2 Kor 3:7 - JAM DE NHIALIC 2011

⁷ Ku na guiëërku ë löŋ de thuɔɔu, en aye löŋ ɣɔn cï gäär ë kur kɔ̈ɔ̈th, të cï e yiëkic dhuëëŋ, ago mïth ke Yithriɛl dhal ë wui woi kek Mothe nyin, në baŋ de dhuëëŋ ë yennyin, ku dhuëëŋ ee kë kɔɔr liu,

2 Kor 3:7 ပူးပေါင်းရင်းမြစ်များ

Cäk 3:21

Ago Bɛ̈nydït Nhialic Adam kum kɔ̈u në dɛ̈l kekë Ɣawa tiiŋde.

Neɣe 9:13

Në kuur ë Thinai nɔm Yïn ëbɛ̈n piny paannhial, ku jamë we kɔcku, ku gämë ke lööŋ lɔgɔk ku wëët piɛth.

Diɛt 119:174

Yɛn ŋäth kuɔɔnydu Bɛ̈nydït! Yɛn ee miɛtëpiɔ̈u yök në löŋdu yic.

Diɛt 119:97

Yɛn nhiaar löŋdu arëët! Aya cool ë tak en en yic aköölnyïïn ëbɛ̈n.

Bɛ̈n 24:12

Na wën, ke lëk ë Bɛ̈nydït Mothe an, “Bä nhial në kuur nɔm të nu Yɛn thïn. Ku të cïn bɛ̈n nhial, yïn bä bɛ̈n gäm pɛɛm ke kur kaarou, paam cän lööŋkï gäär ë kekɔ̈ɔ̈th kedhie, lööŋ bï kɔc aa nyuööth.”

Bɛ̈n 31:18

Na wën, aacï Nhialic thök në jam jiëëm en Mothe, në Kuur ë Thinai nɔm, ke gëm Mothe pɛɛm ke kur cï gɔ̈ɔ̈r kɔ̈ɔ̈th kaarou, kur cï Nhialic guöpde lööŋ gäär ë kekɔ̈ɔ̈th.

Bɛ̈n 32:19

Na wën ɣëët Mothe tëthiɔ̈k, ku tïŋ miɔɔr, ku tïŋ kɔc acɔ̈ŋ, ke riääk piɔ̈u arëët. Go kur wën ɣɛ̈ɛ̈c cuat piny ë kuur thar ëtɛ̈ɛ̈n, agokï kɔ̈ɔ̈th dhuɔɔŋ.

Bɛ̈n 34:1

Na wën, ke lëk ë Bɛ̈nydït Mothe an, “Ŋuith pɛɛm ke kur kaarou, kur cït kur wään tueŋ. Ku bɛ̈ɛ̈i yë keek bä ke bɛ̈n gäär kɔ̈ɔ̈th lööŋ wään cä kɔn gäär ë kur tueŋkë kɔ̈ɔ̈th kaarou, kur wään bä ke dhoŋ kɔ̈ɔ̈th.

Luɔi 6:15

Na wën, ke kɔc kedhie kɔc rɛ̈ɛ̈r ë löŋic, ke ke tom Thepano guöp, gokï tïŋ nyin, acït nyin tunynhial.

Romai 10:4

Ku Kërtho yen aye thök de löŋ në këde piathëpiɔ̈u tëde raan ëbɛ̈n raan gäm.

Romai 4:15

Ee löŋ yen ë agɔ̈th bɛ̈ɛ̈i, ku të cïn löŋ, ke wäc ë kɔc wööc aliu.

Romai 5:20

Ku löŋ aa bɔ̈ thïn, ë luɔi bï awäc rɔt ŋuak awäny wɛ̈ɛ̈cë kɔc käŋ, ku të cï kërac rɔt ŋuak, ke dhuëëŋdepiɔ̈u ë ŋuak rɔt arëët awär kërac,

Romai 7:10

guɔ cöök de löŋ cï yiɛ̈n kɔc në këde pïïr, guɔ yök aye këde thuɔɔu.

Romai 7:22

Yɛn mit piɔ̈u wokë löŋ de Nhialic ë yayic thïn,

Romai 7:5

Ku të wään rëër wok ë ka ke guöpic, ke ŋɔ̈ɔ̈ŋ ee wok ŋɔ̈ŋ ë kërac, kë ë bɔ̈ në löŋ, aaye luɔide looi ë ka ke wogup, bïk luɔk në këde thuɔɔu.

1 Kor 13:10

ku të cï kë cï dikëdik bɛ̈n, ke kë nu ë biäk tei abï tɔ cïn naamde.

2 Kor 3:3

We ye tïc nɔn aa wek awerek de Kërtho, awerek cï looi në wook, ku kënë gɔ̈ɔ̈r ë miök ë gäär, ee Wëi ke Nhialic pïïr kek ë gɛ̈ɛ̈rë ye, ku acie pɛɛm ë kur kek ë gäär kɔ̈ɔ̈th, ee pɛɛm cɔl piɔ̈ɔ̈th ke kɔc.

2 Kor 3:6

Raan cï wo tɔ lëu käŋ, buk aa kɔc ee ka ke löŋ cï piac mac ŋiëc guiir, ku guiëërda acie këde wël cï gɔ̈ɔ̈r tei, ee këde wëi: wël cï gɔ̈ɔ̈r tei ayek kɔc nɔ̈k, ku wëi kek aye kɔc tɔ pïïr.

2 Kor 3:8

na guiëër ë wëi eeŋö cïï en guiëërë bï wöör ë dhuëëŋ?

Galatai 3:10

Ku kɔc ke luɔi de löŋ kek atɔ̈ukï ë aciɛɛnic kedhie: luɔi cï e gɔ̈ɔ̈r an, “Raan ëbɛ̈n raan cie cool ë döt ka cï gɔ̈ɔ̈r ë awerek de löŋic kedhie, bï keek aa looi, ka cï cieen!”

Galatai 3:21

Ku löŋ ënɔɔnë, dekï ater në ka cï Nhialic kɔn lueel an, bï gäm kɔc? Acie yen! Ku të ë de löŋ cï yiɛ̈n kɔc nu, löŋ duëër kɔc tɔ pïïr, ëyic, piathëpiɔ̈u adï cï bɛ̈n tëde löŋ.

Nyöŋ 4:13

Acï week lɛ̈k kë bäk dhil looi në luɔi bä wek män cï looi kekë week döt, wek bï lööŋ kathiëër dhil döt, lööŋ wään cï gɔ̈ɔ̈r në pɛɛm ke kur kaarou kɔ̈ɔ̈th.

Nyöŋ 4:8

Acïn jur däŋ cakaa yen ë dït, jur de nɔm lööŋ cït lööŋ cän week wɛ̈ɛ̈t ee köölë.

Nyöŋ 5:22

“Kakë ayek lööŋ wään lëkë Bɛ̈nydït amatnɔmdun ëbɛ̈n, wään kuöt wek nïïm ë kuur nɔm. Wään bï Yen jam ke week ë röldït ë macic ku në luändït yic, aa gëm week ee lööŋkë ku acïn kɔ̈k pei. Ku ëtɛ̈ɛ̈n acï ke bɛ̈n gäär ë pɛɛm ke kur kaarou kɔ̈ɔ̈th ku gëm keek Yɛn.

Nyöŋ 9:15

Aguɔ rɔt puk ku laar piny ë kur thar, ke ya muk kur kaarou, ku cïï lööŋ gäär thïn, lɔ̈k de mac aye bɛ̈n bei ë kuur nɔm.

Ɣeberuu 12:18

Wek kën bɛ̈n cït man ë kɔc ke Yithriɛl, ɣɔn bïï keek jääm ë kuur ë Thinai lɔ̈ɔ̈m, kuur woi ku aduëër ë jak, aa dɛ̈p në mac ku bïï mɔ̈ɔ̈th ku tɔ piny col

Ɣeberuu 3:3

Yecu guöpde acï yök arɔ̈ŋ ke riëëudït awär Mothe, cït man ye raan dïït ë dhiën dhuëëŋ guöp awär dhiënde.

Ɣeberuu 9:4

Ku kak ee nu thïn ee yïïŋ de nyum ë wal ŋïr cï cuëëc adhääp, ku athänduŋ de mät cï paat kɔ̈u piny në adhääp ëbɛ̈n ku ade yic käŋ kadiäk, kë tueŋ ee tööny adhääp de yic kuïn cɔl mana, kë ye kek rou ee thieny ë Aron wään cï kɔn nyok ku moc gaak, ku jɔ ya pɛɛm cï löŋ cï mac gäär ë kekɔ̈ɔ̈th.