2 Kor 13:4 - JAM DE NHIALIC 2011

⁴ acakaa yen ë cï piäät ë tim cï rïïu nɔm kɔ̈u ke kɔ̈c guöp, ka pïïr ënɔɔnë në riɛl dïït ë Nhialic, riɛl nu tëde week.

2 Kor 13:4 ပူးပေါင်းရင်းမြစ်များ

Jɔn 10:18

Acïn raan cï ke nööm tëde yɛn, ee yɛn ë gɛm keek yatök. Yɛn cath wo riɛl bän ke gaam, ku dɛ riɛl bän ke kuany nïïm aya. Thönë aa yɔ̈k tëde wäär.”

Luɔi 2:36

“Na ënɔɔnë, tɔ baai de Yithriɛl ëbɛ̈n tɔ ŋic cöökë ëgɔk an, Yecu manë, raan wään cäk piäät ë tim cï rïïu nɔm kɔ̈u, yen acïï Nhialic tɔ ye Bɛ̈nydït ku tɔ ye Kërtho aya!”

Luɔi 3:16

Ku rin ke yen, në gäm cï wo rinke gam, yen aa tɔ raanë ril, raan wɔikï ku ŋiɛckï: yeka, gäm bɔ̈ tëde yen acï raanë gäm guöp cï dikëdik ë wenyïïn wedhie.

Romai 1:4

ku cï tïc në riɛl dït nɔn ee yen Wën ë Nhialic, në këde Wëi ke ɣɛɛrëpiɔ̈u, në jön cï en rɔt jɔt ë kɔc cï thou yiic, yen Yecu Kërtho Bɛ̈nydïïtda,

Romai 14:9

Ku yen aa thouwë Kërtho, ku jɔt rɔt be pïïr, luɔi bï en aa Bɛ̈nydïït ë kɔc cï thou ayï kɔc pïïr.

Romai 6:4

Yen ka, wok cï tɔ̈ɔ̈u në yen ëtök ë thuɔɔuwic në baptith cï wo baptith, luɔi bï wok tɔ̈u ë pïïr ë piɛcku yökic aya, cït man ë jön cï Kërtho jat nhial ë kɔc cï thou yiic në dhuëëŋ de Wun.

1 Kor 1:25

Acakaa pial ë Nhialic piɔ̈u awär kɔc në pɛlënɔm, ku kɔ̈c kɔ̈ɔ̈cë Nhialic awär kɔc në riɛl.

1 Kor 15:43

Aye com ë ke cï biɔɔn, ku jɔt rɔt ke cath ke dhuëëŋ, aye com në kɔ̈cde, ku jɔt rɔt në riɛl:

1 Kor 2:3

Ku yɛn aaye rëër ë weyiic ke ya kɔ̈c, ku riääc, ku lɛthë yɛn arëët.

1 Kor 6:14

Ku Nhialic ë Bɛ̈nydït jat nhial, ku abï wo jat nhial aya në riɛldïït ë yencin.

2 Kor 10:10

Ade kɔc ee ye lueel an, “Kakɛn cï gɔ̈ɔ̈r aciɛthkï në löŋ thiek, ku rilkï, ku täu de yenguöp akɔ̈c, ayï jamde acïn nɔm!”

2 Kor 12:10

Yɛn a ya yɛn ë piɔ̈u miɛt ë kɔ̈c kääc ɛn, ku në lɛ̈ɛ̈t ee ya läät, ku në dak aa yɛn dak ë käŋ, ku në yöŋ ee ya yɔŋ, ku në dhäl ee käŋ a dhal, në biäk de Kërtho: kööl kääc ɛn en aye kööl riɛl ɛn.

2 Kor 13:9

Wok ë piɔ̈ɔ̈th miɛt, të ee wok kɔ̈c, ku cöök ee wok lɔ̈ŋ aya, ee luɔi bä wek piɔ̈ɔ̈th dikëdik.

Pilipoi 3:10

ku luɔi bän e ŋic, ku ŋiɛc riɛl dïït ë jöndɛn cï en rɔt jɔt, ku ŋiɛc röm bän ka cï guum rɔm wokë yen ëtök, aguɔ guöp kït wokë yen në thon cï en thou,

Ɣeberuu 5:7

Ɣɔn nu Yecu ë piny nɔm, acï Nhialic lɔ̈ŋ ku dhiɛɛu në röldït, lɛ̈ŋ Nhialic Raan duëër en kuöny bei në thuɔɔuwic. Aye lɔ̈ŋ në riëëu ku kuur yen rɔt kuɔɔr piny në Nhialic nɔm, go Nhialic lɔ̈ŋde piŋ.

1 Pet 3:18

Luɔi cï Kërtho käŋ guum aya raantök në këde kërac, raan piɛthpiɔ̈u en aa gum käŋ në biäk de kɔc racpiɔ̈ɔ̈th, luɔi bï en wo lɛɛr të nu Nhialic, ë tɔ thou ë guöpic, ku tɔ pïïr ë wëi yiic,

1 Pet 3:22

raan cï lɔ paannhial, ku ye tɔ̈u ë ciin cuëëny de Nhialic, ku tuucnhial ku bäny ku riɛl acï ke tɔ piŋ këde.