2 Kor 2:3 - JAM DE NHIALIC 2011

³ Ku yɛn ë këmanë gäär week, na miäk, të cän bɛ̈n, ke yɛn cïï dhiënëpiɔ̈u duëër yök tëde kɔc bï a dhil tɔ mit piɔ̈u, ku we cä gam wedhie, nɔn cï miɛt de yɛnpiɔ̈u aa miɛt de wepiɔ̈ɔ̈th wedhie.

2 Kor 2:3 ပူးပေါင်းရင်းမြစ်များ

1 Kor 4:21

E wepiɔ̈ɔ̈th wäkdï? Bä bɛ̈n tëde week ke ya muk thieny duöi ɛn week, ku bä bɛ̈n wokë nhiëër ku piɔ̈n ril.

2 Kor 1:15

Ku gäm cän ee kënë gam yen aa luɛɛl ɛn en ë yapiɔ̈u wään, nɔn bän bɛ̈n tëde week, luɔi bä wek këpiɛth bɛ yök raanrou.

2 Kor 1:23

Ku yɛn cɔl Nhialic bï aa cäätɔdï në këde yɛnpiɔ̈u an, Päl päl ɛn week en a ŋuɔɔt ɛn ke ya kën bɛ̈n Korinth.

2 Kor 12:11

Yɛn cï aa raan mum nɔm ë lɛc lɛɛc ɛn rɔt, we cï a dhil tɔ lec rɔt, adï cäk a leec week: acïn kë ye tuuc a wöör acakaa tuuc dïït nu tueŋ aläl, acakaa yɛn ë cïn këdäŋ.

2 Kor 12:21

Ku yɛn ë riɔ̈ɔ̈c, miäk, të la yɛn bɛ bɛ̈n, ke Nhialicdï acït kë bï a tɔ yäär ë weyiic, ku yɛn cït kë bï kɔc juëc dhiëëu kɔc cï kërac kɔn looi, ku kënkï kepiɔ̈ɔ̈th puk në luɔidɛn col ku kɔ̈ɔ̈r ee kek diäär kɔɔr ku dhöömden, luɔidɛn rɛɛc ë cïk aa looi.

2 Kor 13:10

Yen a gäär ɛn kakë ke ya liu ë weyiic, ke we cä bï dhil nen ë nën rac miäk të cän bɛ̈n, ago riɛl cïï Bɛ̈nydït gäm ɛn, ago aa këde yïŋ de käŋ, ku acie këde dhuur ë käŋ piny.

2 Kor 2:9

En aa gäär ɛn week wään aya, luɔi bän week them aguɔ piɔ̈ndun ŋic, nɔn aa wek këriëëcdï piŋ ëbɛ̈n.

2 Kor 7:12

Yen na cä we cak gäär wään, acie biäk de raan cï këdäŋ wööc, en ë gäär ɛn en, ku cie biäk de raan cï wäc këdäŋ aya, ee luɔi bï diɛɛrduön dït tɔ tiëc tëde week ë Nhialic nɔm, diɛɛr aa wek diɛɛr ë wook.

2 Kor 7:16

Yɛn ë piɔ̈u miɛt, në baŋ dɛ yɛn piɔ̈u aŋäth cï dikëdik ë këdun në këriëëcic ëbɛ̈n.

2 Kor 7:6

Acakaa kakë kek ë nu, Nhialic, Raan ë kɔc riit piɔ̈ɔ̈th kɔc ë piɔ̈ɔ̈th dhiau, acï wo riit piɔ̈ɔ̈th në bɛ̈n de Tito.

2 Kor 7:8

Ku acakaa yɛn ë cï week tɔ dhiau piɔ̈ɔ̈th në këcïgɔ̈ɔ̈r, ke yɛn cïï rɔt gäk ënɔɔnë, acakaa yɛn ë cï rɔt kɔn gɔ̈k wään, acä tïŋ nɔn cï këcïgɔ̈ɔ̈rë we tɔ dhiau piɔ̈ɔ̈th, ku we cï piɔ̈ɔ̈th guɔ lɔ yäŋ.

2 Kor 8:22

Ku wo cï mɛnhkënëdan däŋ tooc kekë keek ëtök, raan cuk kɔn them ëcaŋɣɔn ku cuk yök alëthic në kajuëc, ku ënɔɔnë alëthic awär man wään në biäk de aŋäth ŋɛ̈ɛ̈th en week arëët.

Galatai 5:10

Yɛn ŋäth Bɛ̈nydït në këdun ke cïn löŋ däŋ bäk dɔm: ku raan ë we tɔ diɛɛr ë wël abï këde yök ë yenhde, acakaa yen ë ye raan yïndï.

2 Theth 3:4

Ku wo ye Bɛ̈nydït gam në këdun, nɔn luɔɔi wek ka cuk thɔ̈n week ënɔɔnë, ku nɔn bä wek aa cool ë luɔɔi wek keek.

Pile 1:21

Aŋiɛc nɔn bï yïn këdï gam, yen a gäär ɛn yïn, ku aŋiɛc nɔn bï yïn kë wär kë luɛɛl looi ayadäŋ.