2 Kor 3:18 - JAM DE NHIALIC 2011

¹⁸ Ku wook wodhie, wok ee dhuëëŋ de Bɛ̈nydït woi cït man ë wo käŋ woi ë mɛnhdheric, ke cïn lupɔ kum wonyïïn, agoku röt aa puk buk aa ciët täudɛn manë guöp, ku yok dhuëëŋ yök dhuëëŋ ee cool ë ŋuak rɔt, ku ye Bɛ̈nydït en abïï en, yen aye Wëidït.

2 Kor 3:18 ပူးပေါင်းရင်းမြစ်များ

Diɛt 84:7

Ayek lɔ ke ke ril të ciɛth kek, abïk Nhialic dït ë yiëth tïŋ në kuur ë Dhiɔn nɔm.

Jɔn 1:14

Ago Jam aa guöp, ku tɔ̈u ë woyiic (agoku dhuëëŋde tïŋ dhuëëŋ cït dhuëëŋ ë Wën töŋ cïï Wun dhiëëth etök), acï piɔ̈u thiäŋ ke dhuëëŋ ku yic.

Jɔn 12:41

Kakë aake lueel Yithaya, të ɣɔn tïŋ en dhuëëŋde, ago jam në këde.

Jɔn 17:22

Ku dhuëëŋ cï gäm ɛn acä gäm keek, ke ke bï aa tök, cït man ee wok tök:

Jɔn 17:24

“Yïn Wäär, kɔc cï gäm ɛn, yɛn de piɔ̈u luɔi bï kek aa tɔ̈u në yɛn ëtök të nuö yɛn thïn, ke ke bï dhuëëŋdï tïŋ, dhuëëŋ cï gäm ɛn, nɔn cï yïn a nhiaar ɣɔn ŋootë piny ke kënë cak.

Romai 12:2

Ku duökï täu de pinyë nɔm ënɔɔnë ee dɔmic, jakï röt puk në luɔi ë piɛcë we looi nïïm, ke we bï këde piɔ̈n ë Nhialic aa them nɔn yïn en dï, piɔ̈n piɛthë, ku mit, ku cï dikëdik.

Romai 13:14

Jakkï Bɛ̈nydït Yecu Kërtho cieŋ cït lupɔ, ku duökï ee diɛɛr në karɛc kɔɔr guöp.

Romai 8:29

Ku kɔc wään cï kɔn ŋic tueŋ, kek aa kɔn lɔc ë yen, bï ke tɔ kït gup në Wënde, luɔi bï en aa kɛ̈ɛ̈i ë mïth juëc yiic mïth ke Wun.

Romai 8:4

Luɔi bï kë lueel löŋ aa tiiŋic ë woyiic, wok kɔc cie tɔ̈u ë täu de guöp, wok ee tɔ̈u ë täu de Wëi.

Romai 8:7

Ë luɔi de yen ater kekë Nhialic, yen täŋ ee raan ka ke guöp tak, ku acïï këde löŋ de Nhialic ee piŋ, ku acie lëu ë pïŋ ayadäŋ.

1 Kor 13:12

Ku ënɔɔnë, wok ee daai ëmormor, cït man ë raan ë daai acidhathic, ku rial, wo bï aa daai ke wo tuum wonyïïn. Ënɔɔnë yɛn ŋic käŋ ë biäk tei, ku rial yɛn bï käŋ ŋic cït man cï en a ŋic.

1 Kor 15:49

Ku cït man ë ye wo cath në cuɛ̈c de raan ë piny, yen abï wo cath ayadäŋ në cuɛ̈c de raan ë paannhial.

2 Kor 3:17

Ku Bɛ̈nydït en aye Wëidït: ku të nu Wëidït ke Bɛ̈nydït, en ee të nu luny bï kɔc lony.

2 Kor 4:4

Kek kɔc cïï jɔŋ rɛɛc ceŋ pinyë nɔm ënɔɔnë tɔ cɔɔr piɔ̈ɔ̈th, kek kɔc reec gäm, ke riau de wëlpiɛth ke cïï keek bï riaau, wëlpiɛth ke dhuëëŋ de Kërtho, raan ë tɔ̈u ë täu de Nhialic guöp.

2 Kor 4:6

Luɔi ee yen Nhialic, Raan ɣɔn yöök ɣɛɛrëpiny, an, “Bä bei tëcol, ye piny riaau!” Yen aa riau wopiɔ̈ɔ̈th, agoku riau de ŋïny de dhuëëŋ de Nhialic yök, riau nu ë Yecu Kërtho nyin.

2 Kor 5:17

Yen tëde ka, të de yen raan nu ë Kërtho yic, ka ye kë cï piac cak: kathɛɛr acïk lɔ ya, wɔikï, käŋ acï ke piac cak kedhie.

Galatai 6:15

Ku cuɛ̈l ayï luɔi kënë raan cueel, acïnkï naamden ë Yecu Kërtho yic, ee raan cï piac cak, yetök.

Kolothai 3:10

ku cäk raan ë piac cak tääu abäk cieŋ, raan ë be ë Nhialic cak Aciëŋde, ke bï käŋ ŋic ëgɔk, ku bïï ciët täu de raan ë cak en.

1 Tim 1:11

kë cïï räm kekë wëlpiɛth ke dhuëëŋ de Nhialic de athiɛɛi, wëlpiɛth cï tääu ë yacin.

Tito 3:5

ke jɔ wo kony wëi, ku acie në luɔi de këpiɛth cuk looi wogup, ee kok de yenpiɔ̈u en aa kony en wook, në wɛ̈k de dhiënh cï wo bɛ dhiëëth, ku në cäŋ cï Wëidït ɣer wo bɛ cak.

Jakop 1:23

Na de raan ee jam piŋ tei, ku cie raan ee jam looi, ka cït raan woi enyin ë mɛnhdheric, nyindɛn ë dhiëth ke ye.

1 Jɔn 3:2

We kɔc nhiaar, wok ee mïth ke Nhialic ënɔɔnë, ku täudan bï wok tɔ̈u rial akën guɔ tïc. Ku aŋicku nɔn bï wo ciët en, kööl bï en tuöl, në tïŋ bï wok e tïŋ täu tɔ̈u en.