2 Kor 13:5 - JAM DE NHIALIC 2011

⁵ Thɛmkï röt nɔn rɛ̈ɛ̈r wek ë gämic ëgɔk, caathkï röt. Kuöckï wegup nɔn nu Yecu Kërtho ë weyiic, të cä wek ee kɔc cï rɛɛc tei?

2 Kor 13:5 ပူးပေါင်းရင်းမြစ်များ

Diɛt 119:59

Yɛn ŋic täudï apiɛth, ku yɛn cï gutguut lueel bä wëëtdu kuany cök.

Diɛt 17:3

Yïn ŋic a piɔ̈u. Yïn ee ya neem wakɔ̈u, Yïn cï a them arëët, acïn rɛ̈ɛ̈c cï yök në ya guöp,

Diɛt 26:2

Them ɛn apiɛth Bɛ̈nydït, caar yapiɔ̈u ku them täŋdï.

Jeremia 6:30

Abï keek aa cɔl kɔc cïn naamden, në biäk cän keek rɛɛc Yɛn Bɛ̈nydït.”

Dhiëëu 3:40

Themku kuɛɛrkuɔ yiic ku pukku röt Bɛ̈nydït.

Edhekiɛl 18:28

Acï kë ye looi jɔ ŋic go luɔi de awɛ̈ɛ̈c pɔ̈l, ke yen ë yic acïï bï thou, abï jɔ tɔ̈u ke pïïr.

Ɣagai 1:5

Aye Bɛ̈nydït de rɛm lueel an, Cäkï kë bï rɔt pɔ̈k week ee tïŋ?

Ɣagai 1:7

Aye Bɛ̈nydït de rɛm lueel an, Kɛ̈nkï cät eeŋö tɔ kakun tɔ̈u aya?

Jɔn 14:23

Go Yecu bɛ̈ɛ̈r, yöök an, “Të nhiɛɛrë raan ɛn, ka bï wëlkï muk: go Wäär nhiaar, agoku bɛ̈n të nu yen, rëërku në yen ëtök.

Jɔn 15:4

Rɛ̈ɛ̈rkï ë yayic, ku yɛn ë weyiic. Acït man cïï këër duëër luɔk etök, të cïï en rɛ̈ɛ̈r ë timic, yen acït week aya, we cïï duëër luɔk, të kɛ̈n wek rëër ë yayic.

Jɔn 17:23

yɛn ë keyiic, ku yïn ë yayic, ke ke bï dikëdik abïk aa tök, ago kɔc ke piny nɔm e ŋic nɔn ee yïn ë toc ɛn, ku nɔn cï yïn keek nhiaar, acït man nhiɛɛr yïn ɛn.

Jɔn 17:26

Ku acä ke tɔ ŋic rinku, ku abä ke tɔ ŋic, ke nhiëër ee yïn a nhiaar bï nu ë keyiic, ku nuö ë keyiic.”

Jɔn 6:56

Raan ee rïïŋdï cuet, ku dek riɛmdï, ka ye rëër ë yayic, ku rɛ̈ɛ̈r ë yeyic.

Jɔn 6:6

(Aa lueel kënë them en en: yen guöp aŋic kë bï looi.)

Romai 1:28

Reec cï kek ŋïny de Nhialic rɛɛc muk ë kepiɔ̈ɔ̈th, yen aa koonë Nhialic keek, abïk nïïm rac ëtaiwei, bïk käŋ aa looi ka cïï röŋ ë luɔi duëër raan ke looi.

Romai 8:10

Ku të nu Kërtho ë weyiic, ke guöp ë thou në baŋ de kërac, ku pïïr Wëi në baŋ de piathëpiɔ̈u.

1 Kor 11:28

Ë raan kɔn rɔt thiëëc, ku bï jɔ cam ee kuïnë, ku dëk ee bïnyë.

1 Kor 11:31

Ku tëë wo ye röt ŋiëc jɔ̈ɔ̈ny, adï cïï wo ye jɔ̈ɔ̈ny.

1 Kor 3:16

Kuöckï wegup, nɔn aa wek luaŋdïït ë Nhialic, ku nɔn rëërë Wëidït ke Nhialic ë weyiic?

1 Kor 6:15

Kuöckï wegup, nɔn ee kek ka ke Kërtho? Ku bä ka ke Kërtho nööm, takï keek ee ka ke akɔɔrröör? Ei! Acïï bï aa yen!

1 Kor 6:19

Ku kuöckï guöpdun nɔn ee yen luaŋdïït ë Wëidït ɣer nu ë weyiic, Wëi cäk yök tëde Nhialic, ku wek cie cath ë naamdun?

1 Kor 6:2

Kuöckï kɔc ɣerpiɔ̈ɔ̈th nɔn bï kek löŋ de kɔc ke piny nɔm aa guiir? Duëër röŋ në guiëër bä wek lööŋ thiiakäŋ aa guiir?

1 Kor 9:24

Ku na kɔc ë wöör, kuöckï keek nɔn wɛ̈ɛ̈r kek kedhie, ku raan tök en aye miɔɔc ë këdäŋ? Yen aa wek wöör wäkya, ke we bï miɔɔc.

1 Kor 9:27

ku yɛn ee yaguöp dui, ku ta ye lïmdï, ke ya cïï bï cuat wei, ya ka ye raan ë wël kɔn guiëër kɔc kɔ̈kkë.

2 Kor 6:16

Ayï luaŋ ë Nhialic bï jam mat kekë yiëth adï? Ku week, wek aye luaŋ ë Nhialic pïïr, acït man cï Nhialic e lueel an, “Yɛn bï rëër ë keyiic, ku cath ë keyiic, ku yɛn bï aa Nhialicden, ku kek abï aa kɔckï.”

Galatai 2:20

Yɛn cï piäät ë tim cï rïïu nɔm kɔ̈u wokë Kërtho ëtök, ku yɛn ŋoot ke ya pïïr, ku acïï be aa yɛn, ee Kërtho en apïïr ë yaguöp. Ku pïïr piëër ɛn ë guöpic ënɔɔnë, ee gäm en a piëër ɛn, gäm aa yɛn Wën ë Nhialic gam, raan ë nhiaar ɛn, ago rɔt gaam në biäkdï.

Galatai 4:19

Wek mïthkiën thiikë, yɛn ë bɛ rɔ̈ɔ̈p ë dhiënhdun, aɣet të bï Kërtho cuëëc ë weyiic.

Galatai 6:4

Raan ëbɛ̈n ë ŋɛk ë ye luɔide yenguöp thɔ̈ɔ̈ŋ ë yepiɔ̈u, yen abï en dɛ të bï en rɔt leec në këde yen etök, ku acie në këde raan däŋ.

Epethiei 3:17

ke Kërtho bï rëër ë wepiɔ̈ɔ̈th në gäm gäm wek, ago meikun ku këërkëërdun ɣet piny ë nhiëëric,

Kolothai 1:23

të ya wek cool ë rëër ë gämdunic, abäk kɔ̈ɔ̈c aril ku cäkï ee dap wïïk, ku të kɛ̈n wek röt rat wei ë aŋäthic aŋäth ë wëlpiɛth cäk piŋ, wël cï guiëër kɔc cï cak kedhie ë pinynɔm ëbɛ̈n, kek wëlpiɛth ë ya yɛn kake looi yɛn Paulo.

Kolothai 1:27

Acï miɛt ë Nhialic piɔ̈u luɔi bï en keek tɔ ŋic dït de dhuëëŋ de këcïmoonyë ë Juööriic, yen aye täu tɔ̈uwë Kërtho ë weyiic, ku ye aŋäth de dhuëëŋ.

Kolothai 2:19

ku cïï Nɔm ee muk aril, Nɔm ee guöp ëbɛ̈n tɔ dït ë Nhialic, në muŋ cï e muk ku män cï en rɔt mat në yomnyïïn ku räl.

Kolothai 2:7

Ku takï meeidun ɣet ë yeyic, ku we bï yïk ë yeyic, ku yak kɔ̈ɔ̈c aril në gämic, cït man cï we wɛ̈ɛ̈t, ku yak kuɛth ë gäm abäk thieithieei dap aa lueel.

1 Tim 2:15

Ku tik abï kony të dhiëëth en meth, na lee tïït të tɔ̈u kek në gämic ku nhiëër ku ɣɛɛrëpiɔ̈u ku piathënɔm.

2Tim 3:8

Ku acït man ɣɔn lueelë Jane ku Jambere lueel kek ater në Mothe, yen acït luɛl ee kɔckë ater lueel në yic aya, ee kɔc cï nïïm riääk ëtaiwei, ku cï ke tɔ cïn naamden në këde gäm.

Tito 1:13

Kë lueel cäätɔyë ee yic. Yen ee yïn keek jɔ̈ɔ̈ny ë jäny rac, ke ke bï aa tɔ̈u ë gämic ke cïn kërac,

Tito 1:16

Ayek lueel an, ŋickï Nhialic, ku yek jäi në luɔiden, ee kɔc rac ëtaiwei, ayek löŋ rɛɛc piŋ, ku cïnkï naamden në luɔi piɛth ëbɛ̈n.

Tito 2:2

An, ë röördït ë ke ye röt tiit apiɛth, ku yek kɔc piɛth nïïm, kɔc ee nïïm tiëër, kɔc ee tɔ̈u apiɛth ë gäm, ku nhiëër, ku ruötëpiɔ̈u.

Ɣeberuu 12:15

Yak yïn ke cïn raan töŋdun bï löny ku cïï dhuëëŋ de Nhialic piɔ̈u bï yök, tiir tök ee tiir riɔ̈ɔ̈k, yen ya wek cök ë wɔi wek röt apiɛth ke cïn mei de kɛcëpiɔ̈u bï cil në weyiic ku tɔ kɔc juëc lɔ në këracic

Ɣeberuu 4:1

Ye ka, cït man ŋoot ë Nhialic ke cöl wook lɔ̈ŋ aɣet cï ënɔɔnë, jɔku röt tiit ke bï ciën kɔc bï döŋ ke ke cïï lɔ në ee lɔ̈ŋë yic.

Ɣeberuu 6:8

Ku na le luɔk në thil ku kuɔɔth, ka cïn këpiɛth nu thïn, atit riäŋdïït bï Nhialic ye cieen ku nyop në mac.

Jakop 4:4

Wek röör akɔɔrdiäär ku diëër akɔɔrröör, kuöckï määth ë ka ke pinynɔm nɔn ee yen ater lueel kekë Nhialic? Yen na de raan kɔɔr nɔn bï en määth kekë ka ke piny nɔm, ka ye rɔt tɔ ye raan de ater kekë Nhialic.

1 Pet 5:9

Yak ŋɛ̈ny, abäk aa kɔc ril në gäm, në ŋïny ŋiɛc wek en an, mïthëkɔckuön nu ë piny nɔm aye katuc manë ke dhal kacït ka dhal week.

Nyuuth 2:5

Tak yïnɔm ë të wään lööny yïn thïn, ku puk yïpiɔ̈u, bä luɔi tueŋ wään looi, be, an, cïï e loi, ke yɛn bï dap bɛ̈n tëde yïn, bä ku nyaai manyalath tëde, të kën yïn yïpiɔ̈u puk.