2 Kor 3:8 - JAM DE NHIALIC 2011

⁸ na guiëër ë wëi eeŋö cïï en guiëërë bï wöör ë dhuëëŋ?

2 Kor 3:8 ပူးပေါင်းရင်းမြစ်များ

Yith 11:2

Wëi ke Bɛ̈nydït abïk En gäm pɛlënɔm, ku ŋïnydekäŋ ku tëët bï yen kɔcke ŋiëc mac. Abï këde Bɛ̈nydït piɔ̈u ŋic ku abïï riëëu,

Yith 44:3

“Yɛn bï piny nɛ̈k rou miɔɔc në pïïu, ku ta pïïu tɔ wat piny ril. Yɛn bï wëikï wäl në mïthkun gup, ku athiɛɛidï në kuatdun gup.

Yith 59:21

Ku luɔi mät wo week: wek cä gäm riɛldï ku wëëtdï, ke bï ya këdun aɣet athɛɛr, ku gɔl ënɔɔnë ɣeet wadäŋ, wek bï ya riëëu, ku wɛ̈ɛ̈tkï mïthkun ku kuatdun bïk ɛn aa riëëu aköölnyïïn bï ëbɛ̈n.”

Jɔn 1:17

Löŋ aa gëmë Mothe, ku dhuëëŋdepiɔ̈u ku yic aake bɔ̈ në Yecu Kërtho.

Jɔn 7:39

Aa luel ee kënë në këde Wëidït, Wëi bïï kɔc gam en lɔ̈ɔ̈k nööm, Wëidït aake ŋoot ke ke kënë guɔ gam, luɔi ŋootë Yecu ke kënë guɔ gäm dhuëëŋ.

1 Kor 3:16

Kuöckï wegup, nɔn aa wek luaŋdïït ë Nhialic, ku nɔn rëërë Wëidït ke Nhialic ë weyiic?

2 Kor 11:4

Ku na raan bɔ̈ ënɔɔnë, tën ee yen këde Kërtho däŋ guiir, Kërtho kën wo këde guiir, ku të yök wek wëi mɛɛn wëi kɛ̈nkï yök wään, ayï wëlpiɛth mɛɛn wël kɛ̈nkï gam wään, aduɛ̈ɛ̈rkï yiɛ̈n guum apiɛth.

2 Kor 3:17

Ku Bɛ̈nydït en aye Wëidït: ku të nu Wëidït ke Bɛ̈nydït, en ee të nu luny bï kɔc lony.

2 Kor 3:6

Raan cï wo tɔ lëu käŋ, buk aa kɔc ee ka ke löŋ cï piac mac ŋiëc guiir, ku guiëërda acie këde wël cï gɔ̈ɔ̈r tei, ee këde wëi: wël cï gɔ̈ɔ̈r tei ayek kɔc nɔ̈k, ku wëi kek aye kɔc tɔ pïïr.

2 Kor 3:7

Ku na guiëërku ë löŋ de thuɔɔu, en aye löŋ ɣɔn cï gäär ë kur kɔ̈ɔ̈th, të cï e yiëkic dhuëëŋ, ago mïth ke Yithriɛl dhal ë wui woi kek Mothe nyin, në baŋ de dhuëëŋ ë yennyin, ku dhuëëŋ ee kë kɔɔr liu,

2 Kor 3:9

Ku na guiëër ë jäny bï kɔc jɔ̈ɔ̈ny tën ee yen dhuëëŋ, ke guiëër ë piathëpiɔ̈u ee guiëërë wöör ë dhuëëŋ aläldïïtë.

Galatai 3:14

Ë luɔi bï athiɛɛi de Abraɣam bɛ̈n ë Juöör gup në Yecu Kërtho, ku luɔi bï wo käŋ yök ka cï kɔn lueel an, bï ke gäm wook, kek aye Wëidït, në gäm gɛ̈m wok.

Galatai 5:5

Ku wook, aŋäth ë piathëpiɔ̈u wën bɔ̈ në gäm en ayok tiit në Wëidït.

Epethiei 2:18

ku në yen, wook waarou wo duëër röt cuöt Wääda në Wëi tök.

2 Theth 2:13

Ku wo bï dhil cool ë lec Nhialic në biäkdun, wek mïthëkɔckuɔ nhiɛɛr Bɛ̈nydït, në lony cï Nhialic we lɔc të ɣɔn ciɛkë käŋ, ke bï we kony wëi në ɣɛɛr bä wek piɔ̈ɔ̈th ɣɛɛr, ku në gäm bä wek yic gam.

1 Pet 1:2

Kɔc cï lɔc në ŋïny ee Nhialic Wääda ka ŋoot tueŋ ŋic, ku cï Wëidït ke tɔ piɛthpiɔ̈ɔ̈th, bïk këde Yecu Kërtho aa piŋ ku bïke yoor në riɛmde. Ë dhuëëŋdepiɔ̈u ku mät ë ke ŋuak nyïïn tëde week.