupɔɔ en kɔɔrku, wo kɔɔr luɔi bï wo kɔ̈ɔ̈th dɛ lupɔɔ, ago këdan kɔɔr thuɔɔu, ago liek ë pïïr.

2 Kor 6:9

acït kɔc kuc, ku wo ŋic apiɛth, acït kɔc an, thoukï, ku tiëŋkï, wok pïïr, acït kɔc cï dui, ku wo kënë nɔ̈k,