2 Kor 3:2 - JAM DE NHIALIC 2011

² Wek aye awerekda awerek cï gɔ̈ɔ̈r ë wopiɔ̈ɔ̈th, ku cï ŋic ë raan ëbɛ̈n ku yek kueen.

2 Kor 3:2 ပူးပေါင်းရင်းမြစ်များ

Romai 1:8

Cöök tueŋ ka, yɛn lec Nhialicdï në Yecu Kërtho ë biäkdun week wedhie, luɔi cï gämdun lueel ë piny nɔm ëbɛ̈n.

1 Kor 3:10

Luɔi luɔɔi ɛn kë cï tääu ë yacin në dhuëëŋ de Nhialic nu ë atëët nïïm, ku ee raan däŋ yen ayïk thïn. Ku tɔ raan ëbɛ̈n cök ë woi en yïŋ yïk en thïn.

2 Kor 11:11

Ee käŋö? Ee luɔi cän we nhiaar? Nhialic en aŋic en!

2 Kor 12:15

Ku yɛn bï kakï aa riäär piny ke ya mit piɔ̈u, ku ja rɔt riäär piny aya në biäk de wëikun, ciɛk an, dït nhiëër nhiaar ɛn week ke yen aye nhiëërduön nhiaar wek ɛn tɔ koor.

2 Kor 3:1

Cuk bɛ gɔl ë lɛc leec wok röt? Ku kɔɔrku awereek bï wo leec, cït man ë kɔc kɔ̈k, awereek cï gäär week, ayï ka bäk gɔ̈ɔ̈r ku yiɛ̈nkï ke wook?

2 Kor 7:3

Acie jäny jääny ɛn week, yen ë luɛɛl ee kënë: acä kɔn lueel, nɔn täu wek ë wopiɔ̈ɔ̈th, na cakku thou ëtök, ku na cakku pïïr ëtök.

Pilipoi 1:7

Ku apiɛth aya nɔn bän kënë thɔ̈ɔ̈ŋ ë yapiɔ̈u në këdun week wedhie, luɔi aa yɛn we tak ë yapiɔ̈u, në röm aa wek dhuëëŋ rɔm në yɛn ëtök wedhie, në mäny mɛcë yɛn ayï kuny aa yɛn wëlpiɛth kony ke ke bï kɔ̈ɔ̈c aril.

1 Theth 1:8

Luɔi cä wek jam de Bɛ̈nydït tɔ kök abï kɔc piŋ, acie Makedonia kekë Akaya kapäc, gämduön cä wek Nhialic gam acï thiëi ë thäi nɔm ëbɛ̈n, ku acïn ke buk dhil lueel.